جرائم مخفية(رواية ليبية)

الحلقة لاولى🔥

الكاتبة سيفانا💜💜.
جرائم مخفية الحلقة 1
.
.
.
كنت مصدومة من يلي سمعته كأني كنت في حلم مش متوقعة لانسانه الي كنت حاسبتها في مكان امي الله يرحمها تطلع هكي 💔مكنتش نعرف ان هيا بعد ما تاخد الي تبيه حتعاملني هكي كانت قاسية عليا هلبا ولدرجة غيرت حتى بابا الي كنت عاطيه فيه املي الوحيد💔!
_______________________________
وعد:صباح الخير مامتي الحلوه
نادية:صباح الخير بنيتي تعالي افطري
وعد:منقدرش وراي محاظرة مهمة ...هي ع سلامتك💜
نادية:سلام ردي بالك ع روحك💜.
وعد:حاظر هيا باي
طققققططققطقق
وعد:فتحت الباب...اهلين رغوده هيا بسرعه ما نبوش نعطلو ع المحاظره
رغد:باهي قولي حتى صباح الخير🙂
وعد:صباح الورد ع الورد😂
رغد:😏😏
_________________
هلا انا وعد مواليد95ساكنة مع بابا ومرته نادية مرا حنينة هلبا وتعامل فيا زي بنتها والحمدالله عايشه معاهم وما فيش اي مشاكل ماما توفت لما جابتني💔 وهذا الي عرفته عليها... ملامحي تكون بريئة ونقشي ع لاسود الي يلفت النظر وطويله لكن مش هلبا  بشرتي سمرة وحلوة شعري كاري وكيرلي نحب الشعر القصير والحمدالله حلوه💜 وملامحي طفولية ونتحشم هلبا لكن منحبش نسكت علي حقي وما نحبش الظلم!
________
نادية(مرت بو وعد) مرا تكون في منتصف الستينات عندها ملامح الحنيه وواضح عليها الطيبة !
_________
خالد(اب وعد)راجل طيب ويحب بنته ومرته ومش مقصر معاهم في شي حنين هلبا وغر شن تبو بس وحالتهم المادية تكون شبه ممتازة!💜
___________
وباقي الشخصيات يطلعو في الحلقات التانية خلونا نكملو...
.
.
.
وعد:وصلهم اب رغد ونزلو مع بعض وخشوو للمحاضرة طول !
بعد مرور ساعات طلعو من المحاضرة وخشوو للكفيتيريا بيفطرو💜
رغد:هيا وعد اطلبي انتي المره هادي
وعد:باهي بعدين ما تقوليش ذوقك مش حلو نعرفك انا 🙂
رغد:هيا بالله اطلبي حتى صابون جيعانه انا 😂
وعد:😂😂😂
طلبت وعد فطور فطرو واتصلو بي سليمان اب رغد روح بيهم
وعد:ماما وينك!
نادية:تعالي انا ندير فالغدي
وعد:كيف حالك مامتي💜
نادية:الحمدالله، كيف كانت المحاضرة
وعد:الحمدالله لكن تعبت لين معش تستوعبي شي هلبا 3ساعات نفخ
نادية:معش مزالك هلبا وتبدي تخدمي
وعد:هوا هذا انا بنمشي نبدل
نادية:باهي وتعالي تغدي تلقيني موتياته
وعد:به
ملاحظة:طبعآ وعد تقرا في تقنية طبية تحاليل ليها اربعة سنين وهادي اخر سنة وطبعآ رغد زيها!
وعد:لبست توته ناعمة شيفون وقامت شعرها وحطت مرطب وطلعت لقت الغدي واتي
نادية:هيا جيتي فلوقت !
وعد:الله الريحه تشهي مع اني كيف فاطره
نادية:الفطور شن فيه هوا خفيف
وعد:اي صح
جي خالد (اب وعد) تغدو وخشت وعد بترقد لانها تعبت من المحاضرة!
_________
في مكان تاني بعيد ع وعد
طه:لا يا راجل خيرك هيا قالتلنا خشو فالصفقة هادي ونعطيكم الي تبوه يعني هيا تبي تربح وتربحنا معاها ولاستفاده ليها ولينا حني يعني حتكون الفلوس نصها لينا حني!
مازن:انا مش محتاج لفلوسها وفكنا منها المواضيع هادي خشيت مره وندمت😒
طه:به شن بنقوللها توا
مازن:دبر راسك المهم طلعني منه الموضوع مش ناقص انا الحمل كله عليا وتبيني نزيد نخش في هالسريب تاني بش نضيعو زي المره الي فاتت!
________
اكيد ما فهمتو شي ومن هادم اصلا!؟
مازن: مواليد89 ملامحه حاده وطويل وعنده عضلات نقشه ع لاسود ملامحه رجولية وعصبي هلبا عندهم شركه هوا وبوه وعنده خو واحد اسمه يزن واخته ريان وبيان يكونو توأم او ريان مخطوبة وعرسها معش عليه هلبا وامهم زينب مرا طيبه وع قيس نيتها طبعآ هوا اكبر واحد فيهم والحمل كله عليه وطه يكون ايده لايمين وديما سانده حتى هوا يشبه شخصية مازن نقشه ع العسلي لكن مش عصبي والزوز مشاءالله جهايم طول وعرض😂 طه يكلم في بنت ويحبها ليهم 9 شهور وهوا مواليد 88 وساكن مع امه وبوه متوفي من سنتين وفيه سر ورا وفاته لكن مش معروف وقاعد يبحت ع سبب! ومازن صايرتله قصه تعرفوها مع الحلقات💜
...........
