✍️ Unicode
💕 မင်း
----------------အဖြူရောင် KLUGER ကားလေးကိုဖြည်းဖြည်းမောင်းရင်း ကားနောက်ခန်းမှာငြိမ်ငြိမ်လေးထိုင်လိုက်လာတဲ့ အဖိုးကြီးပေါက်စကို နောက်ကြည့်မှန်ကနေကြည့်လိုက်တော့ ကားပြတင်းကနေအပြင်ကိုငေးလို့။
ခပ်ချေချေမို့အမြင်ကပ်ခဲ့ရာက တော်တော်အသဲနုတာကိုတော့ မနက်ကမှသိခဲ့ရတာဖြစ်သည်။အမေဖြစ်သူရင်ခွင်ထဲခေါင်းတိုးပြီး ရှိုက်ကြီးတငင်ငိုနေတာတွေ့မှ ထွဋ်ခေါင်စိတ်ထဲသနားမိသွားသည်။
ထွဋ်ခေါင်ရှိနေတာကိုတောင်ဂရုမစိုက်နိုင်ဘဲ အသည်းအသန်ငိုနေခဲ့တာက ပီဘိကလေးလေးတစ်ယောက်လို။
လေယာဉ်ကွင်းထဲ ကားရောက်တော့ လေယာဉ်ကမရောက်သေးတာမို့ ကားပေါ်မှာပဲထိုင်ရင်းစောင့်နေလိုက်ကြသည်။
လေယာဉ်ဆင်းလာသံကြားမှ ကားပေါ်ကဆင်းကာ ဧည့်ကြိုတဲ့နေရာကိုသွားပြီး ထွက်လာတဲ့သူတွေကိုစောင့်ကြည့်ကြသည်။
နာမည်ကဒ်ပြားကြီးကိုအပေါ်မထောင်ဘဲအောက်ချကိုင်ကာ ခြေဖျားထောက်ကာထောက်ကာနဲ့ ဧည့်သည်တွေထွက်လာရာနေရာကိုလှမ်းကြည့်နေတဲ့အဖိုးကြီးပေါက်စကိုအမြင်ကပ်လာတာမို့
" ဆိုင်းဘုတ်ကို အပေါ်ထောင်ကိုင်ထားလိုက်လေ…… "
" မကိုင်ချင်ပါဘူး… ရှက်စရာကြီး…… "
" ရော်...... ပေးဒီကို…… "
အဖိုးကြီးပေါက်စဆီက နာမည်ကဒ်ပြားကိုယူကာ အပေါ်ကိုကိုင်မြှောက်ထားလိုက်သည်။
ခဏကြာမှ ကျောပိုးအိတ်တစ်လုံးနဲ့ luggage တစ်လုံးဆွဲကာထွက်လာတဲ့ ပိန်ပိန်ပါးပါးခပ်ချောချော အမျိုးသမီးတစ်ယောက်က လက်လှမ်းပြနေတာမို့
" ဟိုမှာ အစ်ကို့ မမလားမသိဘူးလက်ပြနေတယ်… အစ်ကိုနဲ့တော်တော်တူတယ်…… "
ဒီတော့မှ လုအုပ်ကြားထဲကနေ ခြေဖျားလေးထောက်ကာ ခုန်ဆွခုန်ဆွဖြင့်
" မမ… သားငယ်ဒီမှာ…… "
ဆိုင်းဘုဒ်ကိုင်ထားရမှာ ရှက်တဲ့သူက လူကြားထဲကနေအသံပြဲကြီးနဲ့ အော်ရတာကိုတော့မရှက်ဘူးလားမသိ။လက်တွေရောတောင်မြှောက်နေလိုက်သေး။
YOU ARE READING
💕 မင်း
Romantizmအရမ်းချစ်တာ နဲ့ အရမ်းမုန်းတာရဲ့ကြားမှာ....အလွယ်တကူပေါက်ထွက်သွားနိုင်တဲ့ အလွှာပါးပါးလေးတစ်ချပ်ပဲရှိတယ်။ ဒါ့ကြောင့် အရမ်းချစ်နေမိရာက.... အရမ်းမုန်းသွားတတ်ကြသလို.... အရမ်းမုန်းတယ်ဆိုပြီးတော့လည်း.... အရမ်းချစ်သွားတတ်ကြတယ်။ ★★★★★★★★ အရမ္းခ်စ္တာ နဲ႕ အရမ္း...