جرائم مخفية الحلقة5
الكاتبة سيفانا🔥💜
مازن:كيففف😰😰تو نوريكم يا كلاب شن هالمصيبة
رجع لسيارة وهوا حيله مهدود وبين هذا كله كانو في اثنين خايفين ولكن اطمنو لما رجع مازن والسيارات اختفو!
وعد:بخوف مختلط بصدمة...م شن كيف مشو شن يبو
مازن:مش ناقصك انتي الثانية
وعد:حست روحها ثقل عليه وتحملت في روحها وسكتت
بعد شوية جو طلال&وليد
وليد:لقيتلكم شقة واتيه نقعدو فيها ايامات لين يتحسن الوضع
مازن:شارد ويفكر شن بيدير
طلال:مازن نكلمو فيك
مازن:ه ءء شنو قلتو امتى جيتو
وليد:😞😞خيرك وجهك مقلوب صار شي لما حني مهناش
مازن:لا لا ما في شي شن قلت انت
وليد:قتلك حصلنا شقه
مازن:باهي هيا شن تستنو
طلعو كلهم وكل واحد يفكر وقعدو ساكتين طول الوقت قاطع تفكيرهم تليفون مازن وكان المتصل طه
مازن:الو
طه:شن صار معاكم؟
مازن:لقينا مكان وتوا ماشيين
طه:ابعتلي العنوان نجيكم
مازن:خيرك تدوي هكي فيك حاجه
طه: ءءء لا لا ما في شي
مازن:تمام...وسكر الخط
وليد:خيره طه
مازن:يبي يجي ومش عارفه خيره شكله اشبح شن صاير معاه!
طلال:علاش شن قالك هوا
مازن:كلامه متغير وما يبصرش زي قبل
وليد:يجي ونفهمو منه... هيا انزلو وصلنا
نزلو وكانت شقة متواضعة وكانت اطل ع البحر يعني البحر يبان وكانو جنبها ثلاته شقق تانيات والمكان نضيف ومرتب وحلو💜
جاهم صاحب الشقق وعطاهم المفاتيح وتفاهمو وكل واحد خش مازن وطلال ووليد خدو شقة بروحهم بش البنات ياخدو راحتهم ورولهم شقتهم وخشو كل واحد مننهم لي داره!
خشو وعد ورغد وكانت دارهم مع بعض ودار لونها وردي وابيض تهبل💗
رغد:الله محلاها تفتح النفس
وعد:اي صح احلى حتى من داري
رغد:ميي تووو😂
وعد:انا جيعانه
رغد:احرف منك
وعد:اسمعي رغوده ضروري نشدو حيلنا بش نوصلو لي حل لان شوفي حالتنا كيف ولت!
رغد:اي صح ضروري نهتمو برواحنا شوية ع لاقل توا ناخدو راحتنا لان بروحنا
وعد:اي صح هيا بري دوشي خلي ندير حاجه ناكلوها
رغد:وانتي مش مدوشه
وعد:ناكل قبل لان نحس في روحي قريب بنطيح
رغد:به
خشت وعد للكوجينة متع الشقه وكانت مرتبه وفيها كل شي حطت جبنة وزيتون وخبزة وعصير ووو وكل شي يبو ياكلوه حطاته ع الطاوله وحطت الشاهي يسخن
طقطقطق
وعد: خافت...مم مني
مازن:بصوت رجولي...انا مازن
وعد:اطمنت وفتحت الباب لقاته جايب كيسه فيها ماكله من مطعم....شكرا مازن ع كل شي واسفه هلبا والله مش عارفة كيف نشكركم😢
مازن:ولا يهمك وسامحيني مبكري رديت عليك اخي لان صاير معاي موضوع وتنرفزت...كان يحكي ويشوف لي عيونها الي دابلة من التعب
وعد:بجد شكرآ وعادي اصلآ الي انت فيه ما ينحسدش عليه
مازن:بتوتر...يلا توا تصبحو ع خير وسكرو الباب كويس
وعد:مشبكه ايديها في بعض...حاظر💜
طلع مازن وخشت وعد لقت رغد تجفف في شعرها ووجها فرحان فرحت لان شافتها هكي
رغد:منو كان هني
وعد:مازن جايبلنا ماكلة
رغد:الله يا حظنا بيهم والله ولاد حلال
وعد:اي ربي يخليهم💜هيا اطلعي ناكلو
رغد:هيي
__________
احمد:شنو تقول ومع مني هربت كيف شفتها انت
مجهول:تعاالى عندي وتقدر تشوف بعيونك
احمد:تمام وين نتلاقو
مجهول:في $$###
احمد:تمام..ولبس سبيدروه وطلع بسرعه يبي يتأكد
اما بو رغد شد حيله وتوا صحته بدت ترجع لان الجلطه ما كانتش قوية بما يكفي كانت خفيفة ومجرد صدمة!
.
اما عند زينب بدو يعطو فيها تكلم في بنتها وبدت تشد في حيلها وتصبر في روحها وتدعي وتصلي طول الوقت ان يرجعولها بنتها بخير 💜
.
طبعآ محمد عرف ان العصابة خطفت بنتهم ع خاطر الفلوس
.
مازن حكي لي عيلته كل شي ع وعد ورغد وبوه وقف معاه وهوا الي يساعد فيه ويعطي فيه في فلوس عشان ما ينقص عليهم شي!
.
___________
غسلو وعد ورغد الماعين مع بعض ورقدو وهما مطمنينن وغطسو في نوم عميق من قلة النوم وكثر التفكير😴!
أنت تقرأ
جرائم مخفية(رواية ليبية)
Mystère / Thrillerالقصة حتكون ممزوجة بالواقع والخيال يعني القصة شبه صايرة ف الواقع اليبي وحتكون مختلفه عن باقي الروايات وهادي اول رواية ليا ان شاء الله تعجبكم💜🙏
