جرائم مخفية(رواية ليبية)

الحلقة الثالتة🔥

جرائم مخفية الحلقة 3

الكاتبة سيفانا🔥💜
طه:طبعآ وليد حيدير روحه متشرد ويقعمز جنب المقر متعهم وحني نراقبوه من بعيد وهوا يدير روحه بيخش معاهم جديد وهكي حنعرفو كل شي🔥...شن رأيك!
مازن:فكرة حلوه لكن ضروري نعرفو مكانهم قبل ما نتصرفو حنتصل بي رقم المجهول من تليفون طلال وندير روحي غالط ووليد يشوف العنوان لانه شاطر فلحاجات هادي حيطلعه من خلال الرقم
طه:هوا هذا هيا معش في وقت
طلال:انا توا بنمشي ندير دورة في نفس المكان الي هجمو فيه ونرجع مرات يكون في حاجة او دليل طاح منهم
طه:😂😂تي خيرك يا راجل شن الي بتلقاه مستحيل يخلو شي وراهم هادم شياطين🔥
طلال:اي صح..باهي شن الحل توا
مازن:الي قلت عليه اكيد حينجح🔥!
طلال&طه:تمام
__________
ناضت وعد ع صوت الحراس وهما يقولو بنحولوهم لان مرات يعرفو مكانهم
وعد:رغد رغد رر رغد نن نوضي
رغد:هممم😴
وعد:نوضي حني مش فلحوش
رغد:ادكرت روحها وناضت مفزوعه😰
وعد:سمعتهم يقولو بيحولونا لمكان تاني لان مرات حد يعرف مكاننا💔
رغد:باهي وين عيلتنا معقوله ما فيش ولا واحد دور علينا
وعد:كيف بيلقونا وهما حتى هواتفنا خدوهم
رغد:انا جيعانه😭
وعد:حتى انا زيك
رغد:هي هي هيييي انت جيبولنا ناكلو حاجه بنموتو من الجوع😭
الحارس١:نجيبولهم زعما!
الحارس2:ناخدو لادن قبل
الحارس١:تو نجيبلكم نفختولي راسي
شوية وخش مختار وكان جايب معاه كيسه كبيرة وكيسه صغيرة واضحه انها اكل🔥
وعد:قعدت تبكي وتترجى فيه زي كل مره انه يطلعهم وهما ما ذنبهم شي🙅
مختار:جاوب وبصوت يخوف وفي فمه الدخان...انا ما عنديش دخل بيكم هادي اوامر ولو ما نفدتهاش حنمشي في 60 داهية
وقال داخله يا ريت نقدر نساعدك لو تعرفيني انا منو ما كانتش نزلت منك ولا دمعه💔!
رغد:باهي اعطينا ناكلو جعنا ولا تبونا نموتو😢
مختار:حدف لاكياس عليهم وهوا في داخله نار💔🔥وطلع من غير ما يكلمهم
وعد:الشخص هذا غريب مره حنين ومره يعيط!
رغد:اي صح غريب لاطوار😞
_____________

                  
          الكاتبة سيفانا🔥💜
طلعو مازن وطلال وطه ومعاهم وليد ومشو لي حوش محمد(اب مازن)عشان يشوفو شن بيديرو فالعرس وهما مهددين🔥!
مازن:خش وفي داخله يغلي خايف امه يصيرلها حاجه من الي بتسمعه
اما طه وطلال ووليد قعدو برا يستنو فيه ع نار وبيشوفو ردة فعل العيله💔
مازن:امي
زينب:ع سلامتك يا وليدي وينك من الصبح مش مبين
مازن:عندي عمل
زينب:بوك قال ما جاش لشركة بكل وينه الشغل التاني!
مازن:ضروري نحكيلك كل شي ولازم تفهمي وتتقبلي الوضع لين نلقى حل
زينب:خير شن في ان شاءالله خير
مازن:ءءءوحكالها كل شي
زينب:😭😭😭😭يحليلي ع بنيتي وع حوشي الي بينخرب وبدت تنذب ومازن يهدي فيها
مازن:يما تو نلقى حل ونحطلهم حد مش انا الي نتهدد🔥
زينب:وووه عليا يحليلي وخلاص شن بديرو
مازن:يما خلاص عاد قلنا تنحل بأدن الله وانا مش حنسكت
زينب:هدت شوية من كلامه....حكيت لي بوك؟
مازن:انا توا بنطلع ولما نروح فليل نجمعكم كلكم ونحكيلكم
زينب:باهي شن بدير
مازن:نروح ونقوللكم مخططين انا ولولاد وان شاءالله ننجحو
زينب:ربي معاك يا وليدي
مازن:باس راس امه وطلع
ريان كانت فوق تقرا ولما سمعت خوها مشي نزلت لي امها بتقصقص ومش عارفه شن الي يستنى فيها💔🔥
ريان:وهيا تجري...مام😯خيرك ماما
زينب:ءء شي غير خوك كان هني واستاحشته قعدت نبكي
ريان:وخيره هوا شن صاير معاه!
زينب:لو تعرفي يا بنتي راهو توا بديتي تندبي
ريان:ماما ماما هي نكلم فيك
زينب:خلاص من غير تقصقيص وين اختك
ريان:طلعت لي اساور بنت جيرانه تقرا عندها
زينب:وشن دخلها اساور في قرايتها
ريان: تاكل في تفاحه ...ماهو تقرا معاها ونفس التخصص وغدوا عندهم امتحان مشت تقرا معاها
زينب:به بري ديريلي قهوا راسي يوجع فيا
ريان:حاظر
_________