جرائم مخفية(رواية ليبية)

الحلقة التانيه🔥

جرائم مخفية الحلقة التانية2
الكاتبة سيفانا💜🔥.
المجهول:انا متصل بيك لشيء واحد يا سيد مازن تلغي عريس اختك وناخدها انا يا اما اختك التانية وشوف من ترضى وكان هذا شريكتكم ومناصبكم معش تحلم بيهم😏
مازن:شنو شنو عاود😳
المجهول:الي عندي قلته ولما تاخد قرارك رد عليا
طوط طوط طوط
مازن:يلعن*$##$$$كان ناقصني انا😠
___________
عند وعد كملت مكالمتها مع رغد وركبت لي بوها بتاخد لفلوس لكن وقفها صوت نادية مرت بوها تقول:انا ما عنديش علاقه بيك المهم فلاخير كل شيء يكون ليا انا وحتى كان تلوحت ف الشارع ما لياش علاقة ولا نفضحك
خالد:صلي ع النبي يا مرا تو نشوفو حل
نادية:عليه الصلاة والسلام ...دير حل وكلمني
وعد:ما كانتش فاهمة حاجه وقعد يدور في راسها الف سؤال لكن بعدت لاسئلة وطقت ع الباب
خالد:خشي يا بنتي
وعد:هيا بابا نبي الفلوس..لان رغد قالتلي بنطلعو بكرى الصبح بش يديرو الفضانية فليل
خالد:هاك هادم500 وكان ما سدوكش قوليلي
وعد:ربي يخليك ليا يا احلى بابا...وطلعت
خشيت لداري وانا مازال نفكر فكلام مرت بوي وشن قصدها بلكلام الي قالاته!؟
وعد:قرت المعودات وحاولت ترقد واخيرآ رقدت لان لاسئلة ما بوش يغيبو ع بالها!
_____________

            الكاتبة سيفانا🔥💜

عند مازن كان متكي ع السرير وطول اليل يفكر شن حيختار وشن هالمشكلة الي انحط فيها وعلاش ومن دار هكي كل لاسئلة ما ليهاش اي جواب بعد عدة محاولات رقد بعد ما صلى الفجر .
.
.
الساعه 8:00
الي فيقت وعد من نومها وهيا مرهقة وتاعبة من كثر ما فكرت في كلام مرت بوها ناضت غسلت سنونها ودوشت ورتبت دارها ولبست قونه عنابية وسورية وردية ووشاح عنابي وشنطه عنابيه مع ساندلي وردي ومع لمسة مكياج خفيفة وطلعت تهبل😍

