جرائم مخفية الحلقة 15
الكاتبة سيڤانا 💜👑
.
طلال:الو يا روحي
اروى:طلال طلال الحقني طلال بنموتتو اجري انقضني راني خلاص معش نتحمل
طلال:اهدي اهدي شن فيك
اروى:تعالى شوف شن صاير فينا يا طلال اجري لحق علينا مش قادرة نشبح اكثر من هكي
طلال:ءء تمام شوية بس
وليد:خيره وجهك مقلوب هكي شن صاير!
طلال:يتكلم بأستعجال...تو نجي ونحكيلك موضوع مستعجل
وطلع وهوا خايف اكثر من اي وقت🔥
وصل طلال بعد ربع ساعه وكان يجري بسرعه مش طبيعيه
طلال:طقطقطقطقطقطق
اروى:بصوت يرجع..من مني
طلال:انا حبيبتي افتحي
اروى:فتحت الباب وحضناته وقعدت تبكي بحرقة وكسره🔥
طلال:وجعه حال خطيبته وقعد يمسح ع راسها ويهدي فيها بحنية وشفقه وهوا مش فاهم شي 💔
طلال:اهدي وقولي شن صاير
اروى:خش قاعدين انا وماما
خش طلال وراها واتجه جيهة امها الي كانت متكيه واول ما شفاته ابتسمت بفرح 💜
فاطمة:اهلين يا وليدي تعالى تعالى وين كنت معش ادور فينا
طلال:مشي باس راسها لانها كانت زي امه وحرفيآ العيلة كلها طيبه وتحبه الا محمود خو اروى كان نكايدي وما يحببش الا روحه!
فاطمه:ربي يرضى عليك يا وليدي
طلال:خيركم شن صاير فيكم
اروى:جو كانو بيقتلونا انا وماما
طلال:من هادم وشن يبو
اروى:واحدين شكله محمود ناصب عليهم وجو بيقتلونا ك رهينه....تحكي وتمسح في دموعها 💔
طلال:وجعه حال خطيبته...اسف انا كنت نعرف ان خوكم خاش في طريق مش ليه وما قعدتش جنبكم انتي عارفه شن صاير...وهز راسه بكسرة وحطه بين ايديه🔥
فاطمة:كان تقدر يا وليدي احبسه وريحنا منه وخليه يتربى
طلال:انا عندي صاحبي يخدم ف الجيش تو نكلمه عليه ولما يكون قاعد نتصل بي اروى ونقوله انه قاعد ويجي يشوف شغله معاه
اروى: تتكلم والغصه في قلبها...ما فيش خطر عليك
طلال:شد يدها وما كانش متحشم من فاطمه لانها كانت ما دورش...حتى لو تقوليلي موت ع خاطري نموت انا وشافلها بنظرة فيها حب 💜
اروى:ابتسمتله وزادت ضغطت ع ايده وكأنها حاسه بي امان 💜
فاطمه:تبتسملهم...نوضو قعمزو ف الصالة خل نرتاح وانت يا طلال ما تعطلش بش محمود ما يشكش
طلال:ببصارة...تلزي فيا
فاطمه:عيب عليك يا وليدي نموت ولا نلزك انا
طلال:بعيد السو عليك عارفك نبصر
فاطمه:ابتسمتله بحنية...ربي يخليك لينا يشهد الله عليا زي وليدي واعز
طلال:باس يدها....ربي يطول في عمرك والله غاليه عليا
فاطمه:هيا امشو بنرقد
طلال:حس انها تبي تخليهم ع راحتهم...به هيا اروى!
اروى:ناضت ومشت معاه وهيا حاسه براحه
مشو قعمزو ف الصالة وبدو يهدرزو وكأن نسو كل شي صاير 💜
______________
طلع الدكتور من غرفة حمدي وكان كله عرق وبهكي زاد خوف طه ومازن وكانو شبه فاقدين لامل لان حالة الدكتور ما تبشرش
طه:مشي يجري لدكتور...شن صار يا دكتور طمني
الدكتور:والله هوا قدرنا ننقضوه وعايش بسيف لكن بيقعد متقاعد وياكل ويشرب عن طريق لانبوب وحالته بتقعد صاعبه وما نعرفوش امتى بتوقف ساعته وما فيش امل ابدآ انه يرجع يمشي او يتحرك او ياكل لان الرصاصه جت في اعصاب الراس وهذا الشي خطير هلبا عليه وربي يطول في عمره ويشبح فيه هذا الي قدرنا نديروه يلا سلام
طه:سمع كلام ما كانش متوقع يسمعه وكان الكلام هذا كل حرف فيه يصدم فيه وكأنه كان يحلم لما الدكتور يتكلم ما كانش عارف ان رح يصير هكي يفكر في صبرية كيف بتعيش مع كل كلمه يقولها الدكتور وقداش بتعاني وبتتعب!
مشي طه جهة صبريه ومازن وهوا في داخله مرتاح شوية💔
صبرية:ش ش شن صار يا ولدي
طه:نزل راسه وقعد يحكي في يلي صار
صبرية:رجعت قعمزت بعد ما كانت واقفه لكن كانت فرحانه شوية💔
مازن:الله غالب يا عمتي احمدي ربي انه قعد عايش !
صبرية:قعدت تردد في كلمة الله غالب كل الي داره فيا وقاعده نبيه معاي 💔
طه:ربي يعينك مش عارفه كيف بنقول لي الاء واليوم البيان متعنا
صبرية:اهو خودها مني يا وليدي برا ديره وما تقوللهاش وجيبها للمستشفى من غير ما تقوللها ع شي وتو انا نحكي معاها بهدوء
طه:باهي روحي معاي احظري ع لاقل
صبرية:ما نقدرش نخليه بروحه او ولدي مش مهتم بشي
مازن:ما فهمتوش من الي حاول يقتله!
