بارت 18
&
•
•
•
صرت
مثل الگمر من تخلص ايامه
يوميه انثلم
وثلمه جن جامه
ياعذر اليوالم يرهم الفرگاك
وجه اسود الفرگه
وانتم الشامه
انه الواصل سهمكم حتى لعظامه
ل فاطمة الجياشي
•
•
•
&
........
( نور )
الصدمه شلتني احاول استوعب اني وين خليتها اخر مره سحبتها من ايده واني احاول اسيطر على ارتباكي ..
نور :- هاي وين لگيتها ؟!
ميل راسه وهو مبتسم :- بنص غراضچ .
نور :- وانت شلون تدور بغراضي شتسوي بيهن !!
ضحك بهدوء :- مو هذا موضوعنه المهم طلعتي تحبيني .
رديت عليه بغضب :- لتحلم هاي احلامك الورديه الصوره جبتها لخاطر اطفالي وبس .
كتف ايده وهو مبتسم ويهز راسه :- شلون يعني لخاطر اطفالي !!
نور :- ردتهم يعرفون انت ابوهم وعلمتهم من يشوفون الصوره يگولون بابا .
ابتسم :- جاي تصدميني بـ اصالتچ .
نور :- مو لخاطرك بس لخاطر اطفالي وبس .
علاء :- مااخفي عليچ انصدمت من صاحتلي سيلا بابا ومااستغربو مني بس معقوله بس من صوره ؟
نور :- شوف علاء اكو اشياء خاصه بيني وبين اطفالي ومااسمحلك تدخل نفسك بيهم ولا تسألني عنهم .
عقد حاجبه :- بس هذا شي يخصني اريد اعرف الصوره شلون وصلتلچ وهي مبينه مو قديمه وهم اني اگول مستحيل بس من الصوره يعرفوني وهم اطفال .
نور :- زين راح اجاوبك على هذا سؤالك وتطلع منا وبعد نهائياً مااريد اشوف وجهك وتطلگني .
علاء :- احچي .
ابتعدت عنه ورحت گعدت على القنفه وهو اجه گعد مقابيلي ونظرات عينه مليانه تساؤل ..
اتحمحمت وبديت احچي بهدوء احاول اسيطر بي على ارتباكي :- منين تريد ابدي ؟!
علاء :- من البداية طبعاً .
هزيت راسي وبديت احچي واني اتذكر هذاك اليوم ..
(( من لاحظت على سيلا بدت تستوعب وتفهم وتصيح لخاله ام احمد واليه ماما ولـ وسام بابا خفت تبقه ابالها هاي الفكره حاولت اعلمها تصيحله عمو بس بعد مافاد مدري منين سامعه كلمة بابا ولزگتها بي ..
