ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP3(U+Z)

...EP3 မင်းဘယ်မှာလဲငါ့နှလုံးသား

..ဟယ်ကျစ်ရှုသည် သူ၏ တိုက်ခန်း သို့ရောက်ဖို့လှေကားကို တက်နေစဉ်မှာပင်
သူ့ခန္ဓာကိုယ်တစ်ခုလုံးသည်ပြင်းထန်စွာ
နာကျင်နေခဲ့သည်မှာ အရိုးတွင်းရှိ အပေါက်ငယ်များမှ ဆူးများစွာတိုးထွက်
နေသကဲ့သိူ့ ဖြစ်နေလေသည်။

သူသည် ယခင်က လွန်စွာမှပင်
သည်းခံနိုင်မှုရှိခဲ့သော်လည်း
ယခုတွင်မူ ထိုနာကျင်မှုသည်
သူ့ကိုယ်သူသတ်သေချင်လောက်
အောင်ပင်လွန်စွာဆိုးဝါးလွန်းလျက်ရှိနေသည်။

ဟယ်ကျစ်ရှုသည် သစ်ခွပန်းအိုးလေးအား
လက်ဖြင့်သေချာကိုင်လျက် ဝေဒနာကြားမှရုန်းကန်ကာအခန်းထိရောက်အောင်တက်လာရင်း အခန်းတံခါးဝသို့ ရောက်ပြီးနောက် မူးဝေနေသောကြောင့်ခတ္တမျှနံရံကိုမှီနေလိုက်သည်။ပြီးနောက်သော့ဖွင့်လျက် အခန်းတွင်းသို့ ဝင်လာခဲ့လေသည်။အခန်းတွင်းသို့ ရောက်ချိန်တွင်သစ်ခွပန်းအိုးလေးအား
စားပွဲတစ်ခုပေါ်တွင် နေရာချပေးပြီး
သူ၏ ခန္ဒာကိုယ်မှာ ချွေးစေးများဖြင့်
ရွဲနစ်နေသောကြောင့် ပြတင်းတံခါးဖွင့်ကာ
ပြင်ပမှဝင်လာသော လေအား အားရအောင်
ရှုရှိုက်လိုက်လေသည်။

သူသည်ကျောင်းသားဘဝထဲကပင်
ဖန်ပုလင်းလှလှလေးများကို စုဆောင်းရတာကိုကြိုက်နှစ်သက်ခဲ့သည်။သို့သော် ယခုတွင်မူ ထိုဖန်ပုလင်းလှလှလေးများသည်သူ၏ ဆေးများထည့်ရန် ပုလင်းလေးများအဖြစ်ရှိနေကြသည်။ ပုလင်းလေးများမှာတစ်ခုနှင့်တစ်ခုမတူညီသလိုထည့်ထားသောဆေးများမှာလဲ မတူညီဘဲရှိနေကြသည်။ထိုပုလင်းလှလှလေးများကြားတွင်ဖုံးကွယ်နေသော ကံဆိုးမှုများကို သူမှလွဲ၍ မည်သူမှမမြင်နိုင်သည်မှာအသေအချာပင်ဖြစ်လေသည်။

ဟယ်ကျစ်ရှုသည် ရေနွေးကျိုဖို့ကိုပင်
အလွန်ပင်ပန်းနေပြီဖြစ်သည်။
ထို့ကြောင့်ပင် ရေအေးတစ်ခွက်ဖြင့်သာ
ဆေးများကိုအလျင်အမြန်
မျိုချလိုက်လေသည်။
သူသည် နာကျင်နေမှုကြောင့်
အနည်းငယ်သက်သာစေရန်
အလို့ငှါ ဒူးပေါ်တွင် မေးစေ့ကိုတင်လျက်
အိပ်ရာပေါ်တွင်ထိုင်နေခဲ့သည်။