اشتداد الأزمة في سنن ربنا في الكون لازم يكون وراه فرج عظيم 🙂 ❤ !
مش أي فرج .. مش أي فتح .. لا ده فرج عظيم وفتح مبين 🙂 !
مش كلام بنقوله عشان نصبَّر نفسنا وخلاص والله !
ركز انت كده في قصص القرآن هتلاقي ان كل الفتوحات اللي حصلت سواء للأنبياء او لعباد امثالي وامثالك .. جاءت بعد أشد درجات الضيق والحزن 🙂 !
وعلي سبيل المثال .. يعقوب عليه السلام 🙂 !
اول ما أولاده قالوله ان يوسف اكله الذئب فضل يبكي لحد ما ابيضت عيناه !
بعدها ابنه بنيامين كمان اللي هو اخو يوسف الثاني فُقِد !!
وقتها الحزن اتضاعف !! الضيق اتضاعف !! الكرب اشتد !!!
ربنا في الوقت ده ولما بيحطك في موقف صعب ويلاقيك صابر لسه 🙂 !
بيدب في قلبك يقين رهيييييب ❤ 😊 !
وكإنه بيهيأك لاستقبال مكافئتك بقي ^^ !
فتلاقي يعقوب بعدها علطول بيقولهم روحوا ابحثوا عن يوسف واخوه ؛ أنا واثق ان ربنا هيردهم عليا !!
مع ان فقدان يوسف فات عليه أكتر من ٤٠ سنه !!
وقال لأبنائه ..
(( يا بني اذهبوا فتحسسوا من يوسف وأخيه، ولا تيأسوا من روح الله، إنه لا ييأس من روح الله إلا القوم الكافرون )) ❤ 😊 !
(( فصبر جميل عسى الله أن يأتيني بهم جميعاً )) ❤ 😊 !!
دي سنة ربنا في كونه .. ولن تجد لسنة الله تبديلا ❤
وخدها قاعدة في أي أزمة تقابلك ..
لابد بعد الضيق من فرچٍ 🌸💜💜
#اطمئن
