كرونيك جزائرية: قَاومِي منْ أجْلي....(مكتملة..)

😭الحلقة 15😭

هاااي ❤🌹
ولاء: اه حسبتك جواد
لؤي: لا جواد راح بصح شاقصة ضحك هداك
ولاء: اما ضحك
لؤي: دروك نتي و جواد
ولاء: ضحكنا و صايي انا نروح باي
لؤي: اوك باي راحت خلاته وحده يضرب كراعه مع لارض منارفي و يخمم كيفاش ولاء تقربت من جواد في هاد المدة دخلت شمبرة و بقات تخمم في لؤي ماله معاها علاه دايما يبغي يدخل فيها هي هاك تسمع طبطيب في شمبرا
ولاء: شكون
جواد: هدا انا
ولاء: دخل جمع
جواد: هاني جيت قوليلي شاباغيا تحكيلي
ولاء: اليوم تواجهت مع لؤي
جواد: ايا كملي
ولاء: قتله بلي منكدبش عليك و نقزلك منبغيكش بصح غادي ننساك عادي و ربي يهنيك مع سناء
جواد: و هو شاقالك
ولاء: قالي امين مغسي شاباغي يقولي
جواد: بصح كيفاش حتى قلتيله هاك
ولاء: خممت مع روحي قررت منتعبش قلبي عليه نحوس نبرا و نخرج من هنا
جواد: انشالله كيما اليوم تخرجي منا و نتي مريحة و تنسي سبيطار كامل
ولاء: نشالله بصح متخممش مننساكش
جواد: باينا هادي انا نخليك دوك نروح نكمل خدمة بونوي
ولاء: اوك bonne garde
جواد: مغسي و خرج هو من خرج شافه لؤي بدا مخه غير يدي و يجيب و قرر يراقبهم يشوف حكايتهم نرجعوا لولاء حكمت مذكراتها و بدات تكتب منبعدما كتبت كلش حطتها تحت مخدتها و رقدت
فاتت سيمانة و جواد و ولاء دايما مع بعض كانوا يحكوا و يفضفضوا لبعضاهم لي كانوا يحسوا بيها و كانوا يصبروا بعضاهم من جيهة كان يصبرها على لؤي و من جيهة على المرض و la chimio  كان واقف معاها الأخ لي جامي كسباته لقاته في جواد و هي كانت تصبره على فراق سناء كان يتعدب كل مايشوفها مع لؤي و لؤي كان دايما يراقب في ولاء و جواد و كل ماشافوهم مع بعض يتنارفا مكانش فاهم علاه كان يحس هاك
كانت في شمبرا تشوف في ساعة كان وقت زيارة هي هاك حتى تشوف والديها معاها و جيهان تاني دخلوا عندها عنقوها توحشوها مالغي كل يوم يجوا عندها جيهان كانت تجيها بصح ماشي كل يوم بقاو يحكوا و و يفرغوا في قلبهم جيهتها
ولاء: جيهان رواحي نعرفك بجواد لي حكيتلك عليه
جيهان: اوك ايا نروحوا خرجوا كان جواد مع لؤي راحت عنده ولاء
ولاء: جواد هاد هي جيهان لي حكيتلك عليها جيهان هدا هو جواد
جيهان: ماشي هدا لي دابزت معاه
ولاء: واه
جواد: هادي لي قريب متضربني
ولاء: واه ايا صايي تصالحوا
جيهان: عادي انا اصلا نسيت LsL راني تتهلى فيها دوك
جواد: متخميش في عينيا لؤي غير يشوف و ساكت منبعد رمى لملفات لي كانت في يده فوق طابلة و راح
جيهان: هدا هو لؤي ياك
ولاء: واه هو
جيهان: بصح علاه راه ياكل في روحه دوك
جواد: الله اعلم بقاو يحكوا و يضحكوا منبعد رجعوا لشمبرا

منى : ايا حنا نروحوا دوك
ولاء: اوك من جاو خارجين راحت عندهم تجري و عنقت ماماها و زادت باباها و جيهان مبغاتش تطلقهم
