جرائم مخفية الحلقة 14
الكاتبة سيڤانا 💜👑
استعدو طه ومازن ومشو للعنوان الي مشوله العنوان الي صدمهم توا بيصدمهم مرا تانيه!
وصلو للحوش عشان ينصدمو بالمنضر البشع الي قدامهم الي كل حد لما يشوفه اكيد حيطيح في مكانه ومش راح يتحمله كانت الدنيا كلها دم ومعش عرفو شن يديرو غير انهم يرسمو علامات الصدمة ع وجوههم الي كانو ما يتفسروش وركزو ف الشخص الي كان قدامهم وزادت صدمتهم صدمتين
طه:بصدمهشن صاير هني
مازن:شكله صاير موضوع هيا نخشو
خشو مازن وطه ولقو صبرية داخل وكأنها ما تندري ع شي استغربو ومشو جيهتها!
صبرية:اهلين يا وليدي
مازن:ءءء اهلين
صبرية:شني نمشو
مازن:كيف نمشو ما شفتيش شن صاير برا!
صبرية:شن في
طه:اطلعي معانا وشوفي
مشو طلعو قدام الحوش وصبرية طول اغمى عليها من غير ما تتكلم🔥
طه:تعالى نسئلو الجيران ونقولولهم خيره
مازن:لا لا فكنا تو نحصلو حني مش ناقصنا
طه:شاد صبرية في غمره ودخل بيها عشان يفيقها كانت حالتها لا يحسد عليها💔
بعد مرور وقت قصير☄
سالم:من انتم وشن اديرو هني
طه:شافله بقرف...معندكش دخل
سالم:حلوه هيا
طه:كانك مهتم راك قاعد مع عيلتك
سالم:وشن صاير معاهم او وين بوي
طه:عطاك عمره
سالم:هز راسه بصدمه واستغراب وعدم تصديق...شش شنو كيف
طه:خشينا لقيناه غارق في دمه وجت رفعاته سيارة اسعاف ما نتوقعش يقعد عايش
سالم:قعمز ع ركابه وشد راسه وهوا مش فاهم شي !
مازن:زعما شن صار وعلاش قتلوه
طه:قتلك نسئلو الجيران
مازن:اهي اهي ناضت
صبرية:ححم حمد حمدي
طه:نزل راسه بكسرة وشفقه ع حالة صبرية الي كانت تقطع القلب💔
____________
كل مرة بتبدى القصه غامضه وبتكبر لاحداث🔥
عند نادية
اتصلت بي مختار ورد عليها من غير نية
مختار:الو
نادية:ما صار معاك شي
مختار:لقيتهم
نادية:بفرح...شوية وجاياتك وسكرت الخط في وجه🤦♀️😂
مختار:توا بدي اللعب معاك 🔥
جت ناديه بعد ما قالت لي خالد وخشت لي مختار بفرحه ولما خشت اختفت الفرحه وجت مكانها الصدمه الي معش قدرت تخليها توقف ع رجليها انصدمت من الشخص الي تسحابه ميت ليه هلبا راجع واقف ع رجليه او واضح انه ما صايرله شي وتوا بدي اقوى كان وسام (صاحب جلال الي يخدم معاه)واقف قدامها بي بدلته العسكريه وشخصيته الي حستها اقوى من لاول 🔥
نادية:ووو وووسام
وسام:ضحك ع جنب...تسحابيني متت اه تسحابيني راقد ع وداني وما نعلمش الي اديري فيه ؛تسحابيني مش عارفك انتي الي ورا كل شي!
نادية:مم ممختار ادوي خيرك ساكت
مختار:جي الوقت الي تعرفي فيه ان حني مش لعبة عندك ومش ضد القانون
_______________
كانت زينب مقعمزة في جنان الحوش في امان الله لين لمحت شخص مشي ورا الحوش ومشت تتسلل بالشوية لين وصلت وقعدت واقفه من كثر ما ارتعبت من المنضر الي قدامها كان مقزز ونصدمت لما شافت الشخص الي كان ورا الحوش وحطت ايدها ع فمها وهيا مش مصدقه!
كانت فتحيه(ام جوري) هاربة هاربه وكلها دم كان مغطي جسمها بالكامل وكانت متخطيه ورا حوش محمد وكأن في شخص يلاحق فيها لين الشخص جي وشافاته زينب ومعش قدرت تتحمل وقعدت تعيط بي هستيريه!
___________الكاتبة سيڤانا💜🌑
عند حنان ناضت توضت وصلت وجت بتخش لدار وقفها صوت سليمان وكان يدوي بصيغة المؤنت وكأنه يخطط لي شي وكان يعيط ويكشخ!
مشت تجري للصالة لانها ما تبيش تنصدم من كلام راجلها الي كان كل ما يقول كلمة تخش لقلبها وتهده!
(كأن اليوم كان صدمه للكل)
__________
سناء:مشت لدار بنتها ريم بتنوضها وانصدمت لما لقتها شاده تليفونها وتضحك وتحكي مع حد في كلام ما ينحكاش قعدت سناء واقفه وتبي تزيد تسمع كلام اكثر من الي سمعاته وتبي تصدق ان بنتها طلعت هكي لكن ريم لما قامت عيونها في امها الضحكه تحولت من ع وجهها
ريم:ان انا م
سناء:صحيتي... قالتها بكسرة وطلعت من غير ولا حرف قعمزت ع الصالون وحيلها مهدود 💔
أنت تقرأ
جرائم مخفية(رواية ليبية)
Tajemnica / Thrillerالقصة حتكون ممزوجة بالواقع والخيال يعني القصة شبه صايرة ف الواقع اليبي وحتكون مختلفه عن باقي الروايات وهادي اول رواية ليا ان شاء الله تعجبكم💜🙏
