بارت 15
&
•
•
•
هَلي والشَيّب لآحِگني عَلى عِشريني
هَلي والمآحِجيتة اِلگم يأذِينيّ ..
•
•
•
&
...........
( منى )
اتصلت بينه ايناس گالت امي تريدنه ضروري للحظه تملكني الخوف ..
گاعدين بصالة بيتنه واحنه ننتظر امي ايدي على گلبي بقلق واني فكر بسبب جمعتنه وتأخر امي ..
گعدتنه ماتخلو من تحشيشات هيثم وهو يحاول يسحب الكلام من ايناس اللي حالها حالنه جاهله سبب جمعتنه ..
هيثم :- الله عليچ ايناس هاي الفتره هم لاحظتي عمتي تصفن لو تكتب .
ايناس :- لا ابد يعني شتكتب .
هيثم :- ممكن وصيتها يعني .
شهگت بخوف :- لا عزه اسم الله شبيك هيثم .
هيثم :- شكو حبيبتي يعني جمعتنه لسواد عيونچ يجوز تريد توزع الورث .
منى :- مااريد ورث وانت شدعوه هالگد تحب الفلوس .
هيثم :- طبعاً احب الفلوس لعد احبچ عبوستي .
ايناس :- شنو عبوستي .
منى :- عوفي عوفي يقصد عبسي .
طلعت امي من غرفتها وهي تمسح دموعها بالي راح يم علاء معقوله بي شي بس لا لو بي شي امي ماتكون بهالهدوء ..
گعدت مقابيلنه على القنفه واتقرب هيثم يهمس بأذني ..
هيثم :- اگلچ شو مابيدها ورقه ؟!
منى :- ورقتيش ؟!
هيثم :- ورقة الوصيه .
ضحكت على تفكيره والتفتت لأمي الي تحمحمت دليل على بداية كلامها ..
خلت عينها بعيني وهي توجهلي كلامها شخصياً ..
ام علاء :- مناوي شنو اكثر شي تتمنين يرجع الوكت وتصلحيه ؟!
رديت برهبه من الكلام اللي ممكن امي تگوله :- يمه انتي اكثر وحده تعرفين شنو امنيتي فدوه اروحلچ لتجرحيني .
ام علاء ببرود :- تتمنين ترجع نور وتعتذرين منها ؟!
هزيت راسي بحسره واني امسح دمعتي اللي كلما ينذكر اسم نور تنزل :- فدوه اروحلج يمه لا تقهريني اذا مو علمودي علمود ابني اللي طلعت روحي يلا حملت بي .
ام علاء :- نور عدله .
فتحت عيوني بصدمه وخوف على امي :- يمه فدوه اروحلچ شهالكلام .
هيثم :- عمه صلي عالنبي واقري ايات مو زين هيچ كلام .
ام علاء وعي مبتسمه بفرح :- مناوي نور رجعت مو ميته واذا تردين خابري علاء وسمعي منه وتره هسه هي بين اهلها .
