بارت 17
&
•
•
•
يزعلوني ،
و قبل لا مني يعتذرون
أنسى بدون ما أعتب
المسامح مو كريم ( يحبْ ) 🤍
#احمد ابراهيم .
•
•
•
&
........
(علاء)
جمعنه كل عمامنه ولد عمنه واخذنه عمي صراع هو شيخ عشيرتنه ..
ردت ابيض وجهه گدام اهلها ومااسمح لأحد يجيب طاريها بشي موزين ..
صعدنه بسياراتنه وطلعنه متوجهين لبيت اهلها وصلنه ونزلنه گبل للمضيف ..
اول مادخلنه سلمنه طبعاً الكل انصدم ماعدا ابو رائد لأن هو اللي طلب من عمي صراع نجي علمود البنيه ..
شفت وجوه اهلها ثگيله عليه مااهتميت اهم شي هي ..
گعدنه بينهم وونص اولاد عمامهم وگفو خارج المضيف عيني بعين محمد ونظرات التحدي تشع من عيونه وبمقابلها نظرات ثقه من عندي ..
يتحداني لأن اخذ اخته من عندي بس اني واثق يجي يوم وترجعلي ..
بده ابو علي يحچي بهدوء ورزانه جبر الكل يسكت يستمعله ..
ابو علي :- من بعد اذن شيخنه والشيخ ابو هيثم اني اليوم جمعتكم ببيتي رايد اعتذر منكم واعترفلكم بذنبي .
واحد من گرايبهم :- شنو من ذنب ياابو علي ؟!
ابو علي :- اني قبل 3 سنوات اجيتكم وگلتلكم بنتي ماتت محروگه بس الحقيقه انطيتها بدال اخوها فدوه وزوجتها لعلاء اخو المقتول .
واحد من گرايبهم :- مادام زوجتها ليش گلت ماتت ليش ماانطيت علم النه ووهمتنه بموتها خاف بنتك غلطت ياابو علي !!
صحت بوجهه :- تخسى بنت ابو علي اشرف منك ومن عشيرتك .
الرجال :- لعد ليش تگولون ماتت !؟
اشرت لـ ابو علي ورديت بمكانه :- من بعد اذنك عمي اني البنيه من خطبتها من ابوها طلبت منه محد يدري بـأجرائات الخطوبه بس من تزوجتها اخذتها وسافرت وگطعت كل تواصل الها ويه اهلها وخليت ابوها ينجبر يگول ماتت .
واحد ثاني من گرايبهم :- وشحصلت من فرقت بنيه من امها مادام انت هيچ تدافع عنها ومترضه احد يحچي على شرفها ليش سويت كل هذا بيها وبأهلها ؟!
علاء :- چانت اليه اسبابي واعترف ندمان لأن سويت هيچ بيها وفرقتها عن اهلها بس ربي شاهد البنيه طاهره وهي زوجتي على سنة الله ورسوله واللي معاجبه يرگع راسه بـ اقرب حايط .
