كرونيك جزائرية: قَاومِي منْ أجْلي....(مكتملة..)

😭الحلقة الثالثة😭

هاااااي راني جييت هه😂😘

راحوا و بقاو يحكوا في طريق
لؤي: ريحت هاه جاتك خدمة حتى لعندك
جواد: بلع و ايا نروحوا نشربوا قهوة راسي بدا يسطر
لؤي: قول والله ايا
جواد: تقول راني مع ولد خويا
لؤي: مالا نقولك عمو
جواد: ايا ايا و بلع
متخموش منسيتش دوك نعرفكم بشخصيات جديدة لي غادي تكون في قصتنا
نبدا بلؤي médecine résident en oncologie  nnnn ( طبيب مقيم في علم الأورام ) في عمره 28 عام امه و بوه ماتوا من كان صغير و رباته ختها و راجلها تقريبا هوما عائلته الوحيدة نروحوا شكلا احم احم تخيلوا معايا طول 185سم بيض و عينيه نوازات و شعره شاتان و عنده لحية خفيفة و يلبس كلاسيك بزاف ( طحت في لؤي)
نروحوا دوك جواد كيما لؤي médecine résident en oncologie في عمره 28 عام تاني تقدوا تقولوا هو صاحب لوحيد للؤي عايش مع عايتله المتكونة من ام اب و زوج خوت رجال و بنت وحدة نروحوا الى شكله طوله 180 سم اسمر و يا لسمر حبك ولالي جمرة معلينا عنده كور يقتل ولحية تهبل و شعره نواغ و مطوله شويا و عينيه خضرين كينا زمرد مهم يهبل و فرات
منى ام ولاء في عمرها 40 عام قاعدة في دار و امين بوها يخدم استاذ في جامعة نرجعوا لحكايتنا
بعدما ما كملوا من قهوتهم رجعو ل urgence  لقاهم infirmier  في طريق عطاهم les analyses  تاغ ولاء و هونا دخلوا يشوفوها و في نفس الوقت يشوفوا les analyses
جواد: عندها urée crea glycémie  ملاح
لؤي: بصح vs  راها accéléré  و FNS رها catastrophe
جواد: علاه
لؤي: les globules blancs راهم طالعين بزاف زعمو تكون عندها infection  هوما يحكوا حتى يسمعوا
ولاء تحكي و يبان على صوتها تعب: حتى لهنا لحقتوني سمعهوا داروا يجروا عندها
جواد: مدموزال راكي تسمعي فيا
ولاء: علاه لحقتوني
لؤي: شكون لي لحقك
جواد: تبانلي راهي تهذي
ولاء: لا مانيش نهترف
لؤي: مالا شكون لي لحقوك
ولاء: les globules blancs  ياك ماشي خليتهم في مناعة علاه لحقوني حتى لهنا هنا ولاو يضحكوا مكانوش يقارعوا فيها تقول هاك
جواد: ريحي روحك دوك شويا و نرجعولك و خرجوا و خلاوها