طه:تعالى قبل ما نروحو نديرو دوره عليه ونفهمو القصه!
مازن:هي...مع السلامه يا عمتي نشوفك ع خير كان نقصاتك حاجه انا معاك وتو نبعتلك صاحبي يجيبلك الحاجات الناقصه!
صبرية:بارك الله فيك مش عارفه كيف نشكرك
مازن:مش بيناتنا شكر هذا واجبي
صبرية:ربي يحفظكم
مازن:هي سلامتك توا نلقو ع شن نلحقو
صبرية:زي ما قلتلكم
طه:حاظر ما تشغليش بالك وكان صار شي كلمينا
صبرية:باهي حاظر
مازن:هي سلام توا
صبرية:سلام
مشو طه ومازن ووصلو لي حوش حمدي ولحسن حظهم لقو سالم قاعد
مازن:السلام عليكم
سالم:شبحله بأستحقار...وعليكم السلام
مازن:يكلم فيه بصوت يخوف...شن الموضوع الي صاير
سالم:ماليكش دخل😏
مازن:قام صبعه بتهديد...بتقول ولا نلفقلك تهمه ونقول ع يلي ادير فيه
سالم:ءءء شن تبي تعرف
مازن:ضحك بنصر...من الي كان يحاول يقتل بوك وشن السبب!
سالم:والله نتحشم حتى ندوي شن مداير لكن مدامك مصر وحني رجاله في بعضنا رح نقول
مازن:فقد اعصابه...هيا عندي ما ندير اختصر
سالم:ام ااءء الي قتله راجل هادية جارتنا لان لقوهم يهدرزو ع بعض وعرفو انهم مدايريين علاقه وشدوهم ب الجرم المشهود
مازن:قعد مذهول من الكلام لكن قعدو نفس تعابير الوجه هز براسه بمعنى تمام وطلع وكان طه واقف وما تكلمش ابدآ!
طه:طلع ورا مازن ويشوف لي سالم بنضرات تهديد وطلع
مازن:والله انا تعبت من المشاكل الي تجي جرت بعضها
طه:الله غالب ربي يبعتلنا الصبر ويفرج علينا
مازن:ان شاءالله
طه:انا ارفعني لي حوش امي
مازن:حقا الاء قالت لي طلال ارفعني ومشت لي امك
طه:وخيرها ما قالتش
مازن:قالت لقيت تليفونه مسكر
طه:فيها خيرا
مازن:شن صار بدير الفضانية ولا لا
طه:مدام امها وقفت نديرها وخلاص
مازن:ربي يفوتها ع خخير
طه:ان شاءالله
مازن:هيا انزل نظم امورك ونجييبلك الحاجات والبنات بش يحظرو ونجي
طه:فتح الباب...تمام نستنى فيك
مازن:تم
نزل طه للحوش وخش وهوا مش عارف كيف رح تكون ردة فعله لكن عطي لي روحه وعد انه رح يتمالك نفسه وما يبينش ان في شي صاير!
طقطقطق
امل:منيي
طه:انا يام افتحي
امل:فتحت الباب وباين ع وجهها انها متعصبة...وين كنت وين البنت تسحابه ابصر شن صاير وليس مسكر هاتفك
طه:بشوية يما لو تعرفي شن صاير ما كنتيش عيطي
امل:حاولت تهدي نفسها...وشن صاير
طه:موضوع متع شباب مش وقته توا الاء وين
امل:هونا داخل من مبكري تبكي
طه:خش يجري وخايف عليها...الاء خيرك
الاء:قامت عيونها بتعب من البكي...نسحابك حتى انت بتمشي وتخليني زيهم
طه:يشوف لعيونها وكان قلبه من كل كلمة تقولها يزيد يوجع اكثر ووجعاته كلمة حتى انت بتمشي وتخليني زيهم💔
الاء:رد رد وين كنت ها وين كنت
طه:ءء حبيبي س...
الاء:خلاص معش نبي نسمع شي منك
طه:والله يعمري صاير موضوع مع الشباب ومعش قدرت نروح
الاء:تكذب عليا
طه:مش عيل انا بش نخليك خليها في راسك...طلع وسيبها
الاء:تكلمت بالشوية...حتى انا غبية كيف نقولله هكي وانا عارفاته اكثر من نفسي
استجمعت قوتها وناضت عشان تستعد وتوتي روحها لان بتجيها مُزينة 💜
.
جي المغرب والشمس غربت ونخفضت درجة الحراره وكانت الدنيا تجمدك من كثر ما صقع 💜
كانت الاء مقعمزة قدام المزينة وهيا فرحانه انها بتاخد الي تحبه💜
اما الباقي ف كانو وعد ورغد حايسين ويوتو عشان الناس بدو يجو بالشوية وزيادة مدايرين عشي💜
وكان طه عند الحلاق وناسي انه متعارك هوا والاء وكان اسعد انسان ف الدنيا💜
___________الكاتبة سيڤانا 💜👑
كانت فتحية(ام جوري)مقعمزة ف السجن وكل مره تسمع كلمه ومتحمله وفي بعض النساوين يقولو قتلت حبيبها ع خاطر بش ما يكشفهاش لي راجلها وفي الي يقول قتلت سارق ومن الكلام هذا ما ردت ع شي وتحملت في روحها وتستنى ف الصبح ع احر من الجمر🔥
أنت تقرأ
جرائم مخفية(رواية ليبية)
Детектив / Триллерالقصة حتكون ممزوجة بالواقع والخيال يعني القصة شبه صايرة ف الواقع اليبي وحتكون مختلفه عن باقي الروايات وهادي اول رواية ليا ان شاء الله تعجبكم💜🙏
