جرائم مخفية الحلقة العاشرة
الكاتبة سيفانا☄💜
روحو الشباب من جلال وخشو للحوش بيرقدو وينصدمو بلي قدامهم
كلهم:هذا شنوو
كانت الدنيا مظلمة وكلها شموع ونفتح الضي
رغد:تصفق...سنة حلوة يا وليد😂
وليد:كيف عرفتو انه عيد ميلادي
وعد:شافت لي طه وضحكت
طه:مداير روحه مصدوم😂
طلال:العم طه منضم لامور ومداير روحه مصدوم معانا واو ع السبرايز😂
مازن:هيا خشو وانتم زي المهبله
جت رغد وحطت طاقية عيد ميلاد ع راس وليد وكان مكتوب عليها اسمه ويوم ميلاده
وليد:منورين كلكم والله فرحتوني😍
وعد:ولو من واجبنا مساعدتكم لينا تكفي
رغد:هيا تعالى وليد نقصو التورتا
وليد:باهي وانتي تقول عيد ميلادك
رغد:ءء ان انا....عيونها دمعو لانها ما عمرهاش دارت عيد ميلاد بسبب حالتها المادية
وليد:لاحظ عليها كيف تغير جوها فجأة
رغد:خشت لدار وهما مصدومين خيرها تغيرت فجأة وهيا كانت اكثر واحده فرحانه
وعد:ءء شويا نشوفها ونجيكم
مشت وعد لدار وطقت عليها
وعد:افتحي انا وعد
رغد: بكلمات متقاطعه...خشي مفتوح
وعد:😳خيرك حبيبتي شن صارلك فجأة
رغد:شفتيه كيف يدوي معاي وانا اول مره نحظر عيد ميلاد
وعد:نوعدك والله لما يجي عيد ميلادك نديرلك عيد ميلاد احسن منه
رغد:تبكيي
وعد:طبطبت ع كتفها...خليك هني انتي بش يحس بغلطه تو نطلع نجيب اميه ونرجعلك خليهم بروحهم وتو نشوفو مكان نمشوله بروحنا
رغد:هدت من كلام وعد وقعدت تشوف للحيط وتفكر
وعد:شوية ونجيك
رغد:به
طلعت وعد وقعدت تصب في اميه لي رغد وصبتلها عصير ليمون وطلعت خشت لدار وسكرتها!
مازن:خيرهم ما يبوش يجو
طه:من لما قال وليد تسحابيه عيد ميلادك تغير وجها
وليد:قلت حاجه غلط انا
طه:مرات اشبح شن صايرلها وانت فمك زي الكلب ما تسكتش
وليد:سكر فمك وين نندري عليها انا
طلال:خلاص اسكتو تصدعو الراس
طه:اسكت انت التاني حرام عليكم تاعبين ف الحاجات وفلاخير تهينوهم ياعندين حتى فيتك يا وليد الكلب
وليد:قتلك اسكت طه احسن
طه:تي برا اقعد فيها حرام الخير فيك اسلوبك زي الزفت...وناض طلع وقربع الباب
كلمة واحده خلتهم يتعاركو 🔥
وليد:خيره هذا شن قلتله انا حسستوني قلت شي كبير
طلال:انت مدامها البنت فرحانه علاش تكلمت خليتها تكمل فرحتها
وليد:حط ايده ع راسه
مازن:هيا نوضو نمشولهم تأسف منهم عيب نقعدو هكي
وليد:اففف هيا
مشو وليد ومازن وقعد طلال ياكل بروحه😂
طلال:ناكل خيرلي ان شاءالله تتطربقو😂
كان كل شي ع الطاولة مرتب ومدايريين شريط ع لازرق وبلونات زرق وبيض بأختصار كان كل شي ازرق يعني لون ولد ومطيبيين رز بلاو بالكبده والمكسرات وكباب وبيتزا وحاطين تورتا فخمه شوية وتارت وبكلاوة وعصير بصبغه الزرقه ودجاجه كامله 💙
طلال:فمه معبي ويدوي بروحه...والله الا تطييبهم مليح لكن مرات جايبيينه من المطعم لكن من جابه اي توا خل ناكل شن دخلني انا
وليد:خش لدار....سامحيني مش بقصدي نغلط
رغد:عادي
وليد: المهم سامحتيني
رغد:قتلك عادي ولو سمحت خليني بروحي
طلع وليد وهوا حاس بذنب
طبعآ لما مشو لي جلال طه دار روحه اتصل بي امه وبعد عليهم وهوا اتصل بي رغد لان كان في هاتف ارضي ف الحوش
طه:الو
رغد:ايوا مني
طه:انا طه انتي منهيا
رغد:اها انا رغد في حاجه
طه:غير بنقوللك بنديرو لي وليد عيد ميلاد مفاجأ ونبيكم تطلعو معاي نجيبو حاجه وتوا بنطلع من جنبهم بنقوللهم امي تبيني
رغد:بفرح لانها قداش ليها معش طلعت...اي عادي تلقانا واتيين
طه:تمام هي...وسكر الخط
طه:انا ماشي لي امي يا ولاد قالتلي حناك زادت تعبت
مازن:تمام رد بالك
جلال:سلملنا ع امك
طه:يوصل...هي سلام
طه:حقا جلال بناخدك لي حناي ارملة لكن طرف
جلال:حدفه بشبشب... برا يا كلب😂😂
طه:ضحك وردله الشبشب...باي جدي😂
كلهم:😂😂😂
