بين قضبان الجحيم
بقلمي عذراء الساعدي
********
نحن النساء نتحدث كثيرا لنخفي ما نشعر به
نقول كل ما لا يهم لنخفي ما يهم ❤
بس سمعت صريخهه كلبي وكع بحضني
مو بس صوتهه بعد يمهه هواي أصوات اعيط اريدهه
تجاوبني ماكو والصوت نصه جنهه
ذبت التليفون وراحت
حلكي يبس اريد احجي اريد اكله شكو
ماكدر اخذ التليفون من حضني وكام مدري يخابر بمنو
وميجاوب بقه بس يسب ويفتر بالحديقه
يروح ويرجع
ضلينه مثل السمجه المزوهره كلشي ما بيدنه نسوي...
نور كاعدين اني وام الوليد نسولف
واجه ابو الوليد اطاني التليفون كالي سمر تريد تحاجيج
اخذت التليفون بلهفه توني كلت الو
وكبت العيطه بره وكع التليفون من ايدي ركضت
اشوف شكو بره والكه بنيه مدمايه تدمي
وواحد لازمهه يضرب بيهه ابو الوليد وابنه يردون يفرغونهه
منه ماكو اجه حمزه يركض من بره
جتفه من وره البنيه بالكوه كامت وركضت بره
توهه طلعت واجتهه طلقه كومتهه بمكانهه فقدت ضليت
اعيط واملخ بروحي بعدهه
زغيرونه يظلام بعدهه ورده توهه جاي تفتح
بأي ذنب كتلتوهه اجت مرة مخليه بس الشال على رأسها
وهيه تركض تلطم وصلت يمهه شمرت
روحهه عليهه وضلت تبوس بيهه وتصيح بنيتي
مظلومه حسبي الله عليكم
كتلكم تهدو عيفوهه خل نفتهم بس ما سمعتوني
ليش ولكم ما تعرفون تربيتهه شنهي لو عدكم شك بترباتكم
حتى كتلتوهه يمااي يالحنينه بعد ياهو
يتلكاني من الباب ياخذ المسواك من اتعب ياهو يفرجلي
لو تمرضت ياهو يسهر فوك راسي
ولج يمه كعدي هل نومه الي مو الج يزغيرونتي
نور كل هاي الهوسه وما فاهمين السالفه شنو والبنيه بلكاع
طايحه وامهه مخليتهه بحضنهه والزلم ملتمه
داير مدايرهم حمزه كعد بالكاع لازم راسه يفرك بيه
أنت تقرأ
بين قضبان الجحيم
Ficción Generalتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
