بين قضبان الجحيم

الرابع والستون

بين قضبان الجحيم

بقلمي عذراء الساعدي

......

كل احاديث القلب عابره

الا احاديثك فأنها بوتين القلب عالقه

❤

❤

سمر ردت امي عليهم و كالتلهم الولد

راح يجيب اهله ويجي هنا بعد ما عددكم حجه

مجاوبيهه البنيه بنيتكم كبعوهه واخذوهه اسبوعين هيج

وصفو كلشي هناك

بس ضل بيتي ما انباع كتلهم عوفوا

كعدو عدنه

بين ما يلكولهم بيت منتظر ومرته كعدو بالغرفه البصف غرفتي

وعمي ورحيم جوه بغرفه

ونغم ورجلهه بغرفتي القديمه ومرت عمي يم امي

اول يوم اجو جانن اليفات

كاعدات عاقلات

كعدنه نسولف ونضحك واتفقن ويه امي

باجر يروحن للناس يشوفن البنيه

ثاني يوم من الصبح الولد طلعو يدورون بيت

واحنه ضلينه وحدنه

اني ونغم التهينه بالبيت احنه انظف منا وشياطينهن يزبلون منا

والحر اجيت احركهم همه وامهم

تالي جريت نغم وكتلهه عوفي واكعدي طاح حضنه

بلكي من يشوفن

الهوسه يحسن على روحهن ويكعدنهم يصيحن بيهم

ههههه جايه على ذني وعلي لا يحسن ولا يستحن

ولا يصيحن بجاهل ابد وين لاكياتهه

كاعدات وعدهن ناس تخدم بيهن وبجهالهن

دخل نكعد هسة واني اخليهن يحسن واذا ما حسن

اني الزم الجهال. واكطعهم

هههه دمشي نكعد يله

رحنه كابلناهن وكعدنه الهوانم حاطات رجل على رجل

وكاعدات جنهن بيتهن امهات الكمل

ضلينه اني ونغم نسولف وحدنه ونضحك بصوت عالي

ومرت عمي تباوع لنغيمه وتخزر بيهه

نغم هاي مرت عمج إذا اوكع بيدهه اليوم تحركني وعلي

عشتو شحدهه وعلي اكسرهه تكسر

خرب عرضج سميره جبار البداخلج دومه حامي

والحر اذكرج بيهه بعدين هاي السوسه محمله عليهه

هواي وعلى يوم تطك عدي واكفشهه