وصل طه بعد نص ساعه ولقاهم واتيين ورفعهم خدو كل شي بعد حوالي 3 ساعات وبعدها ولى للولاد
طه:سلام عليكم
كلهم:وعليكم السلام
جلال:شن صار فيها حناك
طه:تدلع
جلال:صبرك يارب😂
بأختصار وتو وعد ورغد الحاجات وخدو منهم وقت وطبعآ هما الي طيبو الحار لكن الحلو شروه💙
__________الكاتبة سيفانا💜☄
نادية:توا شن بنديرو وكيف بنعرفو مكانهم
خالد:بلغي الشرطى
نادية:قالولي ما نقدروش نعطوك معلومات ع حد وما نقدروش ندورو عليهم
خالد:في حد لاعب لعبة كبيرة
نادية:بتفكير...تو نعرفوه
خالد:خايف ينكشف الي داسينه
نادية:لالا ما تخافش اكثر شي دايرة بالي عليه
ترن ترن ترن
نادية:الو مختار
مختار:انا بنطلع غدوا الصبح من المستشفى لقيتي مكان تاني
نادية:اي لقيت كلمني لماا تطلع نجي نرفعك
مختار:تمام
نادية:تصبح ع خير
مختار:وانتي من اهله...وسكر الخط
خالد:خيره شن يبي
نادية:قاللي بنطلع من المستشفى
خالد:اها...انا بنرقد
نادية:حتى انا وراي خدمه بكرى
_______________
زينب: هيا يا بنات نوضو قيمو الحوسه وارقدو
بيان:مازال خلينا نسهرو
زينب:براحتكم لكن ما نلقاش الدنيا مقلوبة
وسن:ولا يهمك تو نضمو بعد ما نكملو
مشت زينب ركبت بترقد والبنات قعدو يهدرزو
بيان:خيرك وسن حسيتك ترا شن بتقولي
وسن:ءء خوك امتى يروح
بيان:يزن!
وسن:لا مازن
ريان:تكلم في مؤيد...وشن بديري بيه
وسن:الهي مع راجلك نكلم في بيان انا
ريان:انا فاضية اصلا...الو حبيبي اي كمل
بيان:مرات غدوا الصبح يجي يدير دوره ويولي
وسن:علاش ما يروحش هوا
بيان:ءء لا مش عارفه بالك صاحبه امه مريضه وقاعدين معاه
وسن:بشك...من صاحبه
بيان:طه يمكن لان بوه ميت
وسن:مش مصدقه...اممم كويس
بيان:غيرت الموضوع....ياسرك بيان هدرزي معانا
ريان:شوية بس
مؤيد:خلاص حبيبي هدرزي معاهم وغدوا نتلاقو زي ما قتلك
ريان:تمام تصبح ع خير
مؤيد:وانتي من اهلي...وسكر الخط
ريان:ها سكرت شن بديرو بيا
وسن:بنهدرزو
بيان:عندي فيلم رعب شن رايكم نتفرجو عليه!
وسن&ريان:اي عادي
جابت بيان وركبت الفيلم وقعدو يتفرجو ومنسجمين ومره مره ينخلعو خشو محمد ويزن وهما مش منتبهين لقاهم يزن يتفرجو ومش منتبهين دار صبعه لي بوه بعنى اسكت
محمد:فكنا ليل
يزن:غر اسكت يا بوي والله ما صايرتلهم حاجه
خدي الجاكه الي لابسها ولبسها زي الوشاح ومشي ورا الصالون
يزن:بعععععع
كلهم:يعيطو
بيان:يا ماما تعالي ووك علينا جانا ووك يا يما انقضيني بنموت😭😭
فتح محمد الضي وقعدو مصدومين
ريان:تتفرج زي المسبوهة وعيونها دموع
وسن:خزي عليك يا بارد قريب متت
يزن:سايخ يضحك ....منضر بيان اكثر شي يضحك وشاد بطنه😂😂
محمد:ركب وخلاهم وهوا يضحك
هذا كله وزينب ما تسمعش فيهم لانها كانت راقده
ريان:تضرب في يزن...يا حيوان يا بارد خزي عليك قلبي قريب طاح
يزن:من قاللكم تفرجو
وسن:علاش خالعنا وربي لما نوريك تو تشوف وطاحو فيه الثلاته ضرب قريب قتلوه
يزن:لا عارف يضحك ع منضرهم ولا عارف يبكي 😭😂
بيان:هيا اركبو خلوه ملوح
ركبو وخلوه طايح وهوا ميت من الضحك ويتوجع من الضربات بعدها ناض ركب
__________
عند حنان بدت تتعود ع الوضع وع كلام الناس وبدت قليل ما تطلع وحتى خوتها وخواتها معش يجوها لكن كل يوم تدعي ان كل شي يطلع كذب ومرت ايمن واحده بايرة ما تصلحش ومتعبه حنان معاها وحنان ساكته💔
.
اما عند امل الي حبت الاء لان كانت تساعد فيهم هلبا ومهتمه بي دوا فجرة وتعطيها فيه ع الوقت وكان جووهم لوزز في يوم واحد💜
أنت تقرأ
جرائم مخفية(رواية ليبية)
Mistero / Thrillerالقصة حتكون ممزوجة بالواقع والخيال يعني القصة شبه صايرة ف الواقع اليبي وحتكون مختلفه عن باقي الروايات وهادي اول رواية ليا ان شاء الله تعجبكم💜🙏
