كرونيك جزائرية: قَاومِي منْ أجْلي....(مكتملة..)

😭الحلقة التاسعة😭

هلااااو نشاله تكونو بألف خييير 💖😍😁

  كانوا مريحين في بيروا مقابلين بعضاهم و قاعد يشرحلهم في وضع بنتهم لي مولاش يتسكت عليه  لؤي: بنتكم دخلت في حالة اكتئاب راها رافضة كلش حتى باه داوي و حنا درنا لي علينا حتى جبنالها psychologue  والو مبغاتش حتى تحكي ماكلة قطعتها كلش راها عايشة غير بسيروم من نهار ماتت لي كانت معاها في شمبرة و هي هاك راها في سيمانة هاك لازم نتوما تانوا تحكوا معاها  هاك حالتها دوك تزيد تتدهور كثر متنسوش رانا بدينا ب la chimio  و الا مكملتش فيه شغل مدرنا والو متقولوش راه يخوف فينا بصح هادي هي la vérité  امين: حنى تاني رانا كل يوم نروحوا عندها نحكوا معاها مابغاتش حتى تشوف فينا تبكي برك  منى: انا قلبي راه دم عليها مالقيت ماندير معاها  امين: دكتور قولنا شانديروا  لؤي: سيوو حكو معاها اليوم بلاك ربي يهديها  امين: نشالله على ربي نقدوا نروحوا عندها دوك  لؤي: بيانسور  روحوا  امين: منى ايا بنا  منى: مغسي دكتور و خرجوا منعنده  وصلوا عندها لقاوها راقدة في بلاصتها وجها خالي من اي ملامح تشوف في سقف برك جثة بدون روح دخلوا عندها راحوا سلموا عليها و هي غير تشوف برك مدارت حتى ردت فعل  منى: كيراها بنتي زينة دوك هي لا حياة لمن تنادي بقات تشوف بلا جواب  امين: شفتي شاجبتلك شيكولة لي تبغيها علبالي تكوني توحشتيها كانوا يحكوا معاها و هي والو متحكيش هنا منى فقدت اعصابها بدات تعلي في صوتها  منى: علاه راكي ديرلنا هاك علاه راكي تحرقي في قلوبنا علاه راكي تعدبي فينا حكي نطقي علاه راكي ساكتة من نحكي معاك جاوبيني و راحت عندها بدات تهز فيها و امين يسيي يكالميها  منى: خليني نفطنها خليني بعدني  نوضي راني نحكي معاك كان فايت لؤي من ديك شمبرة حتى سمع عياط داخل  شمبرا دخل و شاف داك لمنظر راح يجري بعد منى من على ولاء  لؤي: مدام شاراكي ديري هبلتي و شاف في امين ميسيو خرجها من هنا  منى: خلوني نفطنها  لؤي: هاك مراكيش تفطني فيها هاك راكي تكملي عليها مدام خرجي امين خرجها لبرة و بقى لؤي في شمبرة راح جاب كرسي و جمع مقابلها  لؤي: انا مغاديش نديرلك كيما دارلتك امك انا مخرجتهاش على جالك نتي لا العكس خرجتها على جالها هي لانها كانت قريب تجيها نوبة من جيهتك بقى يحكي و هي غير ساكتة  لؤي: ولاء نسقسيك دارت شافت فيه اول مرة من اسبوع دير ردت فعل من يعيطولها هو من شافها هاك تشجع و كمل يحكي  لؤي: كيفاش تكون حالتك كون امك يصرالها حاجة بسبتك هي من سمعاته عينيها تعمروا دموع شفتي مقدرتيش تتخيليها و عينيك تعمروا دموع و كون تصرا صح باسكوا لي راكي ديري فيه راه  يأثر عليك و عليها ولاء رجعي لعقلك رهف ماتت الله يرحمها مكانش  لي مزعفش عليها بصح نتي لازم تكملي تقومي و تتحدي مرضك على جال ناس لي يبغوك كان يحكي من كمل و طلع راسه لقاها تبكي وقف من بلاصته و راح عندها بقى يمسحلها في دموعها و هي ناضت عنقاته و بدات تبكي بكل جهدها كانت محتاجة واحد ترمي عليها حملها و هو مكانش من عاجزين عرفها محتاجة حضن عنقها و بقى يمسح على شعرها و هي كملت في بكاها و بقات تحكي  ولاء: انا شفتها ماتت قدامي مزالها صغيرة كان عندها احلام بزاف تحققهم بغات تعيش بغات تولي طبيبة معاشتش كامل شابغات و راحت و خلاتني خلاتني وحدي لؤي: شوتت متقوليش هاك مخلاتكش وحدك خلات ماماك باباك و صحبتك خلاتهم معاك كاين انا كاين سناء راك معاك منخلوكش جامي متزيديش تقولي خلاتني وحدي  ولاء: زعمة تبقوا معايا حتى تالي  لؤي: نبقوا معاك متخميش حتى تبري و تخرجي من هنا و نبقوا معاك حتى تحقي احلامك  ولاء: انا علجالكم غادي نقاوم و نهزم