كرونيك جزائرية: قَاومِي منْ أجْلي....(مكتملة..)

😭الحلقة الاولى😭

كانت هي وصبحتها في كلاسة في طابلة تالية و

داخلينها غير حكايات و مخليين الأستاذ يشرح حتى

يشاور عليهم

استاذ أمير: ولاء فهمتي درس شافت فيه و تبسمت

ولاء: باينا هادي استاذ كيفاش نتا تشرح و انا

منفهمش خسارة عليك

امير: يعني فهمتي غاية

ولاء: باينا استاذ هادي شرح تاعك يخلي اي واحد

يفهم

امير: مالا نوضي حلي هاد تمرين

ولاء: استاذ هي في حق انا قتلك فهمت بصح ماشي

باه نوض نحل خلي وحداخر لي مافهمش ينوض

يحل و تفهمه

امير: ولاء نوضي قالها بعياط خلى لي يقروا معايا

كامل ضحكوا هي تبسمت على جنب و ناضت حكمت

ماركور و بدات تحل فيها و هو غير يشوف بعد 5

دقايق من كتبة مدتله ماركور

ولاء: استاذ شفت قتلك راني فاهمة هو بقى يشوف

في صبورة و يحقق لقى الحل نيشان مغلطتش في

حتى حاجة

امير: واه نيشان روحي لبلاصتك راحت و هي تتبسم 

حتى حبسها

أمير: ولاء

ولاء: واه استاذ

امير: فهميني برك كيفاش تقدي تحكي و تفهمي و ديري كلش

ولاء: استاذ هادي حاجة تاع ربي دايرة المراة تقد دير

شعال من activité  في وقت واحد عكس راجل
أمير: ياك و نتي عادة روحك مراة مزالك بزة هنا كلاسة كومبلي ضحكت عليها هنا هي ولات تغلي شافت فيه شوفة من فوق لتحت و راحت لبلاصتها و غير جمعت صونات و خرجوا قاع لساحة بقات غير ولاء و صحبتها جيهان في كلاسة
ولاء: هادا ماله معايا ماله دايها من مورايا تقول ديتله الورث
جيهان: مديريش عليه هو هاك معقد
ولاء: قلقني هوما يحكوا حتى ولاء تبدا ترعف
ولاء: اوففف تاني دوك جيهان عطيني بابي مشوار حمبوك راه في صاك
جيهان: اوك و طلعي راسك بقات مطلعة راسها و تمسح حتى حبس دم
جيهان: ماشي لازم تروحي لطبيب خير راهي تصرالك بزاف هاد ليامات
ولاء: مراهش عندي الوقت نخرج من ليسي نروح ديراكت لدار و ويكاند نفوته مع لي كور
جيهان: صحا رواحي دوك نروحوا عند طبيبة بلاك تعطيك حل
ولاء: اوك و خرجوا من عند كلاسة و راحوا لطبيبة...

‬‏‪............
رواحوا نعرفكم ببطلاتنا
ولاء في عمرها 18 عام هاد عام عندها لباك وحيدة امها و بوها شيرة عاقلة تنجموا تقولوا و في نفس الوقت طايرة فهموها كيما فهمتوا  جاية شوية قصيرة و مبنبنة عينيها كبار يدخلوا لمحنة لدار و عندها خدود يشهوا للعض  هي جاية هاك و عندها صحبتها وحدة تنجموا تقولوا اختها يعرفوا بعضاهم من لي كانوا صغار ترباو مع بعضاهم بحكم هوما جيران  اكيد عرفتوا شكون صحبتها  هي جيهان في عمرها 18 عام تقرا باك سيونس كيفها عندها امها و خوها اكبر منها بوها متوفي من لي كانت صغيرة متعقلش عليه نرجعوا لحكايتنا نزلوا عند طبيبة لقاوها مكانش
جيهان: مافهمتش انا هاد طبيبة علاه دايرينها و من نسحقوها منلقوهاش
ولاء: دايرينها باه تدي دراهم ياينا خلينا نطلعوا كلاسة مخصنيش تنقريش تاع استاذ اميغ بقات تضحك جيهان
جيهان : علاه تقوليله اميغ
ولاء: معلباليش
جيهان: دقيقة دقيقة علاه عندنا معاه دوك
ولاء: واه علاه نسيتي اليوم عندنا زوج سوايع معاه
جيهان: الله يصبرني انا بروحي نكره مات و جاني هو في طريق كرهني فيها كثر ايا نطلعوا جاو رايحين حتى يشوفوا عماد و سامي جايين عندهم
عماد حبيب جيهان في عمره 19 معاود لباك و سامي توأم تاعه يموت على ولاء بصح هي متبغيهش جيهان شافت عماد راحت تجري عنده
ولاء: بلعقل لطيحي تتكسري جيهان مسمعتهاش قاع و كملت طريقها لعماد
جيهان: حبيبي صباح نور توحشتك اليوم صباح قاع مشفتكش
عماد: واه اليوم مدخلتش بكري حتى 9 علبيها ماجيتش عندك
جيهان: معليش حبيبي
ولاء: ايا بنتي صونات و راحت عندها حكمتها من يدها
جيهان: اوفف خليني نزيد دقيقة
عماد: دايما تجي تحرمي علينا شوفي كاش واحد تخرجي معاه ولهاي فيه خير ما تبقي متالبتنا حتى ينطق سامي
سامي: راني هنا علاه تحوس على واحد شاقلتي فيها ولاء
ولاء: لا no non hell no yok hayir never ever jamais  فهمت
سامي: معليش تقلشي كيما تبغي مرجوعك عندي
ولاء: تنهدت راني رايحة باي وراحت و خلاتهم جيهات دارت عند عماد
جيهان : باي حبيبي منبعد نحكوا ولاء حبسي نروحوا كيف كيف
عماد: عام يا رب و مقدرتش طيحها فيك
سامي: متخممش تعرفني
عماد: واه نعرفك نعرفك ايا نروحوا نقروا ايا

نلقا تفاعل نكملها 😘😘❤️