عارفة المفاوضات الـ بتشتغل في دماغك وقت اي طاعة ^^
زي أما بتلاقي نفسك تقولي وقت الآذان
"هخلص الشبتر دا وأقوم أصلي "
أو " معاد الدرس جه ولو صليت الدرس هيفوتني "
أو " هعمل بس الطبخة دي وأغسل المواعين وأصلي براحتي "
أو " مش فاضية أصلي دلوقت هنزل اخلص المشوار ال ورايا الأول وأصلي اما أرجع"
أو " الفيلم ابتدى خلاص بعد م يخلص ابقا أصلي "
أو .......أو ....... أو ......
متفكريش خالص ومتسمعيش للكلام دا نهائي 🙂
هي جملة واحدة تردديها لو جاتلك المفاوضات دي في دماغك
(( لا يباركُ اللهَ عملاً يُلهى عن الصلاة )) 💔
- الشبتر الـ أجلتي صلاتك عشانه مش هيتحفظ
- والدرس الـ سبتي صلاتك وجريتي عشان تلحقيه مش هيتفهم ونجاحك وتوفيقك اصلا في الدنيا والدراسة في الصلاة
- والطبخة الـ أخرتي صلاتك عشانها هتطلع وحشة 🙂
- والمشوار الـ أجلتي صلاتك وطالعة تجري عشان تلحقيه ربنا مش هيبارك فيه 😒
م الآخر ^^
توفيقك في اي حاجة اساسها ان ربنا يكون راضي عنك
وربنا عز وجل قال في الحديث القدسي :
" وما تقرَّبَ إليَّ عبدي بشئ أحبُ إليَّ مما افترضته عليه "
يعني فروضك ثم فروضك ثم فروضك 🌸👍👍
اتفقنا ....؟!!!