المرض بإذن الله  لؤي: هاك نبغيك و بعد عليها  ولاء: ماما و بابا يكونوا راحوا  لؤي: واه بصح غدوة يجوا عندك متخميش  ولاء: حسقيتهم  لؤي: علاه  ولاء: جعت و توحشت بيتزا تاع وحد بيتزيريا من جيهتنا بغيتهم يجيبوهالي  لؤي: ممممم هدا مكان  ولاء: واه شفت انا منتشرطش بزاف  لؤي: صحا قوليلي وين  ولاء: علاه  لؤي: قولي و صايي  ولاء: منقولش لؤي: قولي را نضربك  ولاء: أوك و بدات تنعتله وين جاي شاف في ساعة لؤي: عندي خدمة دوك نجي ولاء: صحا انا نبقى هنا معندي وين نروح  لؤي: أوك و خرج هي بقات في شمبرة دور منبعد كرهت نرجت تتمشى شويا في كولواغ حتى شافتها سناء راحت تجري عندها عنقتها سناء: عمري توحشتك  ولاء: انا تاني توحشتك بزاف  سناء: متزيديش ديري كيما درتي لانقتلك  ولاء: صحا منعاودش كاش مصرا في غيابي  سناء: ماصرا والو  ولاء: تخدمي دوك  سناء: لا منخدمش  ولاء: ايا مالا معايا نريحوا شويا راحوا لشمبرة بقاو مجمعين و سناء غير غايسة و تتنهد و تبان مهمومة  ولاء: مالكي يا بنتي غير الخير  سناء: هاه لا والو راني نخمم برك  ولاء: فيمن تخمي  سناء: في لي مابغا يفهمني مابغا يفهم روحه  ولاء: شكون هدا  سناء: لي نبغيه  ولاء: و هو  يبغيك  سناء: معلباليش مزال ماعرفتش  ولاء: كيفاش هادي مزال معرفتيش  سناء: معلباليش خطرة يبان يبغيني خطرة لا مافهمتش اففف هبلني  ولاء: نقولك حاجة  سناء: قولي  ولاء: قيسي جده في تقيل خليه دوك الا كان يبغيك يجي عندك الا لا يروح يرنك  سناء: ديك هي واه يرنك  ولاء: تفاهمنا بب  سناء: واه تفاهمنا بصح نتي دوك حكيلي كيفاش رجعتي نورمال باينة ماماك و باباك هوما سبة لي خلاوك هاك  ولاء: لا لؤي هو لي خلاني هاك  سناء: كيفاش هاد  ولاء: عطاني محاضرة شابة خلاني نفهم بيها بزاف صوالح و خلاني نفهم بلي لازم نقاوم ماش غير على جالي بصح على جال ماما و بابا و جيهان و لي يبغوني تاني و حتى على جال رهف  سناء: خرج يعرف يحكي مكانش عابالي تأمني نعرفه من لي كنت صغيرة بحكم انا وياه جيران مكانش علبالي بلي يعرف يطلع لمورال لناس  ولاء: مام انا كان يبانلي مغصص 😂 سناء: و يسمعك تفكرت اليوم قاع مبانش  ولاء: لا كان صباح هنا ياك قتلك عو لي طلعلي مورال بصح قالي عندي خدمة دوك نجي  سناء: بلاك يكون مع جواد هوما هاك حتى يشوفوه داخل عندهم و في يده قابسة تاع بيتزا  لؤي: راكم تحوسوا عليا هاني جيت  سناء: بااا بيتزا تأمن راها في قلبي  و راحت عنده بغات تدي قابسة  لؤي: بعدي يدك تشو شكون قالك جبتها ليك  سناء: مرهوج هادي غير بيتزا مالك  لؤي: علبالي بصح ماشي ليك و راح عند ولاء مدهالها ولاء: يااا جبتهالي بصح علاه تعبت روحك لؤي: لا عادي مافيهاش تعب بصح عنده الغاشي طولت باه قدرت جبتها  سناء: و انا علاه مجبتليش  لؤي: شري وحدك ياك راكي تخلصي  سناء: مرهوج و شافت في ولاء جيبي طرف نتي ولاء: نسقسي لؤي قبل نعطيها ولا لا  لؤي: مممم نخمم و نقولك  سناء: ياك صايي زيدوها في رواحكم هاني رايحة و خرجت وخلاتهم يضحكوا عليها  ولاء: يااا زعفت نروح نجيبها و نجي  لؤي: لا متزعفش اصلا جبتلها حقها خليتهله في بيروها علبالي تبغيها و دوك كولي نتي ولاء: بصح بشرط  لؤي: شاهو  ولاء: كول معايا  لؤي: أوك و بداو ياكلوا و يقصروا و يضحكوا مع بعضاهم بعدما كملوا الماكلة و قصرة تاعهم  لؤي: انا نخرج دوك نروح نخدم لا يطردوني  ولاء: صحا روح رفد كرطون جا خارج قبل ما يخرج دار شاف فيها تبسم و خرج هي هنا حست بقلبها يضرب بلخف حطت يدها على قلبها تحسه قريب يخرج من بلاصته بقات تكالمي في روحها..........

وهادا كااان البارت تاع ليوم يا اعزائي القرااء نشاله يكون فالمستوى ويكون عجبكم ما تنساوش تدعموني باش نكمل💖😘😘