جرائم مخفية الحلقة12
الكاتبة سيڤانا 💜👑
خش ايمن للمستشفى وهوا مش ناوي ع خير
ايمن:وينها الفاسده وينها 😡😡
احمد:غير اهدا كل شي ينحل بتفاهم
ايمن:وينه الكلب الي كان معاها
احمد:شاد ايمن من ايده...في الغرفه الي مقابلاتك
مشي ايمن للغرفة متع الراجل عشان ينصدم من الشخص الي شافه ومن ملامح الغضب تحول لي صدمه
كان صاحبه رواد حتى هوا يشوفله بصدمه ومش مصدق
رواد:ءء ايمن قق قصدك انت راجلها
ايمن:حقير زيك زيها
رواد:والله ما نعرف يا صاحبي هيا الي كلمتني وخلتني نحبها وما قالتليش انها متجوزه
ايمن:عرف ان رواد صادق....باهي احكيلي شن الي صار وكيف كلماتك!
رواد:كان مش مضرور هلبا جت الضربة جهة هاجر اكثر لكن تعب شوية...يومها انا كنت مكسد فليل اتصل بيا رقم رديت طلعلي صوت بنت وقعدت ندوي معاها
فلاش باك☄
هاجر:شنجوك
ايمن:الحمدالله لكن مني ما عرفتكش
هاجر:انا اسمي هاجر وانت
ايمن:انا ايمن كيف متصله بيا وما تعرفينيش
هاجر:ءء انا لقيت رقمك ع النت وعجبتني صورتك
ايمن:ذاب لانها كانت تغير في صوتها ومدايراته يذوب وكانت الدنيا ليل 🤤🌃🔥...اي عددي نتعرفو شن ورانا
هاجر:مستمرة في تغيير الصوت...انت مرتبط
ايمن:لا لا شكلي بنرتبط
هاجر:ضحكت ضحكه اذوب
ايمن:يا حليلي انا
هاجر:ءء بابا جي توا بنسكر بعدين نهدرزو (وگان ايمن الي جاي)
ف الحاظر☄
رواد:وهذا الي صار
ايمن:ربي ينتقم منها بنت الحرام مش اللوم عليك سامحني
رواد:ضربه ع كتفه وابتسم بتعب...ولا يهمك مش لايم عليك وضع صعب وسامحني والله كان نندري نطلع عيل
ايمن:نزبطك انا وعارفك قدر
رواد:شن جو العمل
ايمن:اهو الحمدالله مره هكي ومره هكي
رواد:انا عندي صاحبي عنده معرض ويبي معاه واحد كان تبي نقوله
ايمن:كان يطلع مليح عادي اي
رواد:ميه ميه بعدين تو نكلمه ونرد عليك
ايمن:ناض ...تمام نستنى فيك وتو غدوا نرجعلك
رواد:سلام
ايمن:قام ايده...سلام وطلع
_______________
بدو عيلة محمد السيد وعزمو العيلة ع السريع لانها جت فجأة وبدو يفرقو ف الحلو وبعد شوية جابو الخفيف حطولهم رز مسقي الي وصت علبه بيان ومعاه نوعين حار زي اي عرس كباب وشاورما💜
زينب:عطيتو للكل
وسن:اي كلهم اعطيناهم
زينب:حتى الرجالة خلاص
وسن:مازالت سفرة بس تو يجي يرفعها يزن
يزن جاي من بعيد
زينب:تعالى يا وليدي رجيلاتي خلاص ارفع اخر سفرة هيي
يزن:باهي حتى انا تعبت وينه مازن
تهاني:انا لقيته مقعمز مع الرجاله يا مرت عمي
يزن:باهي تمام
(تهاني تكون بنت خو محمد مش حنلخبطكم هلبا ومش حنعرفكم عليهم بنجيب لاسامي بس عشان ما تتلخبطوش)
فاتن (اخت تهاني الكبيرة):خلاص تعالو قعمزو الماعين تو يغسلوهم الشغالات علاش جايبينهم
زينب:اي حتى انا بنطلع يا بنيتي
وسن:هيا تعالو نمشو نقعمزو جنب ريان قعدت بروحها
مشو البنات وقعمزو جنب ريان وكانت بيان ادور ع الناس وبعدين جت قعمزت جنبهم
سعاد:امتى بيقروها الفاتحه
زينب:اكيد بعد ما يكملو العشي
سعاد:ربي يتمم ع خير
زينب:العقبة لبنيتك ووليداتك
