كرونيك جزائرية: قَاومِي منْ أجْلي....(مكتملة..)

😭الحلقة الثامنة😭

هااااي 🎶❤️🌷
ولاء: علاه مجاوش والديك اليوم عندك باينا يكونوا لاهيين في حاجة رهف تبسمتلها  رهف: والديا الله يرحمهم عندي ختي وحدة برك لي تجي عندي بصح تسكن بعيدة متقدرش تجي كل يوم ولاء غاضتها رهف كانت قريب تبكي عليها ناضت من بلاصتها و عنقتها  ولاء: ديريني من اليوم ختك تفاهمنا  رهف: صحا مدابيا بصح مقلتيليش شعال عندك من عام  ولاء: 17 شهر جاي نولي 18 عام و نتي  رهف: 19 عام ياك نبان صغيرة  ولاء: واه تباني بنتي بقاو مع بعضاهم من هنا بدات صداقتهم و تقربوا بزاف لبعاضهم وحدة كانت تعاون وحدة كأنهم خوات ناس كانوا من يشوفوهم يحسبوهم يعرفوا بعضاهم في دا شعال فاتت سيمانة على ولاء في سبيطار امها و بوها و حتى جيهان كانوا دايما يجوا ليها و حتة جيهان تقربت من رهف و تصاحبت عليها  اليوم اول جلسة علاج كيماوي لولاء كانت خايفة بصح تشجعت و قررت انهت تخوض هاد المعركة و تخرج رابحة انشالله في خاطر لي ببغوها و تبغيهم ناضت صباح كانت متوترة بزاف لقات رهف نايضة قبلها  رهف: صباح الخير  ولاء: صباح النور لبارح مرقدتش قاع  رهف : تخمي في اليوم ولاء: واه راني خايفة  رهف: متخافيش هادي غادي تعاونك باه تبراي كوني قوية  ولاء: نسيي  رهف: هاك نبغيك و من تكملي تلقيني هنا نقارعلك  ولاء: نخاف نلقاك راقدة نتي شكارة تاع رقاد  رهف: يا كلبة قتلك نقارعلك متخميش  ولاء: اوك نوض نغسل و نشرب جو و نجي  رهف: اوك بعد مدة رجعت ولاء دايرة كاسطيكة على راسها  ولاء: كي جاتني  رهف: جاتك تهبل بصح علاه مزالك ديريها  ولاء: منحسش روحي مليحة بلا بيها رهف من سمعتها ناضت من بلاصتها و قلعتهالها من راسها  رهف: لازم تتقبلي كلشي متغطيش راسك بيها هادي حاجة عادية و دوك قولي اما متقبلة روحي في جميع الأوقات  ولاء: انا متقبلة روحي في جميع الأوقات علبالك بلابيك معلباليش شاكان غادي يصرالي  رهف: احم احم علبالي ضيعي بلا بيا  ولاء: بلعي
بعد ربع ساعة من تبهليلهم حتى يسمعوا لباب يطبطب  رهف: هدا باينا دكتور لؤي  ولاء: كيفاش عرفتي  رهف: هو برك لي يطبطب قبل ما يدخل باقي كامل يزدم  ولاء: اه صحا  رهف: نسينا رواحنا و راجل يقارع برا تفضل  لؤي: بونجوغ  رهف و ولاء: بونجوغ  رهف: شفتي قتلك هو بقى يشوف فيهم مافاهم والو  لؤي: جيت ندي ولاء  راكي واجدة اليوم  ولاء: كون نقولك مانيش واجدة زعمة تخليني  لؤي: شاتفاهمنا من قبل  ولاء: صايي فهمت ايا نروحوا  لؤي: ساجية بنتي  ولاء: بنتك اي كبير عليا غير ب 9 سنين هدا مكان هوما هاك يحكوا حتى تدخل عليهم سناء  سناء: صباح النور يا زينين  ولاء: صباح الورد بب  رهف: صباح الحب حبي  لؤي: علاه هي تقلشوها و انا تقولوهالي بناشف  سناء: تكومباري روحك بيا روح روح انا هادو خواتاتي نتا شاتجيهم  لؤي: انا تاني خوهم  ولاء تحكي تحت نيفها: انا