آسميتها جارية فأصبحت سيدة قلبي

البارت 1

البارت 1 ( الجزء الثاني )

&

•

•

•

عش بأوهامك ايها الجاني
فأن قضية موتي حررتني منك
حررتني من قيودي والامي
ومن سوطك المطبوع على جسدي
عش بعذاب تأنيب ضميرك
ودموعك الحارقه على جثماني

#بقلمي

•

•

•

&
..........
(عصام)

بقه منظرهم من اخذها من المستشفى طابع ببالي وهي تمشي ويا لا حول الها ولا قوه ..

هي اكيد خايفه منه او مهددها ولهذا السبب رضخت اله وقبلت تبقه ويا ..

قررت اخلصها من سجنه وشنو يصير خلي يصير المهم هذي المسكينه تخلص ..

طلعت تلفوني واتصلت ..

_الو السلام عليكم .

_وعليكم السلام

_ابو رائد اني عصام .

_اهلاً استاذ عصام شخبارك

_اني مامتصل حتى تعرف اخباري بس عدكم امانه بعتوها بلا تفكير ولا ضمير .

_وينها ؟ شاهد الله مابعناها هي براضتها اجتي .

_شنو برضاتها طفله جبتوها مراهقه ماتعرف مصيرها اتهورت وضحت لأخوها تعالو لليونان انت وابوها الظالم وشوفو شصار بيها .

_بس شلون شيجيبنه لليونان ؟!

_اني عليه احجز الكم وكلشي بس المهم تعالو بأسرع وقت .

سديته منه واني محترگ من برودهم معقوله اكو ناس هيچ تضحي ببناتهم والله لو اعرف يذبحون ابني وهو مذنب ولا انطي بنتي لواحد ظالم ..

اتصلت بمعارفي احاول الگالهم حجز ع اليونان بس طلعت النه سالفه عوجه ..

اول شي انشغلت عنهم بالزيارة ورجعتنه للعراق وشغل وثاني شي تجديد جوازاتهم اتأخرت عنهم ..

اتصلو عليه بعد اكتمال التجديد وحجزت على يوم محدد للسفر ..

بيوم السفر التقينه بالمطار كان لقائي بيهم بارد يعبر عن كره بين الطرفين ..

السفر اجباري بيناتنه واثنينه على نفس السبب ..

وصلنه لليونان لمطار اثينا ..

اتصلت على شخص مكلفه ي اقب علاء عرفت هو جايبها لفندق لأثينا .

اخذنه تكسي من المطار واتوجهنه للفندق ..

ابو علي :- شوكت يخلص هالطريق صار شطوله شوكت اشوف بنيتي .

عصام :- ماضل شي وصلنه قريب بس ازدحام .