بين قضبان الجحيم
بقلمي عذراء الساعدي
......
ضمني مثل اول جكاره
البيها خايف من هلك
❤
❤
لزمت كلبي بيدي خاف وسام خاف هاي سيارته
والله كلبي جان ناغزني
ضليت لا اخذ ولا اطي يربي خاف هذول العصابه
ردوو مرة ثانية ياذونه
شلون بيه شسوي وين اطي وجهي اسال منو ومنو يجيبلي
اخباره جرتني زهور وطببتني جوه
كعدت اديه ترجف وماكو على الساني غير ربي لا تفجعني بيه
زهور كاعده يمي تحاول تهدي
بيه وتكلي شبيج وشجاج يمعوده انتي
بس سمعتي صوت لا عرفتي ياهو المات ولا شفنه شصار بيهم
بعدين احنه متعلمين على هل سوالف
إذا مر يوم ماكو انفجار نستغرب ادري انتي وين عايشه
هدي روحج حبيبه
عفتهه ورحت مددت لان إذا اضل كاعده
يمهه اعيط بيهه ما اضمن روحي
ساعه وساعتين واربعه صار الليل وطلعن تعشن واني مطلعت
من رجعن جتي الشرطيه اخذتني
المكتبه فتحت الباب ارجف بس شفته كاعد وسالم
ركضت عليه ابجي ممصدكه
الف الحمد الله والشكر
شبيج يكلبي
والله كلبي اكلني اكل عليك من سمعت سياره مفجوره
خفت لا الجماعه الضربوك كبل
رجعو هل مرة هم وخفت اخسرك واني هنا حتى
ما اكدر ابجي عليك
ما ادري شلون لزمت نفسي وسكتت كل هل وكت والله
حبيبتي اتطمني مو سيارتي
اليوم صايره هوسه بالباب الاهالي جايين يزورون النزيلات
والسيارة النفجرت جانت قاصده اذيتهم
وشكد راحو بيهه
خمسه وجرحى هواي
حسبي الله ونعم الوكيل عليهم شيردون من العالم
من الله ينتقم منهم
امين حبيبي امين
دكعدي هسه هاج جبتلج لفه اكلي ادري بيج ما ماكله
أنت تقرأ
بين قضبان الجحيم
General Fictionتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
