كرونيك جزائرية: قَاومِي منْ أجْلي....(مكتملة..)

😭الحلقة السادسة😭

هااااي❤️🌷
بعد اسبوع
كانت راقدة حلت عينيها على صوت امها  تنوض فيها
منى: ولاء بنتي نوضي وجدي روحك
ولاء بصوت نوم: ماما علاه راكي تنوضي فيا ياك اليوم سبت منقراش خليني نرقد
منى: اليوم رونديفو تاع طبيب
ولاء: اه صحا دوك نوض خرجت منى من عندها و خلاتها وحدها اول حاجة دارتها حبدت مذكراتها لي كانت داستهم تحت سريرها و بدات تكتب
#صباح الخير مذكراتي العزيزة اليوم يمر اسبوع على معرفتي بمرضي اللعين لقد مر علي هاذ الأسبوع كأنه جحيم ليس بسبب المرضي بل بسبب حالة اهلي لل استطيع النظر في وجوهم طويلا لأنني اعلم اني سأبد بالبكاء فورا  لا استطيع تخيل انني ممكن ان ارحل و اتركهم في اي وقت انا خائفة اصبحت انت الملجئ الوحيد لي هذه الأيام حتى صديقتي منهارة لا استطيع ذهاب اليها اليوم اول زيارة لطبيب لمعرفة خطة علاجي سأذهب الآن الى لقاء " و ناضت من بلاصتها و رسمت بسمة المصطنعة على وجها و خرجت تقابل اهلها حتى لقات جيهان معاهم
جيهان: صباح النور عمري
ولاء: صباح الخير  راكي مبكرة
جيهان: باينا هادي راني رايحة معاكم و سقسيت خالتي قالتلي اوك
منى: واه خليتها تروح معانا
ولاء: تقول رانا رايحين عرس ياودي هدا طبيب
جيهان: بلعي انا قتلك بلي نبقى معاك من نهار لول حتى نهار تبري و تولي خير من لي كنتي تفاهمنا
ولاء تبسمت معاها و راحت عنقتها
ولاء: ربي يخليك ليا
جيهان:  و يخليك ليا عمري ايا روحي وجدي روحك و ايا
ولاء: اوك و راحت و خلاتهم اول ما خرجت من عندهم منى و جيهان لزوج نزلت من عينهم دمعة دمعة تعبر على الخوف لي راهم عاشينه خايفين عليها تروح و تخليهم بعد صباح طويل خرجوا و راحوا لسبيطار و كيلعادة بقاو يقارعوا في لؤي يجيهم و هو باينا طول بقاو يستناو فيه
جيهان: طول هدا وين راه
ولاء: هو هاك دايما دوك يجي
جيهان: كيفاش هادي لازم يجي قبلنا
ولاء: معليش كلهم رومركاو  بلي مراهيش كيما كانت راهي كالم هي لي كانت تتقلق من اي حاجة و سوغتو من تبدا تقارع شافت فيها جيهان و سكتت
بقاو يقارعوا نص ساعة حتى جا داخل لؤي و جواد لقاهم يقارعوا فيهم
لؤي: بونجور سمحلي طولت و شاف في ولاء سمحيلنا مدموزال ولاء كانت يقارع فيها تجاوبه كيما داك نهار ولا دابزه بصح هي شافت فيه و تبسمت برك هو رجعلها تبسيمة و دخل للبيرو تاعه
لؤي: شفتها راها كالم بزاف
جواد: كيفاش عرفت الى راهي كالم ولا لا تقول معاشرها بلاك هي هاك
لؤي: ياك شفتها كيفاش كانت نهار لول حسيت هاد لمرض كسرها
جواد: الله يشافيها شاقررت مع traitement  تاعها
لؤي: تلقيت مع بروف قررنا ندخلوها لسبيطار تبقى هنا و دير chimiothérapie  حتى نشوفوا بلي مراهش يزيد عاد نقدروا نخلوها تخرج بصح تبقى تبع هنا
جواد: اوك نشالله تبرى راني خارج دوك نعيطلهم
لؤي: اوك
جواد: باي و خرج يعيط ليهم
جواد: تقدروا تدخلوا دخلوا كامل من جات في جيهان مخلاهاش جيهان
جواد: سمحيلي بصح متنجميش تدخلي
جيهان: راك عليا
جواد: واه متقدريش تدخلي لازم والديها برك شافت فيه من فوق لتحت
جيهان: انا جداتها ايا بعد خليني ندخل
جواد: راني نقواك متقدريش تدخلي فهمتي هوما هاك حتى تجي ولاء
ولاء: شاكاين مالكم
جيهان: هاد لبنادم مخلانيش ندخل معاك
جواد: هاد لبنادم عنده اسم
جيهان: ميهمنيش و شافت في ولاء فهميه بلي انا ندخل اصلا قارع دقيقة ولاء هدا طبيبك
ولاء: لا ماشي هدا لي راه داخل
جيهان: سما هدا خاطي
ولاء: واه جيهان شافت فيه و جبداته من يده على لباب و دخلت جا لاحقها حتى حكماته ولاء
