آسميتها جارية فأصبحت سيدة قلبي

بارت 16

بارت 16

&

•

•

•

لقد عدت ياابي
ابنتك كسيرة القلب عادت الى احضانك ..
لقد عشت بداخلي طوال غربتي ولم انسى قلبك الحاني ..
مدللتك عادت اليك لتدفن نفسها في امانك ❤️

#بقلمي

•

•

•

&

..........
( نور )

فتحت عيوني ببطئ واني احس بوخز بيها للحظه فقدت ذاكرتي حاولت استوعب اني وين ..

صارت عيني بعين امي شهگت بفرح واني اتذكر رجوعي الهم ..

كلهم ملتمين على راسي وخايفين عليه حتى اطفالي بحضني ..

حچيت وياهم بصوت ضعيف :- اني يمكم مو حلم .

ايد امي تمسح على شعري وهي مدنگه عليه ولازمه ايدي ..

ام علي :- اي انتي يمنه ياروح امچ وگلبها رجعتي لحضني مو حلم والله مو حلم .

صح اني يم اهلي وبحضن امي بس ليش مخنوگه ليش گلبي يوجعني ومامرتاحه ياربي دخيلك .

سمعت صوت واحد يصيح بصوت ضعيف وينكم ليش ماكو احد ..

رفعت عيني بحنين واني ايدي على گلبي اباوعلهم يخططون يأجلون لقائي بي لأن تعبت من البچي ويه كل لقاء ..

هزيت راسي برفض واني انزل من السرير دفعت ايدهم عني وگمت بسرعه طالعه من الغرفه ..

وگفت بنهاية الدرج ملهوفة لشوفة ابويه صارت عيني على انسان كسير القهر حاني ظهره وساند نفسه على عكاز ..

نزلت الدرج واني اصرخ بشوق ..

نور :- بابا اني رجعت وفيت بوعدي ورجعتلك .

رفع راسه وفتح عينه بصدمه وهو يشوفني نازلتله من فوگ اركض لأحضانه ..

وگعت العكازه من ايده ماانطيته مجال يتعمق بصدمته اكثر دفعت نفسي لحضنه واني اشهگ من البچي ..

دقايق يلا استوعب الصدمه وطوقني بـ ايده وهو ينحب ..

صوته بكائه اذاني اول مره اسمع صوت ابوية وهو يبچي هيچ واللي اذاني اكثر يبچي عليه اني ..

ابو علي :- ياروح ابوچ وسلوته صدگ رجعتي وفيتي بوعدچ وابوچ ما وفه بوعده اي والله انتي احسن من ابوچ .

نور :- بابا والله اشتاقيتلك متت عليك اسمك ماوگع من لساني دومي انخاك وادعيلك حتى تجي وتلگاني .

ابو علي :- ظلمتچ يابنيتي والله عاقبني كل الم احس بي اتمنى اضعافه حتى رب العالمين يغفرلي ولو شويه من ذنبچ .