كرونيك جزائرية: قَاومِي منْ أجْلي....(مكتملة..)

😭الحلقة 12😭

لؤي: راكي تعاندي فيها  ولاء: لا مانيش نعاند انا تاع صح نبغيك بقى يشوف فيها و مخلوع لؤي: كيفاش ولاء: متسقسينيش كيفاش ولا علاش ولا حتى وقتاش بصح حاجة الوحردة لي نعرفها انا نبغيك تع صح نبغيك علبالك نهاري ميفوتش مليح كون ميبداش بيك علبالك بلي نتا هي الحاجة لوحيدة لي خلاتني نصبر على الحالة لي راني فيها كلش فيك يعجبني كلش  فيك نبغيه من اصغر شعرة فيك حتى لقبلك و حطت يدها على قلبه علبالي بلي تبانلك هضرتي حب مراهقة برك بصح لا انا راني متأكدة من شعوري من جيهتك لؤي انا نبغيك هو بقى غير ساكت من شافته هاك قربت ليه و حطت شفايفها على شفايفه و باسته كانت بوسة رهيفة و خفيفة هو بقى مصدوم منها مكانش عارف شايدير ولا شايقول  بقى حال فمه برك هي بعد ما باسته جبدت عليه و بقات تشوف فيه تقارع فيه يدير اي ردت فعل حتى لوكان يدابزها و معليه بصح هو بقى غير مخلوع و صايي بعد خمس دقايق من شوك ناض خرج بلا مايقول حتى كلمة هي مافهمتش ردت فعله هادي شاه بقات غير تخمم بصح بعد تخمام طويل ستسلمت للنوم  بعد اسبوع  حلت عينيها بقات تشوف في سقف اليوم فاتت سيمانة على آخر مرة شافت فيها لؤي من ليلة لي عترفتله بيها بحبها مزادتش شافته عرفت بلي دا  congé  فهمت بلي مراهش باغي يحكي معاها ولا راه باغيي يبقى مع روحه يخمم ناضت من بلاصتها  غسلت وجها و خرحت دور شويا في service  لقات لبنات دايرين على سناء  ولاء: صباح نور شاراكم ديروا هنا  وفاء ممرضة تخدم معاهم: رانا نباركوا لسناء نخطبت  ولاء: ياااا مبروك عمري و راحت عنقتها  سناء: يبارك فيك  ولاء: يادرا شكون هدا سعيد الحظ نعرفوه  وفاء: نتي لي تعرفيه  ولاء: اوو شكون  سناء: لؤي قالتها و تبسمت تبسيمة فوق القلب ولاء سمعت اسم لؤي بقات  جامدة في بلاصتها و دمعة تحجرتلها  ولاء: مبروك عليكم انا نروح و جات دايرة بلخف حتى زدمت في واحد طلعت راسها لقاته لؤي بعد اسبوع جات العين في العين كانت نظراته ليها باردة خلاتها تحشم من روحها و من لي دارته  ولاء: مبروك دكتور و راحت و خلاتهم يباركوله  بقات تمشي في طريق و تضرب في راسها و تعاير في روحها  ولاء: حمارة حمارة بقرة كيفاش درت هاك دوك انا كيفاش نزيد نشوف في وجههه حمارة حتى تحس بحاجة حكمتها من كتافها دارت لقاته لؤي  لؤي: لازم نحكوا  ولاء: لا منحكوش باي و راحت تجري خلاته في بلاصته مسمر
راحت تجري لشمبرتها  ولاء: حمارة دوك انا كيفاش نشوف في وجهه اواه لا منقدرش مانيش باغية نزيد نشوف في وجهه يا حي عليا هو طبيب عليا و حكمت راسها بين يديها هو طان داخل عندها شافها حاكمة راسها راح يجري عندها  لؤي: مالكي شاصرالك راكي مريضة راكي مضرارة من راسك جاتك الحمة هي بقات غايسة فيه من بعد جبدت روحها عليه و ناضت من سرير ولاء: لا مابيا والو و شافت في الأرض و ني حشمانة  لؤي: معليش نحكوا  ولاء: لا معليش مانيش باغية نحكي باسكو راني عارفة وينه سوجي لي غادي تحكي عليه  لؤي: بصح ولاء: معليش تفوته مبروك الخطبة عقوبة لعمارة دار  لؤي: يسلمك عقوبة ليك هي تبسمت بسخرية على كلامه هوما هاك حتى تدخل سناء  سناء: شاراكم ديروا  ولاء: راني نباركله  سناء: لؤي علبالك ظهرت عزيز عند ولاء نهار لي ديت كونجي كانت كل يوم تسقسي عليك ولاء حطت راسها من حشمة  ولاء: باينا يكون عزيز عليا هو طبيب لي راه يداويني  لؤي: واه باينة مغسي لي حوستي عليا  ولاء: دوغيان سناء: ايا نروحوا نشربوا قهوة جات في خاطري لؤي: اوك ايا و خرجوا و خلاوها هي ريحتفوق سرير و تنفست براحة من خرج هي هاك حتى تشوفه داخل قرب عندها  لؤي: متحسبيش بلي نسيت لازم نحكوا و خرج و خلاها  ولاء: افففف بقات نهار كومبلي تتهرب منه مش لانها كانت خايفة ولا بصح عارفة لوكان تواجهه و تسمع كلمة منبغيكش نبغي سناء متقدرش تشد دموعها  فات نهار طويل عليهم كان كل مايشوفها وحدها يبغي يروح عندها يا اما تجيه حاجة تعطله يا اما هي تشوفه تهرب مبغاتش تواجهه مبغاتش تشوف في وجهه طاح ليل كانت في بالكون مجمعة و تشوف في نجوم منبعد وحدها دموعها بداو ينزلوا  ولاء: يعني ميبغينيش انا يبغيها هي باينة مغاديش يبغيني شايبغي فيا كلش راح فيا لا شعر لا خدود لا والو اصلا راني نشبه المومياء باينة مغاديش يخليها و يشوف فيا كانت تحكي و تبكي حتى تسمع واحد يقوللها " شكون هدا ؟"