بارت 2
&
•
•
•
تعال اسحك بروحي يابعد ڪلي
عوفك من مقامي وهيبتي تولي
امس من درت وچهك
وجه ڪلبي اندار
اليمر يقره انڪساري وخوفتي بظلي
•
•
•
...........
(نور)
حسيتها تباوعلي بشك وعدم اطمئنان ..
براء :- ماچنتي تدرين بنفسچ حامل ؟!
هزيت راسي برفض ..
براء :- راح اگول لعمتي انچ صحيتي .
مسحت دموعي وهي طلعت تصيح المره دخلت عليه هي ونفس البنيه اللي انطتني تلفونها ووياهم ولد ..
عدلت حجابي وهي دخلت باستني وگعدت گبالي ..
المره :- شلونچ حبيبتي خوما يوجعچ شي .
نور :- لا خاله الحمد لله .
المره :- اني ام احمد وهذي بنتي نهى وهذا ابني وسام وهاي براء مرت احمد .
نور :- اتشرفت بمعرفتكم .
ام احمد :- خاله انتي عندچ احد هنا نخابره عليچ .
دمعت عيوني :- خاله اني من اخذت التلفون من بنتچ بوكتها عرفت اهلي ماتو .
ضربت على صدرها :- يايمه سوده عليه غير تحچين حبيبتي امداني صارلج يومين واگعه واني افكر شبيها المسكينه فجأه فقدت وهسه ماعندچ احد ؟!
نور :- لا بعد ماعندي احد .
وسام :- خويه لعد زوجچ وين ؟
باوعتله بصدمه :- زوجي ؟!
وسام :- اي لعد غير انتي حامل قابل بدون زواج الا اذا ....
ام احمد :- وسااااام .
وسام :- يمه بنيه مانعرفها وجايبتها لبيتنه فوگ كل هذا تنصدم من تعرف نفسها حامل .
ام احمد :- احترم نفسك ابن القندره هواي انطيتك مجال .
نور :- لا خاله من حقه يحچي هو مايعرفني ولا يعرف ظروفي .
وسام :- اي بلا گوليلنه شنو ظروفچ بعدين احنه حتى اسمچ مانعرفه .
براء :- صدگ حبيبتي شنو اسمچ .
سكتت وصفنت عليهم شگول الهم بأسمي اللي اهلي دفنو لو اسمي اللي اطلقه عليه علاء واثنينهم اندفنن سوه .
ام احمد :- ملازم تگولين اسمچ حبيبتي اني اصيحلچ قمر لأن وجهچ احلى من القمر .
ابتسمت الها من بين عيوني المدمعه :- فدوه لگلبچ خاله بس اني عندي گرايب هنا اروح الهم .
