✍️ Unicode
💕 မင်း
-----------------" ဆရာ…… "
စာသင်စားပွဲမှာထိုင်ဖို့ပြင်နေတုန်း ရတီဦးက အရင်ခေါ်သည်။
" ဗျား............. "
" ဆရာ အဲလိုထူးရင် အရမ်းချစ်ဖို့ကောင်းတာပဲ…… "
" အမ်…… "
" ဟုတ်တယ်ဆရာရဲ့… အဲလိုလေးလေ ဗျာကို ဗျားဆိုပြီးအရှည်ကြီးဆွဲပြီးထူးတာ ဘယ်လိုချစ်ဖို့ကောင်းမှန်းမသိဘူး…… "
" တော်ပါဗျာ… ဘာပြောမလို့လဲပြော…… "
" ဆရာ သူကလေ ကျော်သူကို တဲ့ သမီးတိုနဲ့ ဒီဝိုင်းမှာလိုက်ပြီး စာသင်မယ်လို့ပြောထားတဲ့တစ်ယောက်လေဆရာ… သူကအခုမှအားလို့ လိုက်တက်တာ…… "
" ဪ ဟုတ်လား ရပါတယ်… သမီးတို့အဆင်ပြေရင်ပြီးတာပါပဲ…… "
စားပွဲဝိုင်းမှာထိုင်လိုက်ကတည်းက သတိထားမိပေမဲ့ ရတီဦးတို့နှုတ်ဆက်ပေးမှပဲ ပြုံးပြဖြစ်သည်။ရတီဦးကိုပြန်ပြောရင်းက ထိုင်နေတဲ့ကောင်လေးကိုအကဲခတ်ကြည့်လိုက်တော့ဖြူဖြူနုနုနဲ့ ချစ်ရာကောင်းတဲ့ baby face လေးပိုင်ဆိုင်ထားသူ ဒီကောင်လေးကိုဘယ်မှာမြင်ဖူးပါလိမ့်။
" ဆရာ သားကိုမှတ်မိလား… "
တေဇာမင်းစဉ်းစားဆဲမှာပင်
" ဆရာနေတဲ့အဆောင်နားက ကုန်စုံဆိုင်ကပါဆရာ…… "
" အိုး…. မှတ်မိပြီ…… "
အဲဒီနေ့က ညနေစာသင်ဝိုင်းကအပြန် ကုန်စုံဆိုင်လေးမှာဝင်၍ ဈေးဝယ်ခဲ့ခြင်းပင်ဖြစ်သည်။အသုံးအဆောင်ကနေ စားစရာအထိရှိတဲ့ဆိုင်ကလေးမှာ လိုချင်တာတွေယူပြီးမှ တေဇာမင်းတစ်ယောက် ပိုက်ဆံမလောက်တဲ့အဖြစ်။
ကောင်တာပေါ်တင်ထားတဲ့ပစ္စည်းတွေကိုပြန်ထားရမလား ပိုက်ဆံပြန်သွားယူရမလား မဝေခွဲနိုင်ချိန် ဒီကလေးကအနားကို ရောက်လာခဲ့တာဖြစ်သည်။
" အစ်ကို… ဒီနားကယောက်ကျားလေးအဆောင်မှာနေတာမဟုတ်လား… ယူသွားလိုက်ပါခင်ဗျာ… ပြီးမှပြန်လာပေးလိုက်ပါ…… "
" နေပါစေတော့… ခဏနေမှပဲပြန်လာယူတော့မယ်…… "
" ယူသွားပါခင်ဗျ… ပါသလောက်ပေးထားခဲ့လိုက်ပါ… မနက်ဖြန်ပြန်ဆင်းလာမှသာ လိုတာပေးလိုက်ပါ…. "
YOU ARE READING
💕 မင်း
Dragosteအရမ်းချစ်တာ နဲ့ အရမ်းမုန်းတာရဲ့ကြားမှာ....အလွယ်တကူပေါက်ထွက်သွားနိုင်တဲ့ အလွှာပါးပါးလေးတစ်ချပ်ပဲရှိတယ်။ ဒါ့ကြောင့် အရမ်းချစ်နေမိရာက.... အရမ်းမုန်းသွားတတ်ကြသလို.... အရမ်းမုန်းတယ်ဆိုပြီးတော့လည်း.... အရမ်းချစ်သွားတတ်ကြတယ်။ ★★★★★★★★ အရမ္းခ်စ္တာ နဲ႕ အရမ္း...