ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP11(U+Z)

EP11 ကျန်းရဲ့မနက်စာ

..ကံအားလျော်စွာဖြင့်ကျဆင်းလာသော
နှာခါင်းမှသွေးများသည် အချိန်ခဏအကြာ၌
အေးခဲသွားလျက် တိတ်သွားခဲ့လေသည်။

ဟယ်ကျစ်ရှု၏ သူ၏ ခန္ဒာကိုယ်၌
ပေပွနေသောသွေးနှင့်အညစ်အကြေးများအားဆေးကြောရန် ချက်ခြင်းပင်မထနိုင်သေးသောကြောင့်ကျန်းဝမ်ရွှီအိပ်ပျော်သွားချိန်ထိ ခတ္တစောင့်လျက်လဲလျောင်းနေခဲ့သည်။ကျန်းဝမ်ရွှီအိပ်ပျော်သွားချိန်မှ
ခုတင်ပေါ်မှ ထကာ လက်များဖြင့် ကြမ်းပြင်အားအားပြုလျက် ဖြေးဖြေးချင်း ရေချိုးခန်းဆီသို့လှမ်းလာခဲ့လေသည်။ရေပန်းအားဖွင့်လျက်သန့်စင်လိုက်ပြီး သူထွက်လာချိန်တွင်
ကျန်းဝမ်ရွှီသည် နှစ်ခြိုက်စွာအိပ်မောကျနေလေပြီဖြစ်သည်။

အိပ်ရာဘေးရှိညအိပ်မီးအိမ်လေး၏
အဝါရောင်မှိန်ပျပျအလင်းအောက်တွင်
ဟယ်ကျစ်ရှုသည်နှစ်ပေါင်းများစွာအလွန်ပင်ချစ်မြတ်နိုးရသူကိုအနီးကပ်ကြည့်နေမိခဲ့သည်။ထိုသူသည် အိပ်နေစဉ်မှာပင်လွန်စွာရိုးသားတည်ငြိမ်သောအသွင်အပြင်က ရှိနေခဲ့သည်။ကျန်းတွင် တိကျပြတ်သားသောမေးရိုးများ ဖြောင့်စင်းသောနှာတံချွန်ခွန်မြင့်မြင့်လေးနှင့်တကျဖြောင့်တန်းနေသောမျက်ခုံးထင်းထင်းများရှိပြီးထိုအရာများကပင် သူ၏ ဆွဲဆောင်မှုတစ်ခုဖြစ်နေခဲ့သည်။
ကျန်းဝမ်ရွှီသည် အသက်ကြီးလာသည်နှင့်အမျှပိုမိုပြီး ဆွဲဆောင်မှုရှိလာမည့်
သူတစ်ယောက်ဆိုတာ တကယ်ကိုပင်သေချာနေပေသည်။သို့သော် ဟယ်ကျစ်ရှုသည်
ကျန်းဝမ်ရွှီ၏ အသက်ကြီးလာမည့်
ချောမောမှုများကို မတွေ့ရနိုင်တော့မည်
ကို ကောင်းစွာသိနေခဲ့ပါသည်။

"ငါမကြာခင်ထွက်သွားရတော့မှာ
မင်းငါ့ကို ကောင်းကောင်းမွန်မွန်လေး ဆက်ဆံပေးလို့မရဘူးလား "

ကျန်းဝမ်ရွှီ၏ အနားတွင်လဲလျောင်းနေရင်း
ကျန်း၏ ခါးအား ဖက်ကာ ရင်ဘတ်နားတွင်
မျက်နှာအပ်ရင်းသူတိုးညှင်းစွာပြောနေမိသည်။

!ငါထွက်သွားပြီဆိူ မင်းအတွက်
အဆင်ပြေမယ့်ချစ်သူအသစ်ကိုရှာပါ
ငါ့လိုမျိုးသည်းခံပြီး
မင်းအပေါ်ကောင်းတဲ့သူမျိုးကို.
ထပ်တွေ့ပါစေလို့ငါဆုတောင်းပေးပါတယ်
မင်းအတွက် ကံကောင်းခြင်းတွေ
ယူလာမယ့်သူဆိုတာ
အချိန်အကြာကြီးမှာ တစ်ယောက်တွေ့ဖို့ဆိုတာ မလွယ်ကူနိုင်ဘူးမဟုတ်လား!