منى: مالكي غدوة نجوك
ولاء: علباللي بصح نتوحشكم
امين: حنا تاني نتوحشوك ايا نروحوا حنا دوك باي
ولاء: باي بقات وحدها في شمبرة مع مذكراتها حتى تشوف لباب تحل بلخف طلعت راسها لقاته لؤي
ولاء: لؤي مالك
لؤي: دكتور لؤي متنسيش ماشي ضحكت معاك شويا تنسي روحك
ولاء: اوك دكتور لؤي شابغيت
لؤي: نتي شاراكي باغية اصلا انا فهمت شاراكي ديري
ولاء: و شاراني ندير
لؤي: راكي دوري بجواد زعمة من مصدقتلكش معايا دورتيها جواد علبالك شعال نعيف لبنات لي كيفك لي من واحد لواحد تعيفوا هي بقات غير تشوف فيه حالة عينيها مشوكيا فيه آخر حاجة كانت تقارع فيها هي هاد هضرة
ولاء: خرج
لؤي: كيفاش
ولاء خرج عليا بالعياط تقريبا كامل سمعوها لي كانوا برا
لؤي: اوك راني خارج حل لباب لقى جواد عند لباب يشوف فيه هو تاني شاف فيه حتى يشوف في ولاء ترعف و منبعد طاحت في لارض جواد راح يجري عندها لؤي من شافه يجري مافهمش شاصرا لحقه حتى شاف ولاء في لارض و حالتها حالة
جواد: ولاء نوضي مالكي ولاء ولاءءءء عاوني تبقى هاك لؤييي
لؤي كان مشوكي ماعرفش حتى شايدير حت ناض عنده جواد و جره من يده عاد رجعله شاهد لعقل و راح يجري عند ولاء رفدها بدا يسيي يحبسوا نزيف والو رفدوها و داوها يديرولها لازم
بعد ساعة
كانت في عيانة مركزة مداورين بيها خيوطة راقدة في سابع نومة ماتحس بحتى حاجة جواد و لؤي معاها يشوفوا فيها منبعد خرجوا و خلاوها في ديك حالة لقاو والديها عند الباب يحوسوا يفهموا مالها بنتهم اول ماخرجوا راحوا يجروا عندهم
منى: مالها بنتي شاصرالها جواد شاف في لؤي شوفة تاع غل
جواد : تأزمت حالتها و الوضع مراهش يبشر بالخير و كونسار انتشر كثر
امين: كيفاش  يعني غادي تموت
منى: بنتي غادي تموت قول بنتي غادي تموت نطق لا بنتي مزالها صغيرة مزال ماتموت و دخلت في حالة هستيريا حتى داخت رفدوها و داوها لشمبرة تريح فيها
كان في بيروه يخمم و غايس حتى يشوف لباب تحل عليه
جواد: قولي ضميرك راه مريح دوك قول
لؤي: كيفاش
جواد: بسبتك نتا راها هاك الله اعلم شادرتلها باه وصلت لهاد الحالة
لؤي: كلش صرا بسبابك
جواد: بسبابي انا كيفاش هادي
لؤي: واه انا قلتلها تبعد عليك
جواد: كيفاش تبعد عليا مافهمتش
لؤي: ولاء كانت حاطة عينيها عليها و من عرفتني خطبت دارت ليك كنت خايف عليك منها هنا جواد ولا يضحك بصوت
لؤي: علاه راك تضحك
جواد: نتا حمار والله علبالك الوقت لي كنا نحكوا فيه انا وياها كانت دايما تحكيلي عليك
لؤي: كيفاش
جواد: كانت قايلتلي كلش علبالي بلي تبغيك و علبالي بلي عتارفتلك و كلش انا وياها كنا كي الخوت
لؤي: كيفاش خوت لا لا
جواد: لؤي علبالك بحاجة حتى نتا و تبغيها
لؤي: لا انا منبغيهاش
