توليب

part 6

ذلك السكون الذي يحيطني لا يتناسب مع تلك الضجة بداخلي..لا يتناسب مع نبضات قلبي التي تنبض باسمك وأصبحت اسيرة لعشقك..

كان أسر يقف بشرفته  بهيبة واضعا يديه بجيب بنطاله ،ويفكر بحديثة مع والده..

فــــلاش بــاك

يجلس ماهر خلف مكتبه وأسر يجلس أمامه ، كان أسر صامتا ينتظر حديث والده..

تحدث ماهر بصوت يملؤه الأسى والحزن :

_ بعد موت فريد الله يرحمة توليب دخلت في حالة اكتئاب شديدة جدا خصوصا انها كانت قريبة من ابوها اكثر من امها بكتير..انا كنت علطول بزورها واطمن عليها..كان عندها ساعتها ١٢سنة..فجأة بعد كام شهر من موت فريد اتفاجأت ب جيلان مامت توليب بتتجوز من رجل أعمال كان بيشتغل مع فريد اسمه عادل..مكدبش عليك انا خفت علي توليب جدا خصوصا انِ انا عارف الراجل دا طماع اد ايه.. المهم بعد ما جيلان اتجوزت لقيت محامي فريد جايلي بعدها بيوم بالظبط وسلمني وصية فريد اللي كان كاتب فيها كل حاجة باسم توليب بس.. وانا الوصي الوحيد عليها ، جيلان اول لما عرفت بالكلام دا جتلي واتهمتني بالتزوير ، بس لما اخدت الوصية تأكدت أن كل حاجة مظبوطة وانها مش هتورث اي حاجة من فريد ..ساعتها عادل شغل دماغه..كان عارف انا بحب توليب اد ايه ، وجه وعمل معايا صفقة.

قطب أسر حاجبه بتربص من باقي حديث والده:

_ صفقة ايه دي يا بابا.؟!!!

تنهد ماهر بتعب ثم اكمل حديثة بحزن اكبر:

_ إن انا اخد توليب تعيش معايا مقابل مبلغ مادي بيخدوه كل سنة..

نظر له أسر بذهول ولا يستطيع استيعاب تلك الكلمات..تحدث يسأل بذهول شديد:

_ ومامتها وافقت علي ده..وحضرتك اذاي تعمل كدا

_ جيلان عادل كان واكل دماغها وعايش عليها جو الحب..وانا عملت كدا علشان احمي توليب انا مش قريب درجة أولى علشان اخدها تعيش معايا..كان لازم امها توافق وفعلا جيلان وفقت ان توليب تعيش معايا.. انا اديتهم الفلوس اللي هما عايزنها كان كل همي توليب وبس..ادتهم الفلوس وكل الفترة دي انا مكنتش شوفت توليب خالص...اتصدمت يوم ما روحت اخدها..كانت مرعوبه ومكنتش بتعرف تقول كلمتين علي بعض..كانت علطول تصرخ وتعيط..حاولت كذا مرة اعرف ايه اللي حصل معاها بس هي مكنتش بتتكلم...بص يا اسر انا بحكيلك علشان محتاج مساعدتك..انا عايزك تشغل توليب معاك في المشروع الجديد حتي لو هتنزل تدريب بس انا حاولت معاها بس معرفتش ..انا عايزها تبقي قويه وتقتل الجُبن اللي جواها ده عايزها تعيش حياتها متفضلش دفنَا نفسها في البيت بالشكل ده ، أسر توليب اخر مر خرجت فيها كانت من ست شهور وكانت معايا كمان مش لوحدها..فعشان كدا الشخص الوحيد اللي هيقدر يخرجها من اللي هي فيه دا هو انت..هاا هتسعدني يا ابني ولا لا