خلونا نرجعو للاحدات!
مازن:وهوا يدخن...شن صار فلولاد كلمتهم ع عرس اختي ضروري تشدو الهمه لانه اول عرس راه
طه:ما ادور شي كلهم جازين
مازن:منور...هيا حرك السياره وصلني ع الحوش
عند وعد ناضت وكانت الساعه5 العصر ناضت غسلت وصلت ونزلت لي بوها ومرت بوها لقتهم مقعمزين ع سفرة القهوة
نادية:صحه النوم ع بنتي💜☺
وعد:باست راسها...سلمك مامتي الحلوه ...وباست يد بوها وقعمو يشربو ف القهوة ويهدرزو!
وعد:بابا
سليمان:نعم
وعد:بالله عليك نبي حتى 200 جني بناخد بيهم قفتان لعرس خو رغد قريب☺
سليمان: حاظر...بعدين فليل تعالي خوديهم
وعد:باست راسه ربي يخليك ليا يا احلى اب وركبت دارها
طوط طوط طوط
رغد:الو
وعد:بفرح...غدوا بنطلع ناخد قفتان بابا بيعطيني شن بتطلعي معاي؟
رغد:من بيرفعنا حتى بابا غدوا قال عنده خدمة هلبا
وعد:بتفكير...قولي لي واحد من خوتك ولا خواتك بالله عليك رغوده
رغد:امممم تو نشوف حاظر
وعد:سلمها صاحبتي الحلوه😍😍😍😍
رغد:علاش فرحانه هلبا هكي😂
وعد:قداش ليا معش حظرت عراس 😂
رغد:😂😂😂
وكملو هدرزة......
عند مازن خش للحوش:السلام عليكم
زينب:اهلين وليدي وين كنت😍
مازن:قعمز جنبها...كنت مع طه
وقعد يهدرز عليها وبعدين ركب غرفته بيرتاح لانه طالع من الصبح لشركه!
خش لداره واتصل
مازن:بصوت خشن...الو
وسن:ءءء الو مازن كيف حالك 😍
مازن:من غير نية .....لقيتك متصله تبي حاجه
وسن:بتوتر...لا قلت نطمن عليك وعلي خالتي زينب بس
مازن:هذا مش عذر خالتك عندها تليفون وتقدري تكلميها 😠
وسن:معش عرفت شن تقول...ءء ان نا
مازن:خلاص حصل خير وبلاش اعذار زايده لاني نعرفك علاش متصله!
وسن:ام اب ي ااااءء هيا سلام
مازن:سكر الخط منغير ما يزيد حرف
خدي الفوطه وخش للحمام(حشاكم)بيدوش
________________
الساعه10 فليل
كانت الدنيا هدوء وريحة التراب الي تصب عليه المطر وريحة الشاهي والبخور 💜
والجو حلو وداخل هذا الجو كان في 3 اشخاص مقعمزين يهدرزو ومره مره تطلع ضحكه عفوية 💜
كانو نادية وخالد ووعد مقعمزين يهدرزو وجوهم لوززز💜
وبرضو مازن وزينب ويزن ومحمد (لاب) وريان وبيان كانو مقعمزين من غير كلمة لانهم يخافو من مازن هلبا😂ويزن كان مره مره يضحك فيهم ومحمد مش عاجبه ويقوله مش عارف بطولك وبعرضك هذا امتي بدير عقل!😂
ريان:عفويه وجوها حلو وتحب العناد ملامحها هاديه وشعرها طويل وديما تحب تحليه مفتوح وبشرتها بيضه وقصيره شوية وجسمها مربرب شوية لكن حلوه 💜
بيان:كانت تختلف ع ريان ببي انها جسمها متناسق مش مربربة زي بيان وشعرها تحب تقصه وتحب الصبغات وهكي وهاديه عكس ريان الي تحب العناد وتخاف من مازن اكثر من ريان😂💜
مازن:شنو ريان كملتي حاجاتك
ريان:ءءء كمم كملت معش مازال هلبا حاجات بسيطه😧
مازن:كان نقصاتك حاجه قولي مس تجي في النص وتبدي تطلبي
ريان:حاظر 😳
بيان:مم مازن
مازن:هز براسه بعنى شن تبي
بيان:نبي حتى ١٠٠٠ جني نبي ناخد شويا حاجات لعرس ريان
مازن:يصير خير! وناض... ما تبو شي يما؟
زينب:علي سلامتك رد بالك يا وليدي
مازن:تمام..باس راسها وطلع
ترن ترن ترن
مازن:بأستغراب..الو !
مجهول:مازن!
مازن:اي من معاي
مجهول:.....#يتبع
__________
احدات الرواية بتبدى غامضه وهادي تعتبر مقدمه وان شاءالله تعجبكم هادي اول روايه وان شاءالله تنال اعجابكم💜