بين قضبان الجحيم
بقلمي عذراء الساعدي
بالليل كلش حسيت احد يرفع بثوبي
جمدت بمكاني وحتى النفس كطعته من الخوف
اريد اتحرك من الهبطه الاكلتهه ما كدرت كام يتماده بحركاته
فتحت عيوني واشوف هاي الخنثه جمدت
اصطتكيت هيه من شافتني سكتت عبالهه راضيه
دنكت تبوسني مدري شلون وضربتهه بعكسي على حلكهه
طفر دمهه عليه
ضلت بس تكفر الجلبه واني اباوعلهه متشفيه
فزن البنات على صوتهه وربعهه طفرن عليهه وهيه عينهه
عليه جرنهه وراحن مدري شكلتلهن ورجعن اربعتهن عليه
هدادات كمت وي كومتي نضربت على خشمي
لزمتلي وحدة كطعتهه تكطع وذنيج تولني دفرات وين
اليوجعني خشمي موتني مصار هواي من وكعت عليه وهاي
كملتهه على صوتنه طبن السجانات بتواثيهن وهم اخذنالنه
جم ضربه ونسحلنه
نور نايمه بمكانهه بوكت العرك ما تفزعلي ابد
تكلي انتي غبيه ما تستخدمين عقلج تتصرفين بثول
ايدج والضرب والصوت العالي وانتي الخسرانه بهل حاله
سحلنه سحل مثل المطايه وكفنه بالباب ودخلت السجانه تحاجي
الضابط المناوب وطلعت كالت منو ساس العركه منو البدت
ضلن وحدة تباوع على الثانيه
حجيت اني واشرت على
هاي الحايره بيهه مره
لو رجال
وطببتنه لكيته وسام لعد البربوك الجلبه من كتلهه اريد أحاجي
سوته مجاز بت الكلب
لا اله الا الله هم سمر وانتي الباديه بالعركه مو بس هل
مرة مكتوله هم خوش
اي قدر منو البدت
سيدي هيه العالت بيه
اكلي خر* اني لو انتي ال..
انتبهت لروحي جفصت وركبت المصيبه براسي
مال الثول ولا يصير براسي خير ابد
هاي كدامي وهيج السانج بالزنزانه شلون تكولين اني
بريئه بس يوم عن يوم جاي تثبتيلي انتي مجرمه
سيدي وروحه الابويه اني بريئه
وهاي سوتلي سوايه غمه على اساسهه تصرفت هيج
وشنو هيه السوايه الغمه السوتهه بله اريد اعرف
أنت تقرأ
بين قضبان الجحيم
General Fictionتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
