انتقامى المريب

البارت السادس

" مازال "
. . . . . . . .
مازال يحمل جبل من الهموم على عاتقه . . . .
ومازالت تلك الكلمات تتردد بداخله " خد حق نور "
. . . مازال يتذكر عندما كان يُهان ويُذل ولا احد يدافع عنه . . . عندما كان يبيت فى الشوارع . . . . ويموت برداً فى الشتاء . . . . عندما كان يعامل على أنه منبوذ . . . . عندما كان يموت جوعاً . . . . عندما كان يمرض ولا احد يراعيه . . . عندما كان يبكى الماً . . . كان يعيش الفاقه والحرمان ولم يسأل أحد لانه مدرك أن السؤال لله وحده
" وإذا سألت فأسأل الله "
مازال محاصر فى ماضيه الأليم . . . . مازال يحمل المسؤوليه . . . . مازال وحيد . . . . .

فى أثناء طريقه إلى مقر عمله وصله اتصال رد على المتصل
سيف بهدوء : فى جديد يا مجدى . . . .
مجدى : ايوه يا سيف بيه . . . . الشخص اللى انا براقبه بيزور بيت كل فتره الصراحه انا شكيت عشان كده سألت الحراس اللى موجودين لحراسه البيت دا
وعرفت أن اللى جوه البيت دى بنته اسمها ورد وفى واحده تانيه بس دى الداده واسمها سميه . . . .

سيف : طيب يا مجدى انا عايز كل المعلومات عن ورد . . . . .
مجدى : و دى حاجه تفوتنى انا جبت كل المعلومات عنها . . . . . .
الاسم : ورد ناصر الهامى
السن : ٢٠ سنه
طالبه جامعيه فى سنه تانيه طب
و تقريبا مش بتخرج كتير . . . . بتخرج بس عشان تروح الجامعه وترجع تانى البيت ومعندهاش أصحاب . . .

دى كل المعلومات اللى قدرت اجمعها عنها ولكن هى مش اجتماعيه عشان كده المعلومات مش كثير . . .

سيف : طيب يا مجدى لو فى معلومات تانيه ياريت تقولى وانا مبسوط من مجهودك ونصيبك هحطوا فى حسابك في البنك . . . . .
مجدى بفرحه : شكرا يا بيه منتحرمش منك ابدا

اغلق سيف الهاتف ثم نظر أمامه بشرود وهو يقول : هجيب حقها وبنفس الطريقه وزى ما وجعت قلبنا عليها زمان هوجع قلبك على بنتك بس هيكون الفرق أنه بمزاجها ودا وعد ووعد الحر دين . . . . .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
. . . . . . . . .

" مستحيل اسمح لك تدمر حياتك بالشكل دا . . . . . للدرجه دى قلبك قاسى . . . . بلاش تسمح لغضبك أنه يدمرك . . . . تقدر تقولى هي ذنبها ايه انك تدخلها فى انتقامك لمجرد أنها بنته . . . . صدقنى هتندم "

سيف بحزن و وجع : وانا كان ذنبى ايه . . . مفكروش فيا ليه لما كنت طفل وهما بكل قسوه بياخدوا منه ابسط حقوقه . . . . لما اترميت في الشارع و الناس كانت بتبصلى بقرف كأنى منبوذ . . . .

_ انسى بقى . . . انسى يا سيف

سيف : مستحيل انسى . . . . انت اللى بتطلب منى انى انسى مش انت اللى كنت بتحفزنى انى اخد حقى . . .
مش انت اللى طلبت منى انى ادخل كليه الشرطه عشان اقدر انتقم منهم بالقانون مش ده كان كلامك . . .

_بس مطلبتش منك انك تعاقب بنت ملهاش ذنب على اللى ابوها عمله زمان . . . . .

سيف : لو سمحت بلاش تدخل فى الموضوع دا . . . . انا حكيت لحضرتك لانك بتمثل جزء كبير اوى فى حياتى بس انا عايز احل الموضوع دا بنفسى من فضلك بلاش توقفنى عن اللى فى دماغى . . . . لانى مش هتراجع . . . . كل اللى غلط فى حقى زمان هيتعاقب سواء هو أو حد من عائلته . . . .