جرائم مخفية(رواية ليبية)

الحلقة التاسعة🔥

جرائم مخفية الحلقة9

الكاتبة سيفانا☄💜

طه:معش تبكي حبيبي انا جنبك ومشي حضنها لان كان وضعها يسخف💔
الاء:ارفعني معاك معش نقدر نتحمل الوضع الي انا فيه😭
طه:باهي نوضي البسي حاجه خفيفة وعباية وتعالي
الاء:ناضت بحيل مهدود وخشت لي الدار بعد ما نحت الفيلو وعطلت فيه لبست تيشرت طويل ومعاه سروال ولبست وشاحها وعبايتها وطلعت لي طه الي كان حاط يديه ع وجه او واضح مهموم
الاء:هيا نطلعو انا كملت
زياد:يتكلم بصعوبة بعد ما فاق....الم ان ان نوريك يي يكلبة
طه:انت الكلب يا حقير يا عيل
زياد:وا اانت لما تشوف شن نن ندير فف فيك
طه:كان لقيتني هذا...وشد الاء وطلع
مازن:شافهم من بعيد ولع السيارة وركبو وطلعو مشو للحوش الي هما فيه
طقطقطقطق
رغد:منوو
مازن:بصوت واطي...مازن
رغد:فتحت الباب...😯😯منو هادي
الاء: متحشمة...ان انا الاء
رغد:خشي حبيبتي تفضلي
وليد:جاي من بعيد...من😰😰
طه:هيا خشو شن تهدرزو ع الباب تو نفهمكم كل شي
خشو كلهم قعمزو ف الصالون وطلعت وعد لانها كانت ادوش
وليد:فهمنا
طه:هادي الاء البنت الي نحبها وانتم تعرفو واكيد ما شفتوش شكلها
طلال:باهي خيرك جايبها صارتلها حاجه
طه:انا ومازن بعد ما سمعنا...وحكي كل شي
وليد:حرام عليهم هذا كله ع خاطر مزرعه
طه:شن بدير هي وراجلها مش كويس شكله مريض نفسي ويبو يفتكو منه
طلال:لحول الله توا ضروري تكلم اهلها وتاخدها لان كان قعدت يوم حيكبر الموضوع
طه:غدوا الصبح اكيد وحنرفعها توا لي امي بش ما تخشش بعضها
رغد:باهي عادي نرفعوها شوية لدار ترتاح وارفعها
طه:تمام بري معاهم الاء
الاء:به وناضت كان وجهها كله الوان من الضرب وكلهم ساخفين عليها وهيا طول الوقت منزله راسها💔
مشو وعد ورغد ورفعو معاهم الاء لدار
وعد:خيرك حبيبتي شن صار معاك احكيلنا مرات نساعدوك
الاء:انا كنت نحب طه هلبا وعلاقتنا قريب تسكر سنه بعدها جي يوم واهلي قالوللي جاك واحد ولازم تتجوزي وانا رفضت بعدها خوي خشلي وبدي يعيط عليا ويضرب فيا ويقولي كان ما تجوزتيش المزرعه حضيع مننا وانا حسيت روحي رخيصه وع خاطر اهلي درت هكي وقلت لي طه انك مهمل لايام لاخيره وانجبرت نقول هكي بش يكرهني(كل مره تنزل منها دمعه وتمسح فيها)تنهدت وكملت تحكي...وبعدها جي يوم الدخول يلي هوا اليوم بعد ما روحت معاه طلع مريض نفسي وكل ما نقول حاجه تجيني ضربة منه قعدت ع هذا لحال لمدة ساعه وشكله طه كان يراقب فيا ووووو(تعرفو شن صار)
رغد:حسبي الله ونعم الوكيل💔
وعد:ربي تو يحاسبهم ما تخافيش
الاء:هذا هوا لكن ممكن نعرف انتم منو وعلاش معاهم هني!
وعد:هدا يا ستي في يوم طلعنا بنشرو قفاطين لي عرس خو رغد ....وحكت كل شي
الاء:يناري قداش تحملتو
وعد:الله غالب تو ربي يحاسبهم🔥
الاء:...وقعدو يهدرزو زي اي بنات
(ع سيرة عرس ايمن خو رغد داروه بعد ما عرفو حقيقة رغد وطبعآ الناس نصهم ما جوهمش لان سمعتهم تمسخت ودارو يوم واحد)

