كرونيك جزائرية: قَاومِي منْ أجْلي....(مكتملة..)

😭الحلقة 14😭

هااااي ❤️🌷

كانت عند لباب خارجة و تحكي مع دارهم  ولاء: توحشت دار شهرين مرحتلهاش  امين: دار و توحشاتك  ولاء: ياك جيهان مقلتولهاش بلي راني جاية  امين: لا هوما هاك حتى يسمعوا واحد يعيط باسم ولاء داروا لقاوه لؤي وصل عندهم ينهج من جري لي جراه موراهم  ولاء: غير خير دكتور مكان والو لؤي بدايحكي و يعيط نسا ناس نسى والديها لي راهم معاها و بدا يعيط لؤي: كيفاش هادي راكي خارجة جيتي شاورتيني شكون اصلا خلاك تخرجي هي بقات تشوف فيه مخلوعة امين: علاه كون تخرج خطر عليها من سمع بوها يحكي عاد رجعله شاهد لعقل بحرتله شايقوللهم هي تبسمت ابتسامة على جنب ولاء: جاوبهم دكتور كاين خطر عليا هو بقى يشوف فيها حتى منبعد نطق لؤي: لا مكانش دونجي  امين: مالا علاه مراكش باغيها تخرج  لؤي: لا ماشي..... غير من مشاورتنيش بصح معليش دار مليحالها تاني نتلاقو بعد سيمانة باي و راح و خلاهم مافهموا عليه والو  منى: كاش مافهمتوا  ولاء و امين: لا والو  منى: ايا نروحوا و خرجوا من سبيطار بعد شهرين من تعب بعد شهرين غياب على دارهم رجعتلها كانت متوحشة كلش في دار من باب تاع برا حتى سريرها  ولاء: حتى حاجة ماتبدلت فيها  منى: و حتى حاجة مراح تتبدل تبقى كيما هي حتى ترجعي نتي ليها و تبدلي لي بغيتي فيها  ولاء: راهي عاجبتني هاك كيما راها منى: معليش كيما تبغي  ولاء: جيهان تكون تقرا ياك  منى: واه هي اصلا متعودة كل يوم من تجي من قراية تكل عليا و تروح لدار  ولاء: ايا مليح خليني نخلعها  منى: واه  ولاء: راني رايحة لشمبرا توحشت رقاد فيها  منى: واه روحي  ولاء: اوك و قبل ماتروح راحت عند ماماها عنقتها مبغاتش تطلقها  منى: توحشتك  ولاء: انا تاني ايا نروح دخلت لشمبرا لقاتها كيما خلاتها حلت لخزانة لقات شعرها لي مقصاته وين مخلاته جبداته و بدات تشوف فيه عينيهل تحجروا بدموع بصح مسحت دموعها و ابتاسمت  ولاء: وعدتك يا رهف غادب نقاوم و نحقق احلامنا و رجعت شعرها لبلاصته و دخلت لسريرها و رقدت كيما لبيبي كانت محتاجة رقدة هاك  نروحوا للؤي لي نهار اليوم فات عليه سامط كان متعود يفوت تقريبا وقته كامل مع ولاء بدا يشوف في لباب و يحكي مع روحه لؤي: زعمة شاتكون دارت اليوم تكون خرجت بصح لبرد كون مدفيش روحها تمرض اففف انا شدخلني فيها ترنك بصح كون تمرض اواه تزيد حالتها لؤي نتا شادخلك فيها بصح انا علاه راني نخمم فيها الله يسهل عليها هي بغات تروح
كان يحكي مع روحه حتى يدخل عليه جواد  جواد: كاين مريضة من لي خرجناهم مرضت هو من سمع هاك اول حاجة جات في باله هي ولا ناض  يجري من بلاصته  لؤي: شكون لي مرضت ولاء نيشان عرفتها غادي تمرض نتا اصلا علاه راك تخرج فيها قولي علاه جواد بقى يشوف فيه مافاهم والو  جواد: لا ماشي ولاء مالك طرت فيا  لؤي: اففف حمدلله ماشي هي جواد بقى غير يشوف فيه و حس بلي كاين حاجة  جواد: مريضة راهي تقارع  لؤي: واه ايا نروحوا و خرجوا يجروا لمريضة
