بين قضبان الجحيم

الثاني والستون

بين قضبان الجحيم

بقلمي عذراء الساعدي

.....

ولما اراد الله ان يهبهما الحب قال

لملائكته ضعو قلبه بقلبها وانثروا

الحب بينهما واربطو وتينه بها❤☁

❤

❤

سمر صفنت عليهه حرت شجاوبهه ونسيت اسأل

وسام إذا نسالت على نور شكول

تالي كلت ما دام عبالهم احنه ميتات لعد خل

اكلهه ماتت خطيه ضلت تبجي واني سويت روحي ضايجه

ومقهوره حتى متشك بيه

وبكلبي اردد صمله والف صمله عمرهه طويل

ان شاء الله بس شعجب ما حجيت لزهور خوش صايره

الزم لساني الف الحمد الله

ضلينه كاعدات نسولف وحجتلي على قدر من

متحارشه بيهه واني ندمجت وياهه وجني اول مره ادري

ولا جنه وسام حاجيلي قبل عليهه ههه

بعدهه سولفت على بنتهه وكامت تبجي لان مشتاقتلهه

واجه عبوسي على بالي

سوده عليه خاف جوعان يربي كابلتهه وكمت ابجي وياهه

لحد ما ملينه البجي يله سكتنه

بعدهه ضليت اسولف

ويه الحبايب الي اذكرهن بس ما اعرف ليش خايفه كلبي حاسني

اكو شي راح يصير

عفت زهور ومددت على سريرهه ضليت اتكلب لحد ما نمت

لهناك وكعدت ميته من الجوع

خاب زهور شنو ماكو غده

والله خيه ما ادري جنهم علسونه اليوم

فلك طرهم جا شني يموتونه من الجوع فوك حبستنه هاي

ضليت افتر على روحي

والحر راح اموت شني هاي خايبه فطست

جا شسويلي وعلي حتى إني جوعانه بس ما عدنه غير

نتحمل ما بقه شي للعشه وناكل

خايبه من شردت الهسه اكل وارد ليوره شوكت ما تجيني

ما اسد حلكي بس من انام

شلون بيه يخايبه تعاي كابليني خل الطم

هههه الله يسعدج ضحكتيني صار شكد ما ضاحكه ومحمد

خايبه دضحكي هيه الدنيا خلصانه

من امداهه ما شفنه بيهه يوم زين وحتى لو شفنه يوم

حلو يطلع من خشمنه