✍️ Unicode
💕 မင်း
----------------" သားငယ်… အိပ်နေတုန်းလား… "
ဒီနေ့ကတနင်္ဂနွေနေ့မို့ ထွဋ်ခေါင် ကယ်ရီလိုက်သွားသည်အထိ အိပ်ရာကမထသေးပဲအိပ်နေခဲ့ခြင်းဖြစ်သည်။အခုမှဖုန်းဝင်လာတာမို့ဖုန်းကိုကောက်ကိုင်လိုက်တော့ ဖုန်းထဲက မမရဲ့အသံက ချစ်ခင်နှစ်လိုဖွယ်ကောင်းစွာပေါ်လာသည်။
" ဟုတ် မမ… "
" အဲဒါဆိုလဲထထ မျက်နှာသစ် ကိုယ်လက်သန့်စင် အဝတ်အစားလဲပြီးရင်အောက်ကိုဆင်းခဲ့… မမတို့အောက်ကစောင့်နေမယ်… "
" ဟုတ်… ဟုတ်… "
အောက်ကိုဆင်းခဲ့တော့ အဆောင်ဧည့်ခန်းမှာထိုင်နေတဲ့ မမကိုတွေ့ရသည်။
" ဘာကိစ္စရှိလို့လဲမမ… "
" မမနဲ့လိုက်ခဲ့… "
ရှေ့ကထွက်သွားတဲ့ မမနောက်ကိုလိုက်လာတော့ အဆောင်ရှေ့မှာ BMW အကောင်းစားအနက်ရောင်ကားကြီးတစ်စီးရပ်လို့ ။
" တက်… "
ကားတံခါးဖွင့်ပြီးအရင်တက်သွားတဲ့ မမနောက်ကလိုက်တက်လိုက်တော့ အထဲမှာရှိနေနှင့်တဲ့မေမေကပြုံးပြသည်။
မေမေ့ကိုပြုံးပြလိုက်ပြီး အရှေ့ကိုလှည့်လိုက်တော့ ကားအရှေ့ခန်းကခုံမှာ ဖေဖေထိုင်နေတာတွေ့သည်။ဖေဖေ့ကိုတွေ့တော့ တေဇာမင်း ရင်ထဲမှာထိတ်ခနဲ။
" ဘယ်သွားဖို့လဲ မမ… "
မမအနားကိုကပ်ကာလေသံလေးနဲ့မေးလိုက်တော့
" ရောက်တော့သိလိမ့်မယ်… "
မမကလဲ လေသံတိုးတိုးလေးနဲ့ပြန်ဖြေနေတာမို့ မောင်နှမနှစ်ယောက် ဖေဖေမကြားအောင် ပါးစပ်ပိတ်ကာရယ်မိကြပြန်သည်။သားနားတဲ့စားသောက်ဆိုင်ကြီးတစ်ဆိုင်ရှေ့မှာ ကားကိုရပ်လိုက်ပြီး ကားမောင်းသမားက ဖေဖေ့ဘက်က ကားတံခါးကိုအရင်ဆွဲဖွင့်ပေးသည်။
နောက်မှမေမေ့ဘက်ကတံခါးကိုဖွင့်ပေးနေတုန်း တေဇာမင်းနဲ့မမက ဒီဘက်ကတံခါးကိုဖွင့်ပြီးဆင်းလိုက်ကြသည်။
အားလုံးအောက်ကိုရောက်ကြမှ ကားမောင်းသမားက ဦးဆောင်ကာ စားသောက်ဆိုင်ရဲ့အပေါ်ထပ်က သန့်ရှင်းသပ်ရပ်နေတဲ့ အခန်းထဲကိုခေါ်သွားတာမို့ အားလုံးနောက်ကနေလိုက်သွားကြသည်။
YOU ARE READING
💕 မင်း
Romansaအရမ်းချစ်တာ နဲ့ အရမ်းမုန်းတာရဲ့ကြားမှာ....အလွယ်တကူပေါက်ထွက်သွားနိုင်တဲ့ အလွှာပါးပါးလေးတစ်ချပ်ပဲရှိတယ်။ ဒါ့ကြောင့် အရမ်းချစ်နေမိရာက.... အရမ်းမုန်းသွားတတ်ကြသလို.... အရမ်းမုန်းတယ်ဆိုပြီးတော့လည်း.... အရမ်းချစ်သွားတတ်ကြတယ်။ ★★★★★★★★ အရမ္းခ်စ္တာ နဲ႕ အရမ္း...