كرونيك جزائرية: قَاومِي منْ أجْلي....(مكتملة..)

😭الحقة الخامسة😭

هااي حبوباتي 🥰😘 ان شاء الله تكونو كامل بخيير
هيا نبداااو❤️...

بعدما خرجوا من سبيطار كانوا رايحين لدار و واحد فيهم ما نطق بحتى حرف صدمة لي داوها اليوم كانت كبيرة عليهم خلات عالمهم كامل ينهار بعد مدة و كونا في لوطو كانوا قريب من ليسي تاع ولاء حتى نطقت ولاء
ولاء: شعال راها ساعة
امين: راهي 11 علاه
ولاء: مالا حبسني عند ليسي
امين: علاه
ولاء: باغيا نقرا متنسوش هاد لعام عندي باك
منى: لا معندك وين تنزلي ايا معانا لدار
ولاء: ماما لا باغيا نقرا بابا ها حبس هو دار عليها و حبس لوطو
منى: امين علاه حبست
امين: خليها تروح تقرا و هاكي دراهم كاش متحتاجي
ولاء: هاك نبغيك باي و نزلت و خلاتهم
منى: كيفاش خليتها تروح متنساش لبنت راها مريضة
امين: علبالي بصح ملازمش نبلعوا عليها في دار متنساسش شاقال طبيب حالة النفسية مهمة دوك
منى: بصح كون كاش ميصرالها
امين: نشالله مايكون غير الخير
منى: نشالله و داروا شافوها داخلة هي شافت فيهم تبسمت معاهم و كملت طريق دخلت لليسي اول حاجة دارتها راحت عند مشرف يعطيها بييي باه تدخل بعدما حكاتله بلي كانت عند طبيب عطاها ورقة و طلعت كلاستها غيروصلت عند لباب طبطبت
ولاء: سلام نجم ندخل
امير: بصح راكي روطار لا وين راها طابليتك و ادواتك
ولاء: كنت عند طبيب و جيت ديراكت علبيها ما جبت حتى حاجة من لي قلتهم
امير: مممم من متلقوا شاتقولوا حصلوا في مرض معليش دخلي ولاء تبسمتله و دمعة لمعت في عينيها و دخلت جمعت حدا صحبتها جيهان تحكي تحت نيفها
جيهان: علاه جيتي عند هاد نحس انا منك منجيش قاع اليوم
ولاء: بغيت نقرا سكتي راه يشوف فينا و بقاو يتبعوا حتى كملت الحصة
جيهان: اففف حمدلله كمل
ولاء: عمري مراهش في خاطرك بيتزا ولا طاكوس
جيهان: ممم واه شهيتيني
ولاء: مالا ايا نروحوا ناكلوا احم احم انا لي نخلص
جيهان: الله اكبر كيفاش حتى
ولاء: بلعي تقول جامي شريتلك
جيهان: علبالي عمري نتي و جاو نايضين حتى جيهان حبست في بلاصتها
جيهان: تفكرت
ولاء: شاتفكرتي
جيهان: شاقالك طبيب  هنا وجها تبدل بصح بغات تبدل سوجي
ولاء: اففف راني جيعانة خليني ناكل و نحكيلك
جيهان: ها صحا امكراشة
خرجوا من ليسي و راحوا اقرب بيتزيريا حداهم دخلوا و كمنداو و بقاو يقارعوا في ماكلة حتى تعاود جيهان تسقسيها على طبيب
جيهان: حكيلي شاقالك طبيب
ولاء: يا بنتي خليني ناكل و نحكيلك علاه باغيا تعبيني
جيهان: باغية نعرف مراكيش عاجبتني اليوم نعرفك كاين حاجة
ولاء: حاجة لي بيا عي راني جيعانة علبالك من نجوع نتحول
جيهان: ياك
ولاء: واه هوما هاك حتى جاتهم لماكلة
جيهان: اففف مزيا جات جعت و بدات تاكل ولاء بقات تشوف فيها علبالها لوكان تحكيلها قبل مراحش تقد تاكل و غادي يقلب موضوع دراما و بكا بقات تشوف فيها تاكل و تتبسم كانت تاكل طلعت راسها على غفلة لقاتها تشوف فيها
جيهان: ياك ماش قلاي راكي جيعانة
ولاء: هاه واه راني ميتة بجوع بصح راه حامي دوك ناكل
جيهان: اوك بقاو ياكلوا و ساكتين و هنا جيهان حرنت باه تعرف مرض ولاء
جيهان: ايا بداي تحكي درتيلي سوسبانس
ولاء: اوك دوك نحكيلك بصح وعديني تبقي كالم
جيهان: واه هاني نسمع
ولاء تنفست مليح : عندي cancer de sang جيهان بقات مدة تشوف فيها و ساكتة حتى ولاء تقلقت عليها
ولاء: جيهان مالكي ساكتة جيهان هنا جيهان ولات تضحك بصوت ولاءبقات تشوف فيها متعجبة آخرردة فعل كانت تتوقعها هي انها تضحك
ولاء: جيعان مالكي
جيهان: بركي ماتتبهلي عليا قوليلي صح شافيك للنيمي ياك تفو كلبة بغيتي تخلعيني بصح شفتي فقتلك
ولاء: مرانيش نكدب
جيهان: كدابة نعرفك تبغي تخلعيني دوك نعيط لطاطا نتأكد
ولاء: جيهان راني نحكي صح هنا جيهان كانت تعيط لمنى
منى كانت في صالة هي و امين تخمم في حالة بنتهم حتى تسمع تلفون يصوني رفدت و هي خايفة تسمع خبر ماشي مليح لقاتها جيهان
منى: جيهان كاش ماصرا لولاء
جيهان: لا طاطا بصح غادي يصرالها كيفاش هادي تكدب عليا تحوس تخلعني
منى: كيفاش تخلعك
جيهان: راهي تقولي بلي فيها  cancer منى سمعتها نزلت دمعة من عينها
منى: بصح هي مراهاش تكدب
جيهان: كيفاش
منى: تاع صح راهي مريضة بيه
🥀🥀🥀