نروحوا لولاء لي كانت راقدة في سابع نومة حتى تسمع لباب تحل ووحدة توغ ناضت مخلوعة من بلاصتها حتى تشوف جيهان جايا تجري عندها  جيهان : تعيط ااااااا ولاء توحشتك و عنقتها  ولاء: انا تاني توحشتك بصح ودني والله غير نسحقها  جيهان: بلعي هدا حق لي توحشتك  ولاء: رواحي عندي و حلت دراعها ليها رجعت عنقتها جيهان بقاو مدة و هوما هاك حتى عياو و طاحوا فوق سرير تكسلوا بقاو يشوفوا في سرير  جيهان: تعقلي من كنا صغار و كنا ندابزا مع ولاد جيران و من نشبعوهم ضرب نجوا ندخلوا لدار عندكم و نلعبوها راقدين باه مايديرولنا والو ناضت تضحك ولاء  ولاء: تعقلي ديك القطة لي دفناها و هي حية ربي يغفرلنا مزالها غايضتني  جيهان: كنا متوحشين يا جدك  و لاء: واه تقول من كانيبال بصح احم احم كبرنا و ستعقلنا و زيانينا  جيهان: ولينا نهبلوا تفكرت محكيتيليش شاصرا مع داك طبيب  ولاء: خطب جيهان ناضت من بلاصتهاو ربع فوق سرير جيهان: كيفاش كيفاش  ولاء: دوك نحكيلك نهار لانيفارسار تاعي وجدلي سوربريز تهبل جابلي قاطو بيتزا لي نبغيها و دارلي فيلم  جيهان: كيما انا وياك نديروا  ولاء: واه باسكو انا قتله دايما انا وياك نديروا هاك مبغاش يخليها في قلبي  جيهان: مليح كملي  ولاء: لا ماشي مليح مهم من كملنا فيلم قتله نبغيك و سلمت عليه  جيهان: كلبة  ولاء: بلعي خليني نكملك مهم بعدها راح و غاب سمانة من موراها دخل خاطب  جيهان: wtf  ولاء: علبيها خرجت حشمت كيفاش نقابله تلفتلي  جيهان: نندب وجهي عندك لحق تحشمي  ولاء: زيدي كملي عليا نتي تاني  جيهان علاه شكون لول  ولاء: جواد صاحبه  جيهان: علاه حكيتيله تاني ولاء: ايه مشكلته كيما مشكلتي  جيهان: كيفاش  ولاء: هو يبغي خطيبة لؤي و هي تبغيه  جيهان: كيفاش ولاء بدات تحكيلها كلش جيهان: يا حي فيلم هندي لي راكي عايشة فيه ولاء: شفتي تلفتلي قاع جيهان معليش تسلك هوما هاك حتى يسمعوا منى تعيطلهم  ولاء: عشا راه واجد ايا تروحوا جعت  جيهان: انا تاني جعت  ولاء: ايا نروحوا
كانت في بلاصتها تشوف في سقف اليوم ترجع لسبيطار جاتها تقيلة ترجع بعدما والفت دار والديها جاتها تقيلة ترجع لسبيطار و ريحة دوا هي هتك حتى تسمع امها تحل في باب  منى: بونجوغ  ولاء: بونجوغ منى: راكي مبكرة كنت حاسبة نجي نلقاك راقدة  ولاء: لا اصلا والفت منوض صباح  منى: ايا وجدي روحك باه نروحو ولاء: اوك ناضت غسلت وجها و لبست قشها و وجدت كابتها و خرجت لقات منى وجدتلها قهوة و شربت و خرجوا رايحين لسبيطار  في ديك سيمانة لي غابت فيها ولاء كان لؤي دايما يخمم فيها و دايما يفوت على شمبرتها مافهمش الا هدا وحش ولا برك والفها تكون قدامه  نروحوا لؤي اليوم كان فرحان على غير العادة جا اول واحد لسبيطار كامل نخلعوا فيه باسكو موالف هو دايما يجي روطار راح للبيرو و بقى كل دقيقة يشوف في تلفون يحسب لساعة  لؤي: ياك قلنالهم 8 يكونو هنا راها 8:05 و مجاوش طولوا بلاك كاش ماصرا في طريق زعمة و خرج من بيرو يلقى ولاء جاية هي والديها لعبها كالم و راح عندهم  لؤي: صباح الخير  ولاء: بونجوغ دوكتور  لؤي: راكي مليحة  ولاء: حمدلله  لؤي: تقدي تطلعي لشمبرتك  ولاء: اوك  و راحت عنقت والديها و راحت غير دخلت شمبرتها تحس بواحد دخل موراها و بلع لباب دارت لقاته لؤي  ولاء: شاكاين  لؤي: زعمة هربتي بصح شفتي عاودتي رحعتي  ولاء: شكون قالك هربت انا توحشت دارنا رحت ياك مافيها والو  لؤي: لا مافيها والو معليش دوك نحكوا  ولاء: أوك هو تفاجأ من ردت فعلها كان يقارع فيها تهرب هو بقى غير يشوف فيها هي طلعت حاجبها  ولاء: مالك يا قتلي نحكوا مالا ريح خلينا نحكوا  لؤي: اوك  جمع فوق سرير بدا يحكي حتى هي حبساته  ولاء: معليش تخليني انا نحكي  لؤي: اوك تفضلي  ولاء: مغاديش نقولك بلي انا منبغيكش و بلي صايي نسيتك باسكو هادي كدبة و انا قررت منكدبش بصح نوعدك انا ننساك متخممش و ربي يهنيك مع سناء مكانش علبالي بلي غادي تخطبها لوكان جامي قتلك و جامي درت لي درته و مدابيك مرانيش باغية حتى واحد يسمع بحكاية لؤي بعدما سمع هضرتها مافرحش هو كان باغي يريح من هاد سوجي بصح علاه من قاتله ننساك مبغاش كانت ساكتة و تقارع فيه يحكي  ولاء: متحكيش  لؤي: لا نحكي متأمنيش شعال فرحتني هضرتك هاك باه منبقاش نخمم و متخميش اي حاجة صرات بيناتنا تبقى بيناتنا  ولاء: مغسي ربي يهنيكم. لؤي: امين مغسي انا نروح دروك خرج منعندها كاره مالغي هادي هي الهضرة لي كان باغي يسمعها الا انه ماشي فرحان من كان رايح شاف جواد رايح جيهت شمبرا تاع ولاء
‏   كانت تسقم في قشها حتى تشوف لباب تحل عليها  جواد: رجعتي توحشناك و راح عندها عنقها  ولاء بقات تضحك ولاء: حتى انا توحشتك يا جدك يا درا كاش جديد هنا ولا والو  جواد: والو ناشفة شوفي عندي خدمة منبعد نرجع و نحكوا اوك  ولاء: أوك باي هو خرج من شمبرا لقا لؤي عند لباب و يشوف فيهم  جواد: راك هنا شفت شكون رجعت توشحناها لؤي كان يشوف و في عينيه باين الغش  لؤي: واه شفت و راح و خلاهم هي و هو بقاو غير شوفوا فيه مفاهمين والو  جواد: ماله هدا  ولاء: الله اعلم. جواد: مهم انا نروح  ولاء: اوك  نروحوا لؤي لكان يتمشى و يحكي مع روحه  لؤي: كيفاش هادي تخليه يعنقها باي صفة تخليه يعنقها باغيا تهبلني اي اس انا علاه راني منارفي منها الله يسهل عليه يقودوا فات على سناء و هو يغلي  سناء: لؤي لؤي مسمعهاش و كمل طريقه  سناء: هدا ماله الله يسهل عليه يدبر راسه فات نهار عادي اليوم جواد و لؤي عندهم مناوبة فليل  هي كانت في بالكون مجمعة و تشوف في نجوم كيما موالف حنى تسمع في واحد من موراها يحكي  جواد: مالكي مع نجوم علاه تبغيهم بزاف  ولاء: باسكو انا نجمة علبيها  جواد: الله اكبر معرفتكش  ولاء: باينا متعرفنيش انا هي نجمة ولاء وقفت و بقات تتمشى بقى يصفرلها و يصفق  جواد: دخول نجمة ولاء الى قاعة الحفلة  بصح دقيقة تاعش حفلة  ولاء: حفلة اوسكار طبعا  جواد: اوك دخول النجمة ولاء الى قاعة الحفلة و هي مرشحة الى نيل جائزة اوسكار كونها احسن ممثلة لعام 2019  ولاء : شكرا شكرا منبعد جمعت في بلاصتها و بقاو يضحكوا لزوج  جواد: نسيت روحي قاع انا نروح نخدم دوك منبعد نجي عندك  ولاء: بصح لبرد راه هنا رواح لشمبرة الا لقيتني نايضة باغية نحكيلك  جواد: على لؤي ولاء:واه جواد: اوك باي هي بقات رجعت تشوف في سما حتى تسمع حس موراها قبل مادور ولاء: جواد رجعت  لؤي: لا انا لؤي دارت شافت فيه تبسمت
🎶🎶🎶🎶🎶🎶🎶🎶🎶🎶🎶
وهادا كان البارت نتمنا يكون عجبكم 🥰💖مهم كرهت حياتي وانا نكتب يديا وجعوني  باش نطوله🥴😪 مهم ماتنساوش تدعموني باش نكمل ياك حاجا ساهلة ايييه وتفكرت واش قصية  لي بارت التوالا فيهم 20 vuولوالا 15 ولا14 ها قراو نيشان 😂😂😂😂
مهم باااااي غدوا نشاله😘😘😍