مانيش ختك رهف سمعتها جاتها ضحكة بصح تكمت فيها  لؤي: ايا ولاء الوقت راه  سناء: واه بنتي ايا كيما تفاهمنا  ولاء: واه ايا باي رهف  رهف: باي حبي راحت ولاء لأول جلست علاج جمعت في كرسي و دارولها جهاز تخطيط القلب و علقولها دوا كانت تحس فيه كيما نار داخلة في جسم تاعها كمية الألم مقدرتش تستحملها بصح قوات روحها بصح قاع هاك و مقدرتش حتى ولات تدمع بلا ماتحس شافتها سناء راحت تجري عندها  سناء: ولاء راكي مليحة هي مقدرتش تجاوبها بقات غير تشوف فيها  سناء: كيما تفاهمنا وقت و تفوتك يا عمري صحا ولاء حركتلها راسها بواه يعد ساعة كملت جلسة تاعها داها لؤي و سناء لشمبرته و هي مش قادة حتى تتحرك كيما كانت رهف اول مرة تلاقتها بقات رهف معاها تمسحلها و كل ما تحب تتقيا تعاونها بقات واقفة معاها حتى دخلت ولاء في نوم عميق اهلها جاو عندها لقاوها راقدة لقاتهم رهف و شرحتلهم وضعها منى و جيهان رجعوا سبيطار جنازة من كثرت ما بكاو على ولاء بصح مع تالي فوضوا امرهم لربي و خرجوا و خلاوها راقدة
بعد عدة ساعات فطنت ولاء و هي تحس في كل عظمة في جسمها ضر فيها و تخس في راسها تقيل  ولاء: لما عطشت سمعتها رهف راحت جابتلها لما و بقات تشرب فيها كيما يقولوا ما يحس بالمريض غير المريض و لي عارف حالته علبيها تقربوا من بعضاهم في مدة قصيرة  رهف: ريحتي شويا ولاء تبسمتلها ابتسامة باهتة  ولاء : واه خير من لي كنت دوك فهمت علاه داك نهار ماكنتيش قادة تتحركي من بلاصتك  رهف: معليش مهم دوك نبروا نشالله و بداو يحكوا احلامهم لبعض  رهف: انا بعد ما نخرج منا نعاود لباك لي ضيعته و نزير روحي نحوس نولي طبيبة اطفال حلم حياتي  ولاء: انا معلباليش الا غادي نقدر نفوت هاد العام لباك ولا لا بصح نتمى بعدما نخرج منا ندي لباك و نولي اشهر مهندسة و نبني سبيطار خاص بأمراض السرطان و نعاونهم في رحلتهم باه يتخلصوا من هاد المرض  رهف: نشالله بصح دخليني معاك شريكة  ولاء: واه ونسموه مستشفى ولاء و رهف  رهف: لا نسموه مستشفى الأصدقاء و ندخلوا حتى جيهان معانا شريكة فيه  ولاء: واه مزيا فكرتيتي بيها ماكانت غادي تقتلني  رهف: علبالي مهبولة و ديرها بقاو يضحكوا منبعد سكتت رهف و سكتت معاها ولاء و الإثنين نزلوا منهم دمعة في وقت واحد بقاو هاك مدة منبعد تعانقوا و رجعوا رقدوا  فاتت اسبوعين وحدخرين و رهف و ولاء صداقتهم راها غير تزيد تكبر لقاو بعضاهم في وقت لي كانوا محتاجين يلقوا واحد برك يحس بيهم و يفهم شعورهم و شكون احسن من واحد يشاركك نفس شعور لانه راه يعيشه معاك اليوم ولاء ناضت و هي كلها نشاط دارت عند رهف لقاتها مزال في بلاصتها  ولاء: اووو منأمنش كيفاش رهف مزالها راقدة واش من حمار مات بقات تحكي و رهف مجاوبتهاش ولاء ناضت من بلاصتها راحت عندها تلمستها لقاتها تقلي بسخانة خرجت كي مهبولة راحت تجري عند بيرو تاع لؤي لقاته هدا وين دخل  لؤي : صباح الخير ولاء مالكي علاه راكي تنهجي  ولاء: رهف رهف راهي تقلي بسخانة و مراهاش تجاوب فيا هو من سمعها راح يجري عندها وصل عنهدا دارلها ميزان حرارة لقاه 44 درجة و هدا خطر بزاف سوغتوا في حالتها عطاها دوا و بقا كل شويا يطل عليها و يوصي في ولاء ديرلها كمادات تاع لما على راسها و كرشها باه تنزللها سخانة