.
.
ومازن نفس الشي ناض ع هادي الساعه ومن غير ما ينوض من مكانه اتصل عليه الرقم وكأنه عارف ان مازن فايق!
مجهول:الو يا سيد مازن
مازن:شن تبي يا $#$$#وانت مني اصلا باش تهدد مازن محمد السيد
مجهول:ما ردش عليها وكمل كلامه...ضروري نشوفك في (منطقه ممنوع ذكرها)وتعطيني رايك فلموضوع
مازن:😠😠تعرف نلقاها لعبة ما تلوم الا نفسك
سكر عليه وخش للحمام (حشاكم)دوش وطلع لبس تيشرت رصاصي وكادار اسود وسروال جينز اسود وبخ من البارفان الي ريحته تقلب ف الدنيا🔥
واتصل بي طه
طه:صباحو العسل لاجمل من الكل😂
مازن:مش ناقص برادتك توا ضروري تجيب معاك حتى 10 شباب يطوقو منطقة###ويكونو مسلحين
طه:له له له علاش شن صاير 😳
مازن:تعالى انت في نفس لمكان وتو نحكيلك
طه:اوكي
_________
عند وعد طلعت لي رغد الي قريب تكسر الباب
طقطقطقطقطق😂😂
وعد:باهييييي
رغد:صباحو حبي😍
وعد:صباح شنو وانتي قريب كسرتي الباب الهم😒
رغد:باهي هيا مش وقت نكد توا خوي يستنى فينا هيا الحقيني
وعد:ساوت روحها ع المراية وباست راس نادية وطلعت
نادية:وعد
وعد:نعم
نادية:ديري بالك ع روحك
وعد:من عيوني هيا باي
نادية:😏😏
ع شنو ناوية نادية وهل طيبتها بتقعد نفسها ولا حتتغير ع وعد!
طلتو وعد ورغد رفعهم احمد (خو رغد)
خشو للمحل لاول
وعد:رغد شوفيه هذا محلاه ولا
رغد:امممم ...اي حلو صح خوديه
وعد:خلي نشوفه بكم...بكم هذا
صاخب المحل:250
وعد:حلوو😍😍ممكن تلفهولي وتخليه عندك ندير دوره ونجيك
رغد:هيي
وعد:اسمعي شوفيي الرجاله الي بأسلحتهم نحس في روحي خفت😳😳
رغد:بلا هبال هيا كان بتمشي
وعد:لا لا هيا ناخد القفتان ونطلعو حاسه بحركة غريبة
رغد:باهي هيا بلا خرا😒
طلعو ولكن ما لقوش احمد وهديكا وعد بدت تخبط وتندب 😂
لين دوره الدنيا نقلبت عليهم وبدي الرصاص ينتشر في كل مكان
وعد:يا ماما 😰
رغد:وووه علينا بنموتو لا يا ربي نبي نشوف وخيي عريس😭😭😭😭
خشو الرجاله وخدو الي فلمحل كلهم لما وصلو في رغد ووعد وعد ساخت من الخوف اما رغد تريش في روحها طبعآ.
مازن:تلعبو معاي يا ولاد الكلب🔥😠
طه:اهدا يا راجل
مازن:شن نهدا وفي هلبا ناسس بيموتو في جرت هالعبة
طه:ضروري نشوفو حل بسرعه لان في 5 اشخاص رفعوهم ومن بينهم زوز بنات وصاحب المحل وزوز الي يخدمو ف المحل
مازن:يحك في لحيته..ضروري نطلعوهم لان ما ليهمش ذنب
طه:هيا نمشو للاسترحه ونشوفو حل ونرفعو معانا الشباب بش نحطو خطة
مازن:هيا بسرعه قبل ما يفوت الوقت ويقتلو ناس ابرياء
طلعو طه ومازن ركبو ف السيارة وكان سيارة جيب فخمة ولما قريب بيوصلو للاستراحه غيروها بش ما يعرفها حد
_______
وعد نضت ع صوت ضرب وتعديب قعدت نستوعب في يلي صار كان مكان بشع ومقزز وكان الدم متناتر ع الحيوط تقززت وبديت نعيط بشكل هستيري وكانت جنبي رغد في حالة صدمة ومش عارفة شن بدير !
وعد:ررر رغد شش شنو هه ذا بيقتلونا😭
رغد:استاقضت ع روحها لما سمعت صوت كان يريح فيها..وو وعد انا خايفه😭😭😭
حضنو بعضهم وقعدو يبكو لين جاهم واحد ضخم وعنده لحيةة  كثيفه وكانت حوايجه كلهم دم وكان يخوف
وعد:جمدت في مكانها ...خخيركم شن شن درنالكم حح ححني
مختار:كان شخص ضخم ويخوف مواليد84 ورغم قسوته كان في وراه الف وجع وكسره ...قعد يشوف لي وعد وكأنه يتأمل فيها او عجباته كانو عيونها معبيات دموع وكان منضرها يقطع القلب وهيا تترجى فيه
مختار:وبصوت يرعش...انتم ما ليكمش علاقه ولكن الشخص الي مخدمنا هوا يعرف انكم بتطلعو وبتجو للمحل هذا علاش وما كنتوش ضحية وحدة كانو زوز ضحاية لكن انتم بس الي قدرنا ناخدوهم🔥
وعد:في حالة صدمة من كلامه...وتفكر في يلي دار هكي ومن الشخص الي يحكي عليه
رغد:باهي وانا شن تبو مني
مختار:لانك صاحبتها ...ومعش تزيدي اي سؤال
وعد:وباهي حني شن دخلنا ف السخص التاني نعرفوه؟!
مختار:هز براسه بمعنى ما نعرفش وطلع
رغد:وعد ...زعما شن صاير ومن ورا هذا كله
وعد:بخوف مش عارفه شن يبو مني
شوية وخش عليهم واحد ملثم
الشخص:اما وحده فيكم اسمها وعد؟!
وعد:اا انا😣
الشخص:ال500 ال٥ي عندك هاتيهم
وعد:عع علاش شن تبو فيهم وكيف عرفتو ان عندي فلوس
الشخص:هاتيهم ولا نفرغ هذا في راسك
وعد:بخوف باهي هاكم خودوهم 😭😭
الشخص:خداهم وطلع
_______
احمد يتصل بي اخته وما ردتش روح للحوش ووجه ما يتفسرش لان دور عليهم وما لقاهمش
حنان(ام رغد):خيرك احمد شن صاير او وين اختك مش معاك😰
احمد:ااا خخليتها عند وعد ما تخافيش شوية ونمشي نروح بيها
حنان:باهي طمنتني وخيرك انت وجهك مقلوب صاير معاك حاجه
احمد:لا لا لامور طيبه غر الدنيا نو برا
_________
عند مازن الي كان حاير ومش عارف شن يدير ضروري يطلع الناس لكن ما عرفوش المكان ووين !

طه:اسمع انا عندي راي حلو وتنحل بيه المشكله هادي ونعرفو من ورا هذا كله لان البنتين الي خاطفينهم جزء من الخطه وفي انّ فلموضوع!
مازن:وهوا يدخن..اي صح لكن شن علاقة هذا بي هذا والله الا تشوش تفكيري
طلال:باهي حتى انا عندي راي للمشكله هادي ونشوفو قراري انا ولا طه اما هوا يناسب!
مازن:هي عطونا
طه:........#
___________
عند نادية تتكلم ف التليفون
مجهول:باهي توا شن بتختاري يا انا نتزوج اخته يا هوا يتزوج بنتك
نادية:بنتي ابعد عليها انا نبي اخته وضروري الفرح يخرب ولما بيصير هذا كله نقدرو ناخدو الفلوس كلهم وانت بتطلب من اخته حاجات وانت بتفبرك الموضوع وبدير لي اخته تهم عشان يعطوهالك بسيف وبدير روحك ساخف عليها وانت الي بتسترها عشان تتزوجها...تمام
مجهول:تمام فهمت كل شي سلام توا بنمشي نشوف شغلي!
نادية:تمام وكلمني!
وانتهت المكالمه
طبعآ اكيد ما فهمتو شي صح ولا ؟!
نادية هيا ورا كل شي ومن الشخص المجهول هذا اكيد حنعرفوه مع الوقت نادية تخطط لاشياء كبيره وحاسمه🔥
وهل مازن بيتغلب ع نادية؟!
ومن الشخصيات الي بتطلع وبتحل معاهم هالمشاكل وشن قصة ريان وعلاش ما اختارتش بيان؟!🔥
الرواية مزالت مستمرة وبنعرفو شن حيصير فالحلقه الجايه تابعوني واعطوني رايكم نكمل ولا نوقف وشن توقعاتكم في يلي بيصير مازال في نلبا احداث قوية ف الرواية وفي صدمه كبيره مفيش حد متوقعها !
الكاتبة سيفانا🔥💜