بين قضبان الجحيم

البارت الاول

توني سديت حلكي وطلع الضابط بوجهي

باوعلنه مصدوم نوب باوع للضابط كله شنو

عمر هاي تخصني وين ماخذهه

لا بشرفك كالو رفضتك لذلك استعجلت قبل لا احد ياخذهه

لا قبلت منو كلك رفضتني ليش اني انرفض

لا والله متنرفض ومخبله التسويهه

لعد اتركهه وشوفلك غيرهه

هز براسه وراح وذنيج لحكنه صافنه

اباوعلهم شون يحجون بيه هيج وكدامي وكانو اني لعبه

تنباع وتنشره وحجه الضابط لحكيني لمكتبي

مشيت وراه واني خاويه واعرف شراح يصير وره هل كعده

دخلت للمكتب صدت عيني على اسمه ههه الهيبه

الكل كاتله روحهه عليه هسه بره بس ميعرفن داخله شنو

اشرلي كعدي وكعدت صفن عليه وطالت صفنته

مراح تحجي لعد خليني اولي

انتي ليش هيج حلوه

تدري لو ادري هيج راح يصير بيه جان شوهت هاي الخلقه

كبل لا تلزموني

هههه حتى لو مشوهه عادي عدهم

لان حيوانات

شكلتي

مكلت شي

اي ست سموره شفتي مجرد سحبت ايدي منج شصار

وتره عرضي بعده قائم ها والتردي يجرالج

شنو سبب اصرارك عليه

دخلتي مزاجي عجبتيني

تره حرام عليكم والنبي اني بعدني بنيه لويش تردون تلوثوني

تردين تقنعيني انج جنتي تنامين بالشارع

وضليتي محافظه على شرفج

اي وروح ماما

صفن عليه متعجب من كلامي

بس ميخالف تره اني حتزوجج عقد سيد يعني تصيرين

مرتي ومن اطلكج انتي محافظة على شرفج لان ممسويه

شي بالحرام

واني ما أريد لا حلال ولا حرام

لعد بكيفج هل مرة صدقا راح اسحب ايدي منج وشوفي

الشكول الحتطلع بوجهج بره ميخلص دوامهم

ضليت ابجي بلكي يرأف بحالي بس ما كو اصلا ولا جني

موجودة طنشني وكعد مدري شيكتب

كمت اروح كال فكري منا لباجر

اخذني الشرطي للزنزانه تلكتني نور هاي الفقيره الوحيدة بينهن

اول يوم جيت هنا منهاره وهيه خلتني اقوى وعلمتني

شلون اعاند واكول لا

سألتها شنو سبب وجودج هنا ضحكت لحد ما ختنكت نوب بجت

وكالت قضيه شرف ههههه

شون يعني مفهمت

قتلت زوجي لكفته يخوني لا ونوب ويه منو

ويه اعز صديقه الي

وقتلتهم اثنينهم غسل عار همه مو يكتلونه ويكولون غسلنه

عارنه اني هم سويت مثلهم

صفنت عليهه وسكتت

نور شبيج ولج غاديه جنازه لعد اني شعلمتج

مو كتلج لو تنذبحين لتبينين ضعفج وين جنتي خذاج هذه الك...

جنت نايمه ما ادري من كعدت سالت عليج كالن خذوهه

مسوالي شي بس راح يسوولي

هاي شنو شو صارت جمع لج شبساع كثرت الضباع حواليج

نور الكيلي حل ابوس ايدج ما أريد رجال يتقربلي

انتي هسه مو حلوه بس محد يتندالج بالرغم اشوفهم

شلون يردون ياكلوج من يباعولج

باوعتلي وصارت تلعب بحواجبهه وتضحك

ولج اني اول يوم نسجنت رادني الراس الجبيره الهنا

وكلي اعيشج ملكه ورفضته وضل يتوسل

ومن شافني ما كلبته راد ياخذني بالقوه عاد اني شسويت

مرة بوقت الاكل بكت الخاشوكه وحطيتهه بهدومي

وضليت احد بيهه بالكاع بالحياطين لحد ما نحدت

لان جنت ادري مراح يعوفني بحالي

لذلك اخذت احتياطاتي فمن حصرني

الاخ جان انومهه بطنه خليته يجالع وكام يتهدد اله اخيسج بالسجن

واله ارفع عليج دعوه بتهمه التعدي عليه

اني ضحكت وكتله عود اكل للقاضي اني لزمته وتحارشت

بيه وهوه صدني وخطيه اجه يضربني لان جان يدافع على

شرفه واني ضربته عاد هو بلع ريكه وطم السالفه

بس انشهر هنا وكلهه كامت تضحك عليه ويكولون ماكدر على مرة

بس ما احجيلج شسوه بيه من طاب واجه

لا خله حبس انفرادي لا تعذيب نفسي وجسدي موتوني

من الجوع والعطش نوب فترة ووله انقل

بس لو عارض عليه يعقد جان وافقت اقلها بالحلال وبعده محد

يتدنالي انصحج تقبلين عرضه

للضابط لان اذا رفضتي باجر تعضين اصابعج ندم

وهم هوة شخصية وحليوه

وبعدين بلكي يحبج ويدور بقضيتج ويطلعج براءه

مو تكولين انتي ما كاتله

عفتهه ولفيت راسي ونمت وضليت افكر بكلامهه وبكلام

الضابط وتوصلت لقرار نهائي خلص

باجر اطلب اشوفه واكله

هاي بارت زغيروون تصبيره ❤