جواد: لا تبغيها ماتكدبش على روحك كون ماجيتش تبغيها متعسهاش هاك متقوليش كنت خايف عليك انا صاحبك و نعرفك مراكش باغي تستعرف برك بلي تبغيها خمم مع روحك تعرف و خرج و خلاه
في حيرا بقى يخمم مع روحه
لؤي: يعني انا نبغيها لا لاولا و خرج من بيروا راح وين مكانت دايما تريح و بقى يشوف في نجوم حتى جاته سناء
سناء: شاراك دير هنا
لؤي: نشوف في نجوم نقدر نسقسيك
سناء: bien sur
لؤي: كيفاش تعرف روحك الا راك تبغي واحد
سناء: مممم تتوحشه دايما
لؤي: انا نتوحشها واه زيدي
سناء: تخمم فيها بزاف تخاف عليها لؤي تفكر نهار لي راجت لدار و سمع بلي وحدة مرضت حسبها هي قريب مات من خوف عليها
لؤي : نخاف عليها كملي و نخمم فيها دايما كملي
سناء: تتمنى تبقى غير معاها تتمنى غير تشوف فيها من تشوفها تنسى كلش تغيير عليها تتمنى لوكان حتى واحد مايحكي معاها ولا حتى يشوف فيها
لؤي: زيدي
سناء: نسقسيك انا دوك
لؤي: واه
سناء: شكون اول اسم جا في بالك من بقيت نحكيلك على هاد صوالح
لؤي: اسمها هي
سناء: معنتها تبغيها
لؤي: معنتها نبغيها متأكدة
سناء: واه متخسرهاش لؤي جا نايض من بلاصته منبعد تفكر لي راه يحكي معاها هي خطيبته
لؤي: سناء سمحيلي
سناء: لا عادي والله ريحتني روح روح متخليهاش تقارع
لؤي: أوك و راح يجري يتبسم
لؤي: يعني انا نبغيها ولاء راني جاي وصل عند لباب تاع العيانة مركزة لقى جواد واقف راح عنده و عنقه
جواد: اي مالك نتا
لؤي: مغسي بلا بيك ماكنتش غادي نعرف بلي انا نبغيها
جواد: باسكو نتا حمار
لؤي: صحا فطنت
جواد: لا
لؤي: غادي ندخل عندها
جواد: أوك خليها يكون اول وجه تشوفه هو وجهك
لؤي: اوك دخل عندها و دار كرسي حداها و بقى شادلها يدها و يشوف فيها و يحكي معاها مالغي مراهش تسمع فيه
لؤي: علبالك انا حمار خليتك تعاني معايا بصح انا نبغيك كان لازم واحد برك يبينلي طريق سمحيلي بصح دوك عرفت منزيدش نخليك علبالك نبقى غير نشوف فيك.منخليكش هو هاك حتى يحس بيدها تتحرك ناض من كرسي بقى يشوف فيها هي سييا تحكي مقدرتش
لؤي: بلعقل ماتتحركيش هي قلعت ماسك تاع الأوكسجين و بقات تحكي كلمة كلمة
ولاء: انا مدرتش بجواد انا دايما بغيتك غير نتا هو اول حب و آخر حب
لؤي: خليني نحكي سكتي ولاء و قبل ما يحكي تغمض عينيها و يسمع في الآلات يصوني حتى يدخل جواد يجري عنده يبدا يدير في الإنعاش ليها
جواد: شاصرا لؤي لؤيي لؤي كان مركز مع خط مستقيم لي كان في ماشينة حتى يضربه جواد بصفعة عاد فطن
جواد: بقى معايا و عاوني
لؤي: اوك جاب جهاز و بدى يديرلها في صدمات كهربائية لكن لا حياة لمن تنادي مابغاش نبض يرجع بعد 15 دقيقة جواد بعد و شاف في ساعة........

سمحولي بزااف علابالي طولت باش نحط مهم الكونيكسيون راحت حتى لليوم باش قدرت نحط  نتمنى البارت يعجبكم  والبارت الجاي راح يكون الحلقة الاخيرة  متنساوش تتفاعلو❤😭🌹