خمس قواعد في منتهي الأهميه ولو حطيتهم قدام عينك وعملت بيهم هتوصل للقمه في الالتزام والراحه والتقرب من الله ❤
١_لن أعود 🌸
لن أعود للذنب مره تانيه ومش هوقع ومهما حصل مش هرجع للذنب
٢_لن أيأس 🌸
مش هيأس من رحمة ربنا ولا من نفسي وهكمل مهما كانت الظروف هكمل وبقوة وبعزيمه💪
٣_لن أقف 🌸
مش هوقف عن طريق المجاهدة للنفس والشياطين من الإنس والجن مش هخلي الصعوبات والفتن تأثر عليا وهكمل
٤_لن أندم 🌸
مش هندم أني سبت طريق المعاصي وأني رجعت لربنا وتبت وتغيرت وأني بحاول أصلح من حالي ومن قلبي
٥_لن أرجع 🌸
مش هوقف في نص الطريق إلي الله لا هكمل ومش هرجع بسبب فتنه ولا معصيه قابلتني في الطريق لا أنا هستعين بالله وأتوب من الذنب وأكمل المشي عشان اوصل ومش هرجع للطريق ال كنت فيه مهما كانت الصعوبات ال هتقابلني 💪
مقوله كلنا عارفينها وهي "من طلب العُلا سهر الليالي " أغلبنا بيقولها للداخل علي امتحان او تحضير مجاستير أو حاجه صعبه بس هي المفروض تتقال في كل الاوقات وفي كل الاماكن
اسهر واتعب وجاهد نفسك عشان توصل للعُلا ولرضا ربنا والسعادة والجنة في الدنيا قبل الآخره صلي القيام وادعي ربنا كتير واقرأ ورد القرءان بتاعك واستغل الثلث الأخير في الطاعات والعبادات وخليك قريب من ربنا ومتيأسش من نفسك لا كمل وخلي قدامك جملة "مش مهم نوصل للقمه لا المهم نموت ونقابل ربنا واحنا ماشيين في طريق الجهاد "
اللهم اعف عنا واغفر لنا وارحمنا وتب علينا واهدنا واهدِ بنا واحعلنا سببا لمن اهتدي اللهم استعملنا ولا تستبدل بنا وأعز بنا الإسلام والمسلمين يارب العالمين 🤲سدّد الله خُطاكم ووفقكم لكل ما يحب ويرضي ❤
