آسميتها جارية فأصبحت سيدة قلبي

بارت 22

بارت 22

&

•

•

•

أنا مَعك حين تخُونك الشوارعُ و الطُرُق ، ،حينَ تفقدُ القُدرةَ على فِهمِ الاشياءِ من حولك وتغدو بلا وجهةٍ أو أمل ، أنا مَعكَ كيفما كُنتَ ومهمَا حَدث.

•

•

•

&

........
( نور )

فتحت عيوني على صوت العصافير بالمزرعه ابتسمت بطمئنينه ..

تذكرت من چنت اسمعهن بمزرعة اليونان شگد چان گلبي ينقبض واكره صوتهن ..

گمت بوست اطفالي نايمين بحضني عدلت نومتهم ورحت للحمام توضيت وطلعت صليت الصبح ..

كملت صلاتي وطلعت من الغرفه الصاله فارغه ..

طلعت بره لگيت امي گاعده بره بصف الباب وگبالها ابوي ممدد وحاط ايده على عيونه ..

گعدت بصف امي وتمددت خليت راسي علو رجلها ..

غمضت من خلت ايدها على شعري دنگت باستني براسي ..

فتحت عيوني باوعتلها واني مبتسمه ..

نور :- هسه بده صباحي من راح الزعل .

ام علي :- واني شعندي غيرچ من خوفي عليچ ازعل مااريدچ تكتمين بگلبچ الدنيا ماتسوه وتره الكتمان يأذي .

نور :- هو انتي گلتيها الدنيا ماتسوه واريد اعيش ايامي بحضنكم اريد اشبع منچ ومن بابا قبل لا اموت .

التفتت على صوت ابويه ..

ابو علي :- شنو هالحچي ليش تغثينه من الصبح .

نور :- مو قصدي حبيبي اسفه .

ابو علي :- حتى لو مو قصدچ اولاً الاعمار بيد الله مو انتي تحددين وثانياً لا عبالچ ساكت عنچ بس نرجع تتبدين تراجعين .

گعدت بخوف :- لا بابا الله عليك لا ابد مااريد اراجع والله اخاف فدوه اروحلكم فهموني .

ام علي :- اي ليش تخافين يا يمه هو علاج مفروض تخافين من الالم هسه وانتي تعرفين اذا تسكتين اكثر ينتشر المرض .

نور :- يمه اخاف يوگع شعري واخاف اخر ايامي مااشبع منكم ومن اطفالي بسبب الجرعات اريد اشوفكم واني صاحيه .

ابو علي :- انتي طاوعيني وخلي نسوي تحاليل بس نشوف اذا المرض مامتعدي الرحم نسوي استئصال وبس .

نور :- ماادري بابا سدو الموضوع ينمرد گلبي من احچي بي من الخوف .

حاولت اسيطر على رجفتي گدامهم حيل اخاف منه لهسه مامستوعبه المرض رغم الألم ..