بين قضبان الجحيم
بقلمي عذراء الساعدي
مشه بالنص ساعه بس صوت النفس مسموع لهناك وضرب
على راسه باوعتله مستغربه
جر نفس وكال
اني من تصوبت خليت حمزه يفهمهه اني طالع بدوره من اخذج
واطب عليهه اكيد راح تسألني شوكت اجيت شوكت رحت حليت
بلاوي الوادم
باوعتله وما جاوبته عقلي واكف عن التفكير حاليا
تجيت على الجامه وغفيت مدري شكد مر وكت وفزيت على
شي يضرب بيه من افتح عيوني والكاه وسام يكعد بيه
بالكوشه جان حاطهه وره ضهره
ادري اني كخه لو فايروس حتى هيج تكعدني
يولي حرام المسج
فهمت باوعت من الجامه لكيته واكف كدام فندق
هاي شنو ليش هنا
اليوم انتي تنامين هنا وباجر امر عليج لازم ما نخلي الوالده تشك
لان إذا شكت بنسبه واحد بالميه تشحتنه ثنينه من البيت
وشلون راح تامن عليه وتعوفني وحدي
طبعا ما عوفج وحدج بالطريق خابرت السايق مال البيت يحجز غرفتين
مقابيل بعض وراح يضل مساهر منا الباجر
تره ماكو داعي تخلي حراسه عليه لو اريد اشرد جان شردت
ومن زمان ليش حتى اشرد هسه
يله ننزل اريد ارجع تعبان كلش والحسين
هزيتله راسي ونزلت تلكانه ولد شاب جان كاعد بره اطاه مفتاح
ومشينه وراه جانت طابق ثاني فتح الباب وفتت
وكف بالباب وكال اخذي راحتج وباجر انشاء الله اجيج
اختنكت مدري ليش تعلمت ما اكعد وحدي صرت اخاف من الوحده
بدون وعي ولحضه ضعف كتله
وسام فدوه لعينك لا تعوفني مثل البقيه كل املي معلكته بيك
إذا عفتني انكسر وهل مرة الكسره جبيره ويمكن تكون القاضيه لسمر
باوعلي وصفن بعدين كال ارتاحي وامني بعيوني انتي
وبمسؤليتي ومستحيل اعوفج وإذا صارت فبحاله وحدة وهيه
هل روح فارقت هل جسد وسافرت للرفيق الاعلى
صمله عليك عمرك طويل انشاء الله
ابتسم وسلم وسد الباب وراح نزلت دموعي مسحتهم وكمت سبحت
وطلعت نشفت شعري ومشطته وكمت صليت
أنت تقرأ
بين قضبان الجحيم
General Fictionتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
