بين قضبان الجحيم
بقلمي عذراء الساعدي
*******
ان تكون عزيزا افضل بكثير
من ان تكون حاضرا بلا قيمه
...........
سمر توني غفيت وانركع الباب واجاني صوت غريب
وحده تلعلع
ولج بربوك شكلتي لبوي وهيج صار حاله
مندري عايش ميت منين اجيتينه انتي ومحمد اذا صار عليه شي
ادور على راسج نفط واحركج وهاي
انه مرابطه بباب الغرفه بس اسمع خبر مو زين
تشاهدي على روحج معناهه هذه آخر يوم بعمرج
بلعت ريكي خايفه من تذكرت شكولهن كلهن طول بعرض
واني جني فصمه
والحر يدورن عليه بس يبوسني اختفي
دخيلك ربي لا تموته
والله للصبح ضليت كاعده هنه كاعدات بباب
غرفتي يسولفن ويضحكن شويه ويتذكرن ويردن يركعن
الباب ويهددن والله لو ما حامل
جان طلعت الهن حتى لو انكتل بس المهم افوخ
كلبي بوحده منهن هل ادبسززيات
بالعشرة اجه منتظر دك الباب اني جن اجاني الفرج
ركضت فتحته وبلهفه سألته
على عمي
كال ضاربته جلطه بس متعديته الحمد الله
اول ما فتح عيونه سأل عليج
وكال ههه هسة نسوانه متولياتهه وتلكاهه حابسه روحهه
بغريفتهه المسكينه
اي والحر كلامه صحيح من البارحه محبوسه
وحتى نوم منايمه
لا بربج
والله
عمي نسوانه وكحات امسحيهه بوجهي
واني راح ابقه كاعد هنا بالصاله امشي للحمام وتريكي
واخذي التردينه وطبي
وقفلي الباب عليج بين ما يكوم ابوي بالسلامه
ويحل سالفتج
الله يكومه بالسلامه
امين
بس حجاهه ركضت للحمام غسلت وطلعت للمطبخ
كاعده بت عمي عشتو
تعديتهه ورحت للثلاجه طلعتلي فواكه خليتهن
بماعون وسويتلي لفه واخذت بطل مي
أنت تقرأ
بين قضبان الجحيم
General Fictionتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