سعاد:ان شاءالله والعقبه لي بيونه والولاد
زينب:شن رأيك في نادر وبيان حسيتهم ماشيين مع بعض
سعاد:والله يا وخيتي شن بنقوللك انا خاطبتله قريبة بوه يعني عاطيه فيها الكلمه
زينب:حطت ايدها ع رجل اختها...عادي ولا يهمك كل شي نصيب وشن صار في عرس الهادي
سعاد:قال مازال لين نكمل الحوش
زينب:ربي يهنيهم
وجوهم نساوين خوت محمد وقعدو يهدرزو وكانو متفاهمين وما فيش بيناتهم خبث💜
___________
طه:قال مازن بيجيبلنا من حاجاتهم
رغد:فالح الا ف الماكله
طه:ع لاساس انتي مش فالحه فيها
وعد:باهي وينه ما جاش لتوا
طه:مش عارف تخايلي يجري بينا
رغد:اسكت ما تحطمنيش😭😂
طلال:باهي اتصل بيه
طه:باهي وين وليد
طلال مش عارف تو يجي
ترن ترن ترن
طلال:ايوا
وليد:الو يا غالي
طلال:خيرك ما جيتش بنحصلو عشي
وليد:تم شوية ونكون عندكم
طلال:طماع😂
وليد:حيوان😂...وسكر الخط
طه:خيرك تبتسم
طلال:بيجي ع خاطر العشي قتله طماع قلي حيوان يجي لما نقتله
طه:بصوت بنت...لا لا حبيبي عيب عاد
رغد&وعد&طلال:😂😂😂
طه:شنجو ختشيبتك
طلال:كويسه وشن صار في الاء
طه:ماشي حالها وامي مش مقصره معاها
طلال:باهي وصار بتتجوزها
طه:لما يروح مازن نكلمه نمشو لي اهلها ونحكيلهم كل شي
طلال:ومش خايف يرفضوك
طه:ولع دخانه...بناخدها بسيف ولا بلكيف
طلال:ان شاءالله خير
___________ الكاتبة سيڤانا 💜👑
ناض سليمان وكانت حالته شبه تاعبه اما حنان مازال محاوطتها شوية صدمه💔!
احمد:شن يا بوي كيف تحس في روحك
سليمان:يتكلم بسيف...اهو الحمدالله وخلاص
احمد: طبطب ع ايد بوه...تو ينحل كل شي ما تخافش
سليمان:ما سمع حد ولا؟
احمد:ما تخافش وقلت للراجل الي كلمنا انه ما يخبرش حتى الشرطه!
سليمان:تنهد بتعب...باهي الحمدالله
حنان:بتعب...انا نبي نروح
احمد:مع مني بتقعدي الخوش فاضي
حنان:هزت براسها بكسرة ونزلت راسها💔
كانت تنحرق وحاسه قلبها والعه فيه نار ومستاحشه بنتها🔥
__________
فجرة:تعالي يا بنيتي جيبيلي مخده تانيه
الاء:لا مش باهي ليك ارقدي ع واحده ساده
فجرة:ماهو واطيه هادي
الاء:تو نبدلهالك
فجرة:الي يريحك💜
كانت فجرة عاجبتها الاء هلبا وتعامل فيها زي بنتها وتنعجب بيها اكثر لما تقوللها يا حنينه تحسها زي بنت بنتها💜
امل:شني مازال مش راقدين
الاء:نعطي لي حناي المخده ونخش نرقد هي
امل:باهي تصبحي ع خير
الاء:ابتسمت....وانتي من اهله
عطت الاء لي فجرة المخده وباست ع راسها وغطتها وطفت عليها الضي وطلعت ومشت لي دار امل
الاء: متحشمه...عمتي نبي تليفونك
امل:هاك يا بنيتي خليه عندك كان تبيه
الاء:صحيتي💜
امل:وقوليلي ماما انتي زي بنيتي راه
الاء:دمعو عيونها...واحلى ماما ف الدنيا
امل:ابتسمت وتسطحت بترقد وهيا فرحانه لانها شبه لقت بنت زي بنتها واحسن ورقدت وهيا مرتاحه💜
الاء:ترن ترن ترن
طه:الو يام شن اديري نايضه لتوا
الاء: بصوت رقيق...انا الاء
طه:احم ءءء اي اي به
الاء:ضحكت...خيرك اتمتم
طه:الحمدالله مليح