خرجوا عند لباب وين مكانت لقاو منى و امين و جيهان يقارعوا
امين: فطنت
لؤي: واه تنجموا دوك تدخلوا تشوفوها
منى: اوك و دخلوا يجروا عندها
بقى لؤي و جواد يتناقشوا في حالتها و قرروا يعطوها les analyses وحدخرين باه يكونوا متأكدين من تشخيص تاعهم نروحوا لولاء
ولاء: ماما
منى: واه شاخصك
ولاء: خصني مليون
منى: ماشي معناها مرضتي تنحلك
ولاء: الله اكبر انا مريضة و مرحمتينيش
منى: ليمريض ميكبرش كرشه
جيهان: يا وحد الكلبة راكي تبروفيتي
ولاء: بلعي راني نضرب عليا و عليك امين راح عندها و عنقها
امين : خلولي بنتي ترونكيل صحا قوليلي ريحتي مراكيش مدرارة ياك
ولاء: والله الى راني مليحة بابا برك تعرف طبة يبغوا يزيدوا عليها هي قالت هاك و طلعت راسها لقات لؤي يشوف فيها بنص عين
لؤي: حنا نبغوا نزيدوا عليها
ولاء: زعمة ماشي تزيدوا عليها لا خليني نفهمك
لؤي: صحا فهميني
ولاء: عي زعم  راك فاهم
لؤي: واه فهمت هنا ولاو يضحكوا عليها و حتى لؤي معاهم
لؤي: و باش نزيد نبينلك بلي نبغي نزيدوا عليها غادي نعطيك les analyses  وحدخرين
ولاء: بصح علاه حرام عليك مافيا والو
أمين: شت سكتي طبيب يعرف
لؤي: يعطيك صحة monsieur و شاف في ولاء ها ناس لي يفهموا مهم تنجموا تخرجوها اليوم بصح les analyses  مدابيكم تعجلوا فيهم يعني maximum  هاد سيمانة باه نعرفوا مالها و جا خارج
ولاء تحت نيفها: باي زين حتى عاود رعج
لؤي: تفكرت نسقسيك
ولاء: واه
لؤي: ترعفي بزاف
ولاء: هاد شهرين برك وليت نرعف بزاف علاه
لؤي ملامح وجهه تبدلت: لا والو بشفا عليك مهم من ديروا les analyses  رواحوا تلقوني هنا و الله يشافيك وخرج

بعدما خرج لؤي و خلاهم بقات تشوف فلباب و نار تخرج من راسها
ولاء: غدوة عندنا فرض منجمش نمنك جيهان بقات تشوف فيها بنص عين
جيهان: تاعش فرض وينتا هادي مخبرتينيش منى بقات تشوف في بنتها شوفة تاع يا وحد الكدابة
ولاء: تفوو كلبة متعرفيش تسكتي
جيهان بدات طلع في حواجبها و تغزل في ولاء: لا منعرفش
منى: لوكان غدوة يكون عندك لباك غير les analyses  لديريهم غدوة فهمتي
ولاء حطت راسها
ولاء: اوك فهمت
امين: ايا نروحوا ولا عجبتكم لقعدة هنا
ولاء: بابا خرجني منا كرهت تغميت راح عندها و حكمها من يدها
امين: ايا بنتي شابة و خرجوا راحوا لدار
بعد اسبوع
كانت راقدة و تنوم تضحك حتى تحس بروحها طاحت من فوق سرير ناضت و هي عين مغمضة و عين محلولة و تحك في ظهرها
ولاء: اي ظهري حتى منام كيما عيباد ريي و منكملهش هي هاك حتى دخلت عليها منى باه تنوضها
منى: راكي نايضة وينه لحمار لي مات
ولاء: مكان حتى حمار مات باسكو غادي نرجع نرقد
منى: نوضي لبسي متنسايش طبيب
ولاء: واه نروحوا حتى 10 هاك
منى: شوفي عندك 5 دقايق يا تلبسي يا تروحي معايا كيما راكي
ولاء: بصح
منى: 4 دقايق و نص
ولاء: صايي صايي هاني نايضة راحت غسلت وجها و لبست قشها و خرجت من شمبرا للكوزينة
منى: هاك نبغيك رواحي تشربي حليب تاعك
ولاء: لي يسمع تقوليلي شربي حليبك تقولي غريانة
منى: واه مزال نشوفك غريانة ايا خفي لبسي
ولاء: بابا راح للخدمة
منى: لا غادي يروح معانا لطبيب
ولاء: علاه
امين: باه نسمع طبيب شايقول و نريح
ولاء: يا عمري على لي يتقلل عليا و راحت عنقاته
منى: و انا نسيتيني و دارت روحها شنفت ولاء راحت تجري عندها
ولاء: نتي لعمر و لكبدة كيفاش ننساك
آمين: ايا نروحوا باه نوصلوا مع وقت
منى: اوك و خرجوا لوجه تاعهم بعدما وصلوا لسبيطار و لقاو وين يخدم بقاو يستنوا فيه وينتا يجي و يدخلوا عندهم

هادا هو الرات تاع ليوووم نتمنى يكون عجبكم🥺😘
متنساوش تتفاعلو يباش تشجعوني اني نكمل❤️