ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP57(U+Z)

EP57 ကျန်းရောက်ပြီ

ကျစ်ရှုသည် အိပ်မက်များကို မကြာခဏ
မြင်မက်နေခဲ့သည်။တခါတရံ ခန္ဓာကိုယ်ကပါ ရှုပ်ထွေးနေသော အိပ်မက်များထဲသို့
နှစ်မြုပ်သွားခဲ့သည်။ထို အိပ်မက်များသည်
ဝေဝါးခြင်းမရှိဘဲရှင်းလင်းပြတ်သားသည်။
သူကကျောင်းဝတ်စုံကို ဘယ်သောအခါမှ
အသေအချာမဝတ်ဆင်ခဲ့သော လူရမ်းကားလေးတစ်ယောက်အားပြုံးပြရင်းပြောနေသည်။

"ကျောင်းဆင်းပြီ ....အတူတူ အိမ်ပြန်ကျစို့ "

ကျစ်ရှုသည် အိပ်မက်များဆီမှ နိုးထလာတိုင်းအမြဲတမ်းပင်သူ့မျက်နှာ၌မျက်ရည်များ ကသွေ့ခြောက်နေဟန်ရှိနေခဲ့သည်။သူ့ကို
တချိန်တည်းမှာပင်ပျောက်ဆုံးနေခဲ့သော သူငယ်ချင်းများ၊ ချစ်ခြင်းမေတ္တာယိုယွင်းခြင်းနှင့်အတူ မကြာမီအရာအားလုံးပြီးဆုံး သကဲ့သို့သူ့ထံသို့ထူးဆန်းသည့်ဆင့်ခေါ်မှုတစ်ခုကလှုတ်ခတ်နေသည်ဟုသူခံစား
နေရသည်။

ကျစ်ရှုကသူ့ရဲ့ 31နှစ်မြောက်မွေးနေ့အတွက် သူ့ကိုယ်သူ အား သတ္တိ ဟူသောကိုယ်ပိုင်လက်ဆောင်တစ်ခုပေးခဲ့သည်။

အိုက်ကျိယွီမသိခင်ပင် ထိုအရာကိုကျစ်ရှုက စတင်စီစဥ်ဖို့ကြံရွယ်နေခဲ့သည်။ကျစ်ရှုသည် တချို့အရာများအားသေချာပင်မကြားရသည်မို့ သူစုံစမ်းလိုသည့်အရာအားလက်ကမ်းစာစောင် ယူလာကာလေ့လာနေခဲ့သည်။

ထိုအချိန်ကျိယွီကကျစ်ရှုအား နောက်မှ ပွေ့ဖက်ရင်း ကျစ်ရှုပခုံးပေါ်တွင်မေးတင်လျက်မေးလာသည်။

"ဘာတွေကြည့်နေတာလဲ?"

ကျိယွီသည် ကျစ်ရှုခုတလော သူ့ကို  တစ်ခုခုကို လျို့ဝှက်နေသည်ဟုခံစားနေရသော်လည်းယခု သူမေးလိုက်ချိန်၌အမှန်တကယ်ပင်ကျစ်ရှုကသူ့လက်ထဲမှအရာတစ်ခု အား နောက်သို့ ဖွက်လိုက်ဟန် တွေ့သည်မို့ သူ့မသိစိတ်၌ ထင်မြင်သည့်အရာကမှန်နေသည်ကို သိလိုက်ရသည်။ထို့ကြောင့်
သူကကျစ်ရှုလက်ထဲမှ ချေမွလိုက်ဟန်ရှိသော စာရွက်လေးအားဆတ်ကနဲပင်ဆွဲယူလိုက်သည်။

အိုက်ကျိယွီထိုစာရွက်အား မြင်လိုက်ရချိန်တွင် အလွန်အမင်းဒေါသထွက်သွားပြီး မျက်နှာကမူမှိုင်းညို့သွားသော်လည်း
ကျစ်ရှုရဲ့မျက်နှာငယ်လေးဖြင့်သူ့အားကြည့်လာပုံကြောင့် ဒေါသများကို 180ဒီဂရီထိ ချက်ခြင်းပင်လျော့ချပစ်လိုက်သည်။
ထို့နောက် ကျစ်ရှုရဲ့ မေးဖျားအား လက်ဖြင့်ဆွဲယူရင်းမျက်လုံးများကိုစေ့စေ့ကြည့်ကာမေးလိုက်သည်။