                   الكاتبة سيفانا☄💜
___________
نادية:مشت لي مختار ف المستشفى...ممكن نعرف غرفة مختار ال....
الريسبشن:دقيقه بس...الغرفه25
نادية:شكرآ
الريسبشن:العفو
ومشت نادية لي غرفة مختار وخشت
نادية:السلام وعليكم
مختار:وعليكم السلام
نادية:شن حالك توا
مختار:اهو ندفوها تندف
نادية:الحمدالله المهم ما فيش خطر ع حياتك
مختار:الحمدالله
ناديةاي واحكيلي كيف صار هذا كله
مختار:يحكي وهوا تاعب...هذا كنا مقعمزين زي العاده داخل شوية وخش حارس قال في واحدين طوقو المكان وما عرفناهمش مني الي عرفناه ان لبسهم اسود لكن مش ملثمين باين عليهم متع قانون انا هربت ولما هربت جت رصاصة طايشه وزي ما تعرفي في المكان متعنا ديما نخلو في 24 واحد الداخل هربو منهم23 معاي او واحد حصل والي برا اكيد كلهم قتلوهم لان هربنا من الباب الخلفي ونحمد ربي ان الباب الي من الخلف مش مطوقينه لكن شافنا واحد منهم وقعد يصوب علينا...وهذا الي صار
نادية:الحمدالله ان قعدو واحدين منكم كنت فاقده لامل خلاص وحتى من السفر ممنوعين..عندك علم؟!
مختار:ءء لالا مش عارف
نادية:انا توا بنمشي لان خطر عليا وفي حد يعرفني وانا منعرفاش
مختار:سلام
نادية:خدت شنطتها وطلعت
.
جلال:بصوت رجولي...الو مازن
مازن:ايوا
جلال:وينكم مش بتجوني
مازن:شوية ونجوك صار موضوع مع طه نحلوه ونجوك
جلال:تمام نستنى فيكم
مازن:سلام...وسكر الخط
مازن:هيا طه نطلعو نرفعو الاء وانت فهم امك وبعدين الحقنا عند جلال
طه:تمام هي
طلعو كلهم وقعدو رغد ووعد وسكرو عليهم الباب لانهم خايفين عليهم!
وعد:البنت باين عليها طيبة
رغد:انا وجعتني💔
وعد:ربي يكون فعونها
رغد:استاحشت ماما💔
وعد:اصبري بأدن الله وحيطلع الحق ما تخافيش
رغد:صبرك يارب💔
شعور رغد كان حزين هلبا لان لما تستاحشي امك ومتلقيهاش صعب🔥
مشو وليد وطلال ومازن لي جلال ومشي طه رفع الاء لي امه وخايف ترفضها
طه:طقطقطق
امل:مني
طه:انا يام
امل:فتحت الباب وهيا فرحانه لكن سرعان ما تلاشت الضحه من ع وجهها وجت في مكانها ملامح الصدمة
طه:امي خلينا نخشو ونفهك
امل:دخلتهم وهيا مصدومه
طه:باس يد حناه كيف حالك
فجرة:مستغربة في الاء...الحمدالله يا وليدي
امل:قعمزي يا بنيتي وخيرك يا طه ومن هادي
طه:امي عارفتيني من قبل ان نبي واحدة وكنت نبي نخطبها ولا
امل:اي صح كمل
طه:هيا هادي البنت وفي يوم اتصلت بيا ودارت روحها ما تعرفنيش وقالتلي انها نخطبت...وقاللها كل شي وحكي لين دهش😂
طه:اهه دهشت ان شاءالله تتفاهمي الوضع
امل:سخفها ولدها...اي عادي يا وليدي من زينة نحمو البنية
فجرة:شن اسمك بنيتي
الاء:بصوت متحشم...الاء
طه:مالا انا طالع وانتم هدرزو ماشي لي صاحبي متخرج ومداير عشي
امل:رد بالك ع رويحتك يا وليدي
طه:باس راس امه...حاظر ردو بالكم علاها راهي امانة
امل:برا وانت مطمن💜
طه:هيا سلام
كلهم: سلام
طلع طه وفي قلبه راحه انه ما لمسهاش غيره ولحق عليها💜
______.           

