مش عارفه ايه الي حصل وهما بيحضروا الفطار، فقالت لبنتها روحي يا شيخه الله يعكنن عليكي عيشتك.. البنت اصلها بطيئه شوية وهي بتحضر الفطار او بتتدلع.. فـ امها قالتلها كده!!💔
بس الحقيقة هي الام مش قالت، هي الام دعيت، دعيت على بنتها بالعكننه، وسبحان الله الام كأنها تحرت وقت إجابة.. اجابة الدعاء! دعوة الصائم حين يُفطر..
تفتكروا الدعوة دي لو استجابت، الي عملته البنت يستحق الدعوة دي!
معلش دي كلمة مش مقصودة وانا كنت متعصبة!
معلش!! معلش ايه!
النبي صلى الله عليه وسلم نهانا اننا ندعي على ولادنا،
عارفين نهانا ليه؟ تعالوا احكيلكم..
واحده هنا على الفيس بتحكي عن ام كان بتدعي على بنتها ان ربنا يحرق دمها، الدعوة استجابت.. والبنت جالها سرطان في الدم..
الاولاد كانوا فعلا مشاكسين او متعبين، بس هل كانوا يستحقوا الدعوة دي!! قصف عمر ومرض واعتقال!
مش هنسى مره لما واحد قال للمدرب: متحاولش انا مش هبقى صالح، عشان انا امي دعيت عليا وهي كانت بتاعة ربنا فاكيد استجابلها..!!
متخيلين الام دي زرعت في ابنها ايه طول حياته!
انا امي دعيت عليا.. الكلمة دي بقيت تتسمع كتير قوي على فكرة.. وإنا لله وإنا إليه راجعون..
زي الست الي جت المسجد تسأل عن كفارة دعائها، فبيسألوها يعي ايه كفارة دعاء! قالت انها كان بتدعي على بنتها بوقف الحال والبنت فعلا متجوزتش وبتحكي ان بنتها في مره انفجرت فيها قالتلها عملتلك ايه انا عشان تحرميني ابقى عروسة واني ابقى ام، عملت ايه استاهل تدعي عليا كده.. والست عايزه كفارة عن دعائها على بنتها..! والست بتحلف انها متقصدش وانها كانت بتقولها تهريج الهي يتوقف حالك..
تهريج!💔
نيجي نسأل ايه الكلمة العادية دي تلاقي: الله ينغص عليك عيشتك، الهي تنشل، الله ينتقم منك، الله ياخدك، ربنا يفرسك زي ما فارسني، الهي ما تكسب ولا تربح، الهي ما توعى.. اتوكس.. !
ده كلام عادي!! وده كلام للولاد!! امال الاعداء بتقولولهم ايه!
والكلمة الشائعة للاطفال: اتهد ربنا يهدك! ربنا يهده! يهد ابنك!💔
ولسه احنا في غفلة وبندعي على عيالنا واحنا مش واخدين بالنا..
ولسه في غفلة وساكتين على الي بيدعو على عيالهم قدامنا؟
طبعا الولاد بتحس وبتميز، حتى لو أطفال.. ما بالكم لو كبار..
!
فـ الي بتقول لابنها الهي تتشل.. هتفرحي بيه مشلول جنبك!
والي بتقول لبنتها تتوكسي .. هتفرحي بيها موكوسه جنبك؟
الي بيقول لابنه ربنا ياخدك.. هتفرح لما ربنا ياخده؟
هتفرحوا بعيالكم وهما بيقولوا احنا حالنا واقف بسبب دعوة اهالينا!
هتفرحوا بيهم وهما حالهم واقف!!
ما يتحرق الطبق اللي اتكسر ولا البيت الي اتبهدل الي يخلي ام تدعي على ابنها وقت الاذان
ما تتحرق اي حاجه يا جماعة تأذي ولادنا..
لان الدعوة على الابن بتستجاب
في الحديث "ثلاث دعوات مستجابات لا شك فيهن: دعوة المظلوم، ودعوة المسافر، ودعوة الوالد على ولده".. شايف/ه؟ ودعوة الوالد على ولده.. !💔
اتقوا الله في أولادكم
#منقول
