توليب

part 21

يقف ماهر وباسم خارج جناح أسر بالمشفي 

جلس ماهر واضعا يديه فوق رأسه بتعب ، كاد يفقد ابنه وتوليب ابنته الجميله

جلس باسم جواره وهو يشعر بالحزن الشديد علي رفيق دربه ،  وربت علي ظهره يخفف عنه : الحمد الله ربنا عداها على خير يا باشا

نظر له ماهر اوماء وهو يتنهد بتعب ، تحدث باسم بمرح كي يخفف عنه قليلا 

باسم بمرح : بس ايه ، شوفت ابنك اللي عملنا فيها شاروخان ده ، لا جامد جامد مفيش كلام 

ابتسم ماهر بخفوت ثم تنهد بقوة ، نظر لباسم وبجديه تحدث : عرفتو عنه حاجة 

باسم : لا ، محدش لقيلو أثر خالص ، بس متقلقش انا كلمت اكبررشركت حرس في مصر ، وهيقمنو أسر وتوليب

ربت ماهر علي قدم باسم وبود صادق تحدث : بجد مش عارف اقلك ايه يا باسم ، تعبناك معانا اوي يا ابني

ابتسم باسم وبمرح تحدث : تعب ايه يا راجل متقولش كده ، ده انت وابنك شحطتوني مسافر من بلد لبلد زي الرحاله، بقالي ١٠ ايام بعيد عن اهلي ومراتي الله يسامحكم 

رفع ماهر حاجبه باستنكار: احنا مالنا يا اخويا ، مش انت اللي سبت مراتك وجيت لوحدك ، اشرب بقي

تنهد باسم بقوة وبشرود تحدث : مكنتش فاكر ان البعد هيتعبني كده يا باشا ، انا باخد نفسي بالعافيه اقسم بالله ، معرفش هي بتعمل ايه دلوقتي وبتروح المدرسه ولا لا ، قلقان عليها اوي ، و وحشاني اوي اوي 

ربت ماهر علي ظهرها بحنان ابوي ، ليقول بتعقل : كفايه كده يا باسم ، قوم يلا روح لمراتك وصالحها 

باسم بجدية : اروح فين، انا هفضل هنا مع أسر 

هز ماهر رأسه برفض وبجديه وأمر تحدث : لا انت هتقولي تروح ، ولما أسر وتوليب يبقوا كويسين انا هكلمك تيجي 

كاد باسم يعترض  لكن وقطعه ماهر وهو ينهض : باسم ، أسر وتوليب تعبانين والدكتور قال اقل حاجة عشان أسر يفوق ٤٨ ساعة ، وتوليب واخده مهدئ قوي يعني مفيش لزوم لوجودك دلوقتي ، روح اطمن علي اهلك ومراتك وبعدين ارجع  

_______________________________

بداخل الجناح بالمشفى..

علي الفراش الوثير وكأنك بأحد الفنادق الخمس نجوم

ينام أسر عاري الصدر، والكثير من الاجهزة موصله به ، يعلم الله فقط كيف استطاع الاحتمال والبقاء على قيد الحياة بذلك الشكل ، لأن إصابته ليست بهينه ابدا 

ساقط بالنوم بعد أن أعطاه الأطباء جرعة كبيرة من المسكنات واهتموا جيدا بالجرح و أوصلوه بدماء ومحاليل والكثير من أجهزة المؤشرات الحيوية