ولاء: معليش تخليها تدخل معايا هي كون متدخلش متريحش باغيا تكون معايا في كل وقت
جواد: بصح مالها متعرفش تحكي
ولاء: مديرش عليها سمحلي
جواد: معليش الله يشافيك و راح دخلت لقاتهم كامل يشوفوا في جيهان لي قريب تحفر لأرض برجليها من كثرت ما هزت على الأرض
ولاء: صايي تكالمي بنتي
لؤي: شاصرا
جيهان: صاحبك مخلانيش ندخل
لؤي: معليش ياك دخلتي دوك صايي خلينا نحكوا في مفيد مدموزال ولاء تقدي تريحي
ولاء: واه جمعت فوق كرسي و يدا يشرحلهم انها لازم تبقى هنا مدة علاج و لازم حتى يشوفوا الا قدروا يسيطروا على لمرض ولا لا عاد يشوفوا وينتا تخرج من هنا هي بقات ساكتة من كمل كلامه سقساته سؤال خلات قلبهم ينقسم
بعدما كمل كلامه بقى ساكت يستنى كاش ميسقسوه هي بقات ساكتة منبعد نطقت
ولاء: نقدر نسقسيك
لؤي: bien sur هي حكمت شعرها و شافت فيه و عينيها كانوا مغرغرين بدموع
ولاء: شعري غادي يطيح ياك مكانش متوقع منها هاد سؤال حتى جيهان من سمعتها طلعت راسها بقات تشوف في ولاء و قلبها مقسوم عليها
و لاء: مجاوبتنيش تشجع و جاوبها
لؤي: واه يطيح من chimiothérapie  بصح من تبري و تحبسيه يرجع عادي ينوض و يولي خير من لي راه دوك هي تبسمت برغم من ان عينيها كانوا يلمعوا بدموع بصح مبغاتش تبين لوالديها و عشيرت عمرها
ولاء:  مليح اصلا نحوس نبدل لكوبا تاع شعري و تبسمت و ناضت من بلاصتها و خرجت بلا متقول حتى كلمة كلهم غاضتهم و جيهان و منى بداو يبكوا
لؤي: مدام سمعيني ملازمش تبكو قدامها لازم تكونوا اقوياء باه هي تستمد منكم طاقة فهمتوا قلتكن اهم حاجة هي حالة نفسية للمريضة هي لي تخليه يقاوم ولا تخليه يزيد يمرض انا راني نشوف بلي هي راهي دير في كوراج علجالكم لازم نتوما تاني ديروا كوراج على جالها
امين: واه فهمتك مقتليش وينتا تدخل لسبيطار
لؤي: في اقرب وقت يعني غدوة لازم تدخل باه نديرولها programme  تاع دوا و تبرى بلخف
آمين: نشالله غدوة نجيبها و خرجوا لقاوها تقارعلهم عند باب تاع طبيب
ولاء: وينتا غادي ندخل هنا
امين: غدوة نشالله
ولاء: بلخف منر راحت عنقتها
منى:باه تبري بلخف
جيهان: واه قد مخفيتي قد ماخرجتي منا بلخف
ولاء: واه ايا نروحوا
امين: ايا بنتي و خرجوا من تماك راحوا لدار غير وصلوا ولاء دخلت لشمبرتها و قابلت لمراية بقات تشوف في روحها و تشوف في شعرها لي كان طويل و كحل توت و تفكرت كيفاش كانت تدابز مع جيهان لي مخلاتهاش تمقصه هي هاك حتى دخلت عليها جيهان
جيهان : شاراكي ديري
ولاء: جيبي مقص و رواحي
جيهان: علاه
ولاء: جيبيه و متنسايش جيبيلي توندوز تاني من قالتلها فهمت شاباغي دير بمقص
جيهان: اوك و راجت جابتهم و جات لقاتها في بلاصتها كيما خلاتها
جيهان: هاني جيت
ولاء: مرحبا رواحي دوك مقصيلي شعري
جيهان: كيفاش ولاء ناضت من بلاصتها و جابت جيهان حداها و دارتها مقص في يدها
ولاء: شعري مقصيه
جيهان: اوك و بدات تقص فيه كانت ولاء في بدية تتبسم بصح منبعد مع كل شعرة كانت طيح على الأرض كانت تقابلها دمعة من عينها و من دمعة ولات دموع و من دموع ولاو شهقات و جيهان تاني مكانتش حالتهة خير منها كانت كيفها و بلاك اكثر منها بعدما قلعتلها كل شعرها ولاء نزلت للأرض و حكمت شعرها بين يديها و بدات تبكي بعلو صوتها كانت تبكي برك حتى جاو عندها والديها مقدروش حتى يسكتوها بقات تبكي و تعاود حتى بكاتهم معاها‬‏‪ بعد طرح لبكا حكمت ساشي و دارت فيه شعرها و حطاته في خزانة و راحت عنقت مخدتها و رقدت......

وهادا كان البارت تاع ليوووم نشاله يكون عجبكم ماتنساوش تدعموني باش نواصل❤️🥰
الى اللقاء غدوا نشاله في بارت جديد💜🍒