✍️ Unicode
💕 မင်း
-----------------" ဘာပြောလိုက်တာ သား… "
" ကျွန်တော် ကိုကို့ကိုချစ်တယ်မေမေ… "
" အေးလေ… ချစ်ပေါ့… ညီအစ်ကိုလိုနေကြတာပဲကြာပြီကို… "
" မဟုတ်ဘူးမေမေ… သားကသူ့ကိုလက်ထပ်ချင်တာ… "
" ဘယ်လို… "
ကားပြတင်းကနေအပြင်ကိုငေးရင်းလိုက်လာတဲ့မေမေက ထွဋ်ခေါင်စကားကြောင့်အလန့်တကြားဖြစ်သွားကာ
" သားကကိုကို့ကို သားရဲ့တစ်ဘဝတာလက်တွဲဖို့လက်ထပ်ချင်တာ… "
" သားကသေချာစဉ်းစားပြီးလို့လား… ယောက်ျားတွေချင်းကြိုက်တာအရမ်းမုန်းတယ်လို့ သားပဲပြောခဲ့တာလေ… "
" ဟူတ်တယ်မေမေ… အရမ်းမုန်းတဲ့ကြားကပဲ သားကိုကို့ကိုချစ်မိသွားတာ… "
" မေမေကတော့အပြစ်မပြောလိုပါဘူးသားရယ်… ဒါကသားရဲ့လွတ်လပ်ခွင့် သားရဲ့ကိုယ်ပိုင်ရွေးချယ်ခွင့်ပဲလေ… ဘဝတစ်ခုကိုသားနဲ့အတူတူဖြတ်သန်းမဲ့သူဟာ သားကချစ်ရတဲ့သူပဲဖြစ်ရင်ပိုကောင်းတာပေါ့… ဒါမှသားစိတ်ချမ်းသာရမှာ… ဒါပေမဲ့ အသက်နှစ်ဆယ်အရွယ်လူပျိုဖော်ဝင်လာပြီဆိုရင် လိင်တူစိတ်ဝင်စားတာတွေလဲဖြစ်လာတတ်တယ်တဲ့… ဒီတော့သားက တေဇာ့ကိုခဏစိတ်ဝင်စားတာလား တကယ်ချစ်တာလားဆိုတာကွဲပြားဖို့တော့လိုမယ်… "
" ကိုကိုကလဲသားကိုအဲဒီလိုပဲပြောဖူးပါတယ်မေမေ… "
" နေပါဦး… သားလေးတေဇာကရော သားကိုပြန်ချစ်တယ်တဲ့လား… "
" ချစ်ပါတယ်မေမေ… ဒါပေမဲ့အဖြေတော့မပေးသေးဘူး… "
" အမ်… ဘယ်လိုလဲသားရဲ့…… "
" သားတို့အိမ်တက်တရားနာတဲ့နေ့ကလေ… မေမေမှတ်မိလား… "
" အင်းမှတ်မိတယ်သား… "
" အဲဒီနေ့ညက သားကအရက်တွေတအားမူးပြီး ကိုကို့ကိုစော်ကားမိခဲ့တယ်… "
" အို… ဘယ်လိုတွေဖြစ်ကုန်တာလဲသားရယ်… "
" ဟုတ်တယ်… သားလဲဘာ့ကြောင့်ဒီလိုဖြစ်သွားတယ်ဆိုတာမပြောတတ်ဘူး… ကိုကိုကဒီကိစ္စကိုမသိသလိုဘဲနေတာ… သားပြောတော့လဲမိန်းခလေးမဟုတ်လို့အရေးမကြီးဘူးတဲ့… ပြောမနေနဲ့ထားလိုက်တော့တဲ့… ဒါပေမဲ့ အဲဒီကတည်းကစ ကိုကို့ကိုသနားတာနဲ့ရောပြီး အရမ်းချစ်မိသွားတာပဲထင်တယ်မေမေ…… "
YOU ARE READING
💕 မင်း
Romanceအရမ်းချစ်တာ နဲ့ အရမ်းမုန်းတာရဲ့ကြားမှာ....အလွယ်တကူပေါက်ထွက်သွားနိုင်တဲ့ အလွှာပါးပါးလေးတစ်ချပ်ပဲရှိတယ်။ ဒါ့ကြောင့် အရမ်းချစ်နေမိရာက.... အရမ်းမုန်းသွားတတ်ကြသလို.... အရမ်းမုန်းတယ်ဆိုပြီးတော့လည်း.... အရမ်းချစ်သွားတတ်ကြတယ်။ ★★★★★★★★ အရမ္းခ်စ္တာ နဲ႕ အရမ္း...