                    الكاتبة سيفانا☄💔💜

حنان:شن درتي العشي يا بنيتي
هاجر:شن عشي انا عروسه راه
حنان:باهي علي راحتك تو انوض ندير انا
هاجر:شاده التليفون..براحتك
حنان:هزت راسها بهزوة وناضت
مشت لي دار بنتها الي كانت مسكره وقعدت تبكي ع الحاله الي وصلتلها حتى كان بنتها غلطت لكن هيا الي كانت اطيب وضم وتغسل لكن توا جتها كنه سم🔥
__________
زينب:شني ريان كملتي
ريان:اي خلاص الحمدالله
زينب: باهي بنيتي ربي يهنيك
ريان:ان شاءالله
زينب:شن صار في قفطانك يا بيان جبتيه
بيان:شاده تليفونها...اي تو بيجيبه يزن
وسن:حتى انتي يا خالتي علاش ما تشريش في عبايات حلوات متع كبار
زينب:توا خلي تكمل بنيتي وبعدين انا ساهل
وسن:واهي كملت معش مازال شي ع لاقل خودي واحده لي يوم العزومه
بيان:اي وع سيرة العزومه امتى بديروها
ريان:قاللي مؤيد نديروها ف الحفلة ف الصاله وتكون مشتركه ويوم الكسوة تكون عزومه بسيطه لرجالة
زينب:اي عادي
بيان:واما صالة بديري فيها
ريان:قاللي صالة$$$$
وسن:اكيد مريش هذا شن ما فيش الا الصالة هادي مش حلوه بكل راه
ريان:انتي شن دخلك انا عجبتني عرسي مش عرسك
زينب:فنصت في ريان وريان دستها وسكتت
وسن:تمضغ في مستيكه زي المجعوطه...شفتيه بيونه قفطاني خديته ب 500
ريان:باهي وكانه
وسن:قلبت عيونها😒
زينب:....وقعدو يهدرزو ع العرس
_________
مازن:اهو حصلت حفلة مقومة
جلال:عارفني ما نحبش الحاجات هادي غير امي شدت فيا
طلال:تي كيف ياراجل متخرج وما تبيش ادير حفلة
جلال:يدخن...المهم يفرحولي والحفلة مش مهمه
وسام:جلال
جلال:ايوا شن تبي
وسام:تعالى شوية ترا
جلال:ع ادنكم شوية وجايكم
كلهم:تمام
وليد:شن صار معاك يا طه
طه:الحمدالله لامور طيبه وتفاهمت هيا وامي
مازن:باهي وتوا كيف بدير
طه:بنتجوزها
طلال&مازن&وليد:😯😯
مازن:كيفف هكي
طه:اي نكلم بوها ونستر عليها
مازن:نفخ دخانه...كان ما وافقش
طه:ناخدها بسيف عليه وتو نهدده ان نقول لشرطه اكيد رح يخاف
وليد:ان شاءالله خير وخلاص موضوع صعب هذا
طلال:خلاص جلال جاي ما نبوش نضايقوه
جلال:جايب سفرة فيها قهوة....هيا تفضلو شباب
كلهم:منور
جلال:رشف رشفة من القهوة...اي مازن شن الموضوع الي صاير مع طه
مازن:لا ما في شي غير حناه مرضت شوية ومشي يعاين فاها
جلال:سلامتها
طه:الله يسلمك.....وقعدو يدردشو
____________
روحو الشباب من جلال وخشو للحوش بيرقدو وينصدمو بلي قدامهم
كلهم:هذا شنوو....#يتبع