_
*البوست دا لـ البنوتات اللي عايزه تلبس الخِمار* 😌
هـ نتكلم عن الخِمار و كل الأسئله اللي بـ تيجي فـ دماغ أى حد لو فكر فيه 🌸
👈البنوتات اللي بتقول إنها لسه صغيره علىٰ لبس الخِمار وأنه هيكبرها .
= صغيره !! يعني أنتِ لو جالك عريس دلوقتي هتقولي صغيره !
=عموما اول ما بلغتي كل شئ تفعليه يُكتب وبتتحاسبي بضبططططط زي البنت ال عندها ٢٠ اوو ٣٠ سنه...
لو ربنا قبض روحك دلوقتي
وسألك ملبستيش الحجاب الشرعي ليه هتقوليله أصل كنت صغيره بالله دي حجه تقدري تقوليها امام الله❗
طب هل الجنه و النار فيها صغير و كبير ‼️
هل القبر مكتوب علىٰ الكِبار فقط ❕
👈مانا بلبس چيب و فساتين
وطرح عادي يعني حجاب شرعي أهو !!...
= الطرح اللي بتلبسيها بـ تبقىٰ لحد فين ! ها ؟
دي لو مغطية رقبتك بـ تبقىٰ كويسه أوي .
ربنا قال { وَلِيَضْرِبنَ بخُمُرِهِنَ عليَ جُيُوبِهِنْ } .
✋يعني الخِمار يغطي منطقه الصدر ، و كمان الخمار جايه من الخمر اللي بتغيب العقول
وتسترها .
👈 طيب مَ في ناس لابسه الخمار و بتبقىٰ أوحش من اللي لابسه طرح و بناطيل ! ، مش بـ اللبس علىٰ فكره .
= هو أنتِ لو شوفتي حد مسلم كان وحش هتقولي كل المسلمين وحشين ! لو شوفتي واحده بـ بنطلون عملت حاجه غلط هتقولي عليهم كلهم وحشين !
مش فاهمه ليه القاعده دي بـ تنطبق علىٰ المختمرات
والمنتقبات ❗
👈ليه هما اللي لو واحده فيهم عملت حاجه وحشه يبقىٰ الفئه كلها وحشه !
ما احنا زيكوا برضه و بنغلط ! " كُلُّ بني آدم خطآء " .
و بعدين أنتِ هـ تتحاسبي لوحدك مش هـ تشيلي ذنب حد فيهم يعني😃
👈 أنتِ شجعتيني بس أنا خايفه .. خايفه شكلي يبقىٰ وحش بيه ، أو حد من قرايبي يقولي مكبرك اقلعيه ، أو حد يزن عليا بـ البنطلون و اقلعه ، أو مكنش قده و استاهله وعايزه التزام شويه قبل ما البسه ..
= طيب أنتِ هتلبسيه عشان حد يقولك شكلك حلو بيه ولا علشان ربنا يرضىٰ عنك ❓
✅ احنا دلوقتي هـ نعمل لآخرتنا وبس ، ملكيش دعوه بـ كلام الناس ، هم مش هيتحاسبو بدالك ، دول هينفروا منك أصلاً يوم القيامه و هيقولولك محدش قالك اسمعي كلامنا ..
{ يَومَ يَفِرُّ المَرءُ مِن أخِيه ، وأُمِّهِ وَأبِيه ، وَصـٰحبتِهِ وبَنيه ، لِكُلِّ امرىءٍ مِنهم يَومئذ شَأن يُغنِيه } .
👈 وكمان أنتِ لو اتمسكتي بيه مهما اتقال مش هيأثر فيكِ .
هم ثابتين ، ماشيين علىٰ الحق
والعقيده والعبادات و الأخلاق .
الناس هتخذلهم ، هتتريق عليهم " دا طبيعي "
فـ القابض✊ علىٰ دينه كـ القابض علىٰ چمره من النار .
✅ بس هي هتثبت علىٰ كلامهم ، مش هيهمها حد ، هى عايزه رضا الله ، الناس بـ النسبه ليها و لا حاجه ..
💎 النبى ﷺ مدح الناس دي ، دي الناس اللي هـ تفضل ثابته حتىٰ الممات ، حتىٰ يأتىَ الموت و هم كذلك💪🏻 .
الناس دي مش بتتريق عليكِ
وبس !
دي كمان بتستهزء بـ أوامر النبى ﷺ ‼️
لما تحسي بـ تريقه اللي حواليكِ
اقرءي آخر سوره المؤمنون ، اقرءي آخر سوره المطففين ..
شوفي ربنا بيقول علىٰ الناس دي إيه !
*طبعاً مفيش سُنه بتقول إنك لما تكوني مخنوقه ارجع لـ الآيات دي ، بس أنا بقولك إلجَئي لـ القرآن* .
اعرفي مصيرهم إيه ، و أنتِ اللي ثابته علىٰ الحق مصيرك إيه ! ♥
الناس مش بـ تسيب حد فـ حاله ، لو لابسه إيه ! هيتكلموا بردو .
فـ احنا نركن الناس علىٰ جنب
ومنفكّرش فيهم لأنهم مش هـ يتاحسبوا مكاننا✋ .
⬅️ وحكاية إنك تلتزمي الأول دي فـ أنا عايزه اقولك إن الخِمار أو النقاب هـ يربيكي و هـ يساعدك علىٰ مُجاهدة نفسك و إنك تبعدي عن حاجات كتير غلط كنتِ بـ تعمليها .
*وهتأخدي للبس الخمار او النقـاب خطوة تقربي بيهاا من ربنا ..*
👈بس الجو حر و هو هـ يكتفني و مش هـ يخليني ابقىٰ براحتي زي البنطلون .
= تعرفي إنك طول ما أنت ِ ماشيه و لبساه *خالص لـ وجه الله* بتاخدي حسنات ؟
💭 تخيلي بقىٰ لما تخرجي مشوار وترجعي بـ تجمعي حسنات قد إيه .
والعكس صحيح لما تخرجي بـ البنطلون كمية الذنوب اللي بتاخديها قد إيه !
وبعدين ربنا قال :
{ قُل نارُ جهنمّ أشدُّ حَرًا لَو كَانُوا يَفقهون }
و بعدين مش هتبقي براحتك إزاى و أنتِ لبسك واسع
ومحتشم ومفيش ذره منك باينه ! دي منتهىٰ الحريه ، اعقدي النيه لله و توكلي عليه والبسيه 🌸
قولي يا رب أنا هسيب كل حاجه عشانك ، يا رب أنا مش عايزه الدنيا نا عايزه الجنه 🌴 ، حطي النيه إنه لله ومتخافيش مهما قالولك عشان محدش بـ يسيب حد فـ حاله .
رزقكم الله تاج العفه..👑
دُمتُم بـ خير يا جميلات ..🌸
*- منقول💜✔️*