  بقات فوق راسها نهار كامل و من تعطش تشربها لما بقات هاك حتى طاح ليل و ولاء عيات من تعب بقات حاكمة يدها  و رقدت مجمعة حدا سريرها هي هاك حتى تحس بحاجة تجبد فيها حلت عينيها لقاتها رهف  ولاء: رهف نضتي راكي مليحة قارعي نرزح نقول دكتور لؤي و نجي رهف حكمتها من يدها مخلاتهاش تنوض و بقات تحكي و هي مس قادرة حتى تخرج كلمة  رهف: ولاء نتي كنتي اعز وحدة ليا بعد ختي  ولاء: نتي تاني اصلا ماشي قتلك بلي نتي ختي بصح علاه راكي تقولي هاك  رهف: خليني نكمل لقيت فيك الخير اقرب ناس ليا ملقيتهمش فيهم و ربي شاهد بغيتك كيما ختي بصح هدا هو الوقت لي راه نقولك فيه تهلي في روحك  ولاء: علاه نتهلى في روحي معندك وين تروحي فهمتي وبدات تبكي  رهف: متبكيش قدامي هاك دوك نروح مشطونة عليك  ولاء: قتلك مغاديش تروحي و تخليني ياك نسيتي وعودك ليا ياك تفاهمنا نحلوا مشروع مع بعض  رهف: نظن المشروع غادي تحليه وحدك انا مغاديش نعيش باه نحققه و لا نحقق احلامي بصح نتمنى نتي تحقيه و تحقي قاع لي حلمتي بيه و تولي اكبر مهندسة  ولاء: سكتي سكتي متحكيش مغاديش تموتي مغاديش تخليني فهمتيني دوك نجب نجيب لؤي و نجي و خرجت من شمبرة تبكي راحت تجري عنده لقاته يوجد في روحه باه يخرج حكماته من يده و بقات تجر فيه لشمبرة  لؤي: ولاء مالكي  ولاء: رهف معلباليش مالها من سمع هاك خاف الا يخسر مريضته راح يجري معاها وصلوا لشمبرة لقاو سكات و رهف مغمضة عينيها لؤي راح عندها و قاسلها نبضها لقاه حابس عرف بلي صايي ماتت بعد عليها و جبد غطا و غطا وجها و هنا ولاء واقفة و تشوف برك ماشي قادرة تستوعب لي صرا قدامها  ولاء تحكي و ترجف: علاه غطيتلها وجهها لؤي بقى ساكت  ولاء بالعياط: علاه غطيتلها وجها  لؤي: الله يرحمها  ولاء كانت تحكي و تبكي: لا لا لا مماتش لا رهف متقدش تموت و تخليني رانا متفاهمنين رانا مقررين من نخرجوا منا نحققوا احلامنا مع بعض متقدرش تخليني متقدش وعدتني فهمت متقدتش تخليني و راحت جيهتها و قلعت غطا من على وجهها و بقات تهز فيها فطني متخلينيش وحدي رهف نوضي نوضييي حتى راح عندهة لؤي بغى يحكمها مقدرس يحكمها دخلت في هستيريا تاع بكا حتى خرج عيط لممرضة جابتله لبرة باه تهديها و بعدما داتها عاد تكالمات حطوها في سريرها و هي كلمة وحدة تعاود فيها  ولاء: متموتيش و تخليني بقاو كامل يشوفوا فيها كامل غاضتهم حتى كاين لي بكا معاها 🤍🤍🤍🤍🤍🤍🤍🤍🤍🤍🤍🤍🤍  

وهادا كااان البارت تاع اليوم ❤️😭 نتمنا يكون عجبكم كامل ماتنسااوش تدعوني باش نوااصل 🤍💜