الاء: تضحك عليه...باهي حبيبي تو نكلمك بعدين
طه:تمام باي
الاء:باي...وسكرت الخط وهيا تبتسم
طه:انا بنخش نكلم الاء تو نجيكم بنخش لداركم يا بنات ما تزعجونيش
رغد:وجهك صحيح
وعد:برا هيا ليك
رغد:😏😏
خش طه لدار وطق الباب
طلال:مني
مروان:انا ولد عم مازن
طلال:احلف
مروان:ضحك عليه...وحق ربي
طلال:فتح الباب وخدي منه الحاجات...منور يا واصل
مروان:ابتسم...هي تصبح ع خير
طلال:وانت بألف خير وسكر الباب
اهوا العشي جي
طه:استنى وليد يجي يدبحك بعدين
طلال:اي حق نسيته تو نتصل بيه
طه:تم
طلال:مش بتخش لدار
طه:جيت نقصقص مني جي
طلال:مختش
طه:🙂🙂
طلال:الو يا خرا
وليد:خرا انت شن تبي
طلال:بنتعشو عليك
وليد: افتح الباب
فتح الباب او وليد درس
وليد:هيا خش جيعانا بنموت
طلال:هيا
وليد:سموعيكم
طلال:خش بلا تمهتيك
رغد:باللهي ارقد
وليد:😂نجرب في جو السكرانين شني طالع عليا
طلال:تحشم
وليد:خزي😏
طلال:تو نوريك منهوا الحيوان
وليد:ارقد سلم بابا
طلال:مشي برك عليه من فوق وبدي ينتشله في شعره
وليد:ميت بضحك...حول يا عن فيتك حول بتقتلني
رغد:تستاهل... وتسحن بأيدها😂
وعد:حاطه ايدها ع فمها وتضحك😂😂
طه:تمام حبي نتعشى ونكلمك
الاء:باهي نستنى فيك
طه:باي...وسكر الخط
طالع من الدار
طه:حي علمه شن اديرو عيب😂
طلال:ناض من فوق وليد وهوا داهش
طه:خيرك تقول ضارباتك اممك.
طلال:وريته منو الحيوان
وليد:حرام واحد يبصر عليك زي الوحش برا دير روجيم
طلال:😎😎انا عضلات مش زيك صقع عليك
____________
يزن:خش فرحان....قروها يام قروها
زينب:دمعو عيونها بفرح...رورورورورورريييييي
مازن:خاش بشخصيته الي تجلط وعيون بنات العيله عليه...وين ريان
زينب:بري يا تهاني ناديها
تهاني:حاظر
مشت تهاني نادت ريان الي كانت مقعمزة وتستنى ع نار
زينب:مشت حظنت بنتها...مبروك يا بنيتي ربي يهنيك
ريان:دمعو عيونها...قروها
زينب:اي يا بنيتي بديتي مرته
ريان:زادت ضغطت ع امها وقعدت تبكي بفرح
بعدها مشت حظنت مازن ويزن وبيان
بيان:تبكي بتخليني بروحي😭
ريان:هههه مازال يا مهبلوله قاعده معاك شهرين
بعدها جو بنات العيله باركولها كلهم ومشو قعمزو وكل مره يجي حد من المعازيم يسلم وكانت ريان فرحانه بطير 💜
ريان:الو حبيبي
مؤيد:بصوت معبي فرح...بديتي مرتي ريونتي بديتي مرتي واخيرآ ياربي
ريان:نحبك يا قلبي وربي يتمم ع خير😭
مؤيد:علاش تبكي توا
ريان:مش مصدقه
مؤيد:مدامك معاي مش حتنزل دمعه منك امسحي دموعك هي واطلعيلي برا
طلعت ريان ولقت مؤيد يستنى فيها كان لابس زبون ويهبل وهيا لابسه قفتان مستور وكان بسيط وهيا كيوت لونه موف فلابيض💜
مؤيد:باس راسها.... مبروك يا مرتي
ريان:الله يبارك فيك يا روحي
وقعدو يهدرزو وكانو محلاهم مع بعض💜(ربي يفرح كل بنت ما جاهاش نصيب)
أنت تقرأ
جرائم مخفية(رواية ليبية)
Misterio / Suspensoالقصة حتكون ممزوجة بالواقع والخيال يعني القصة شبه صايرة ف الواقع اليبي وحتكون مختلفه عن باقي الروايات وهادي اول رواية ليا ان شاء الله تعجبكم💜🙏
