بارت 13
&
•
•
•
لا گُمر يشبه ضحكتَك حتى أغني
ولا ضَوة الوادم يبَعد الوادِم الحِلوُة شَربنيّ
ردت أگلك
لا شِعرهُم جاس گلبي
ولا أغانيهُم خَذتني
أنتَ
بَس أنتَ الخَذتني .
•
•
•
&
..........
( عصام )
ماخليت احد ماسألته على مكان علاء فص ملح وذاب هو وياها طلعت روحي من علاء ومن هذا اللي يشمر مدري منين طلعلي ..
هو هم حقه يعصب لأن حچالي حچي عن وضع نور واللي صار الها صدمني كرهني بعلاء اكثر ..
متأكد علاء محد يعرف مكانه غير مارك لأن هو صديقة المقرب ويعرف عنه كلشي ..
اتصلت تقريباً 32 اتصال بمارك ومارد ابد وهذا ثبتلي يعرف مكانه ومايريد يرد ..
چنه گاعدين بمطعم هندي بـ اثينا اسمه ناماستي اني وكايا و وسام ..
التفتت على كايا ..
عصام :- هل تعرفين كيف يمكننا ان نصل الى مارك ؟!
كايا :- لا اعلم ولكن يمكنني ان اسأل ايميليا فهي بعد الذي فعلته مع نور تتمنى ان تفعل اليها شيء لتسامحها .
عصام :- أذن اتصلي بها .
اتصلت بيها وعرفنه هو بالمزرعه بس اتفقنه وياها ماتگوله احنه سألنه على مكانه ..
حاسبنه وطلعنه من المطعم چنه طالبين بس مي صعدنه بسيارة كايا لأن سيارتي مبنچره ووسام مايندل المزرعه ..
كايا تسوق واني بالصدر و وسام وره ..
وسام :- تقنعني ماتعرف ابن اخوك وين ممكن يروح ؟!
عصام :- مو گدامك دورنه كل الفنادق ومالگينا .
وسام :- روحتنه ماالها داعي مستحيل باقي باليونان صار اسبوع ندور ومالگينا اكيد سافر .
عصام :- لا لو مسافر چان عرفت .
وسام :- امي تسألني عليها راح تتخبل مااعرف شنو اجاوبها .
خزرته :- گوللها اجه رجلها واخذها مابيها شي .
وسام :- مادام رجلها ومابيها شي شكو خبصتو نفسكم وتدورون عليها .
عصام :- انت تعرف شي واني اعرف شي ماالك حق انت تتدخل .
وسام :- لو شايفها بالظرف اللي اني شفتها بي لو بالمصايب اللي شافتهن چان عذرت تدخلي وخوفي عليها .
عصام :- اكو اكثر من اللي حچيته ؟!
وسام :- اللي حچيته ربع اللي صار الها .
