جرائم مخفية(رواية ليبية)

الحلقة التاسعه عشر ما قبل لاخيرة🔥

#جرائم مخفية الحلقة 19 ماقبل لاخيرة
            الكاتبة سيڤانا💜🌃

مشي للكوجينه يبي ياخد اميه وبعدها قرر انه يطلع البرا يشم هوا لان نخنق ولما طلع قابله سالم ولده وهوا يحكي ع الهاتف وواضح انه متعصب وجت في ودنه كلمت....انا درت الي تبيه وقلتلك نقسموه بالنص وتوا تقوللي بنعطيك الربع تي خليتني نشكي في بوي كان يع...😳
سالم:ءء بوي
حمدي:دمعو عيونه...هادي ربايتي فيك هكي
سالم:جي لي بوه وقعمز تحت رجليه...والله هوا قالي انا مادخلنيش
حمدي:نزل عيونه وخش داخل من غغير ما يزيد حرف🔥
سالم:افف يا ربي انا ضروري نهرب من هني والا رح يشكي فيا !!
مشي سالم خش للحوش ولم حواجيه من غير ما يشوفه بوه وخدي الفلوس الي خنبهم من الشركه يكونو حوالي 30,000 وطلع بسرعه وكلم صاحبه الي معاه ف الجريمه (لكن في حاجه حتنصدمو بيها🔥)

اما حمدي مقعمز في داره وحاط ايديه ع راسه ومش عارف شن يدير لين فكر انه يتصل بي صبرية ويخبرها !!
صبرية:الو
حمدي:بصوت مخنوق...ولدي يا صبرية ولدي
صبرية:بخوف...خيره شن صارله
حمدي:طلع هوا ورا كل شي وهوا الي مخبر عيلة الهادية عشان يقتلوني بش ياخد الفلوس
صبرية:حطت ايديها ع فمها بصدمه...ق قصدك هوا هه هوا هكي كيفف ومن معاه اا اكيد مش بروحه
حمدي:اي صح معاه صاحبه وضروري نحكي لشرطه
صبرية:نشوف واحد من الشباب وتو نجيك
حمدي:به نراجي فيك...وسكر الخط وحط راسه ع الكرسي وهوا تايه💔
_____________
ف العرس☄
امل:معقولة ولدك الي جايبتيه من بطنك يدير هكي
صبرية:والله ماني مصدقه
امل:تو نكلملك واحد من الشباب يرفعوك لي حمدي اكيد حالته تسخف 💔
صبرية:بالله عليك ما تعطليش
امل:ناضت...به

طلعت برا ولقت طه ولدها بروحه
امل:تعالى يا وليدي
طه:نعم يام شن في
امل:نبيك ترفع عمتك صبرية لي خوشها
طه:علاش شن صاير
امل:غير ارفعها ولما تجي تو نحكيلك
طه:باهي بسرعه قوليلها تطلع انا بنمشي للحلاق
امل:به شوية بس
مشت نادتها ولبست صبرية عبايتها بأسرع ما عندها وطلعت لي طه بنفاد صبر !!!

طه:تفضلي هي
صبرية:ركبت...يزيد فضلك يا وليدي
طه:شن في صايره حاجه
صبرية:تنهدت وحكتله
طه:معقوله هكي والله ماني مصدق !!
صبرية:الله غالب شن بنديرو الشباب ضاعو يا وليدي
طه:ربي يحلها من عنده
صبرية:يارب
_________________________
رغد:الحمدالله مازال اليوم وتطلعي
وعد:اي والله قلقت
رغد:مش عارفه خيرهم ماجوش اليوم زعما شن صاير فيهم
وعد:تو يجو مرات مافضوش
رغد:ااممم مرات
وخش عليهم مازن
مازن:السلام عليكم
وعد&رغد:وعليكم السلام
مازن:شن حالك اليوم
وعد:الحمدالله كويسه احسن
مازن:باهي كويس ناقصتكم حاجه
وعد:ءء لا لا كل شي في
مازن:وهادم فلوسك ومعش تعاوديها
وعد:خدتهم وابتسمت...حاظر
مازن:سرح فيها
رغد:شن جو العرس
مازن:فاق من سرحانه...ءء اي مليح ماشي
حاله
رغد:باهي مليح...نجيبلك كرسي
مازن:لا لا جاي بنطمن عليكم وبنمشي نرفع طه للحلاق
رغد:به صحيت ع كل شي💜
مازن:ولو مش بيناتنا !!!
رغد:ابتسمت...باهي سلملنا ع عمتي امل
مازن:ولع دخانه...يوصل هي بسلامه توا
وعد&رغد:بسلامه