جيهان من صدمة طيحت تلفون و بقات تشوف في ولاء و عينيها تحجروا بدموع
ولاء: جيهان تكالم مخلاتهاش حتى تكمل كلامها راحت عنقتها و بقات تبكي بحرقة آخر حاجة توقعتها ان صحبتها عشيرة عمرها يجيها مرض هاك متقدرش تتخيل انها في اي لحظة تقد تروح و تخليهم متقدرش تتخيل توأمها تقدر تموت و تخليها وحدها في هاد دنية و هي لي تعودت ان اي حاجة يتقاسموها بيناتهم ضحكة و فرحة و حتى من يدابزوا مايفوتش دقايق و يرجعوا احسن من لي كانوا بعد طرح لبكا لي دارته جيهان قدرت تسكتها ولاء
ولاء: عمري صايي حبسي لبكا تقولي نتي لي مرضتي مشي انا
جيهان تحكي ب شهقة : انا و نتي واحد بصح ولاء تبري ياك مغاديش تخليني مغاديش تموتي
ولاء: ملافظ سعد يا بنتي شاجاب لموت في وسط طبيب قالي تقدي تبري باسكو اكتشفناه في لبديا
جيهان: قولي والله
ولاء: واه قالي هاك متخميش دوك نولي ندير دوا و نبرا و نرجع خير من لي كنت و نرجع نهبلك و تهبليني
جيهان و دمعة في عينيها: توعديني
ولاء: واه نوعدك يا بنتي و تبسمت في وجها خلاتها تحس براحة شويا بعد ما كملوا كلامهم رجعوا يقروا بعدما ةلاء خلات جيهان توعدها ان حتى واحد مايعرف بمرضها بعد نهار طويل رجعت ولاء لدار  منى كانت تقارعلها عند لباب
منى: طولتي وين كنتي
ولاء: كنت مع جيهان
منى: كيراكي تحسي روحك
ولاء: راني مليحة ماما والله و
منى: روحي ريحي بيلاما ما وجدت لعشا
ولاء: مرانيش باغية ناكل راني شبعانة
منى: بصح و قبل ما تكمل هضرتها دخل امين في وسط
امين: معليش بنتي براحتك روحي لشمبرتك
ولاء: اوك باي و راحت و خلاتهم
امين: حبيبتي متظغطيش عليها بزاف خليها على راحتها اوك نروحوا لولاء لي أول ما دخلت لشمبرتها قلعت قناع البنت القوية و بداو دموعها ينزلوا و بدا صوت شهقاتها يعلى حتى حطت يدها على فمها مكانتش باغية يسمعوها والديها لأن حالتهم مكانتش افضل من حالتها بعد ساعة من لبكا جبدت مدكرة كانت في خزانة و عليها غبرة نفضتها
ولاء: جامي لاتخيلت بلي غادي نطتب مدكرات و حكمت ستيلو و  بدات تكتب
"اليوم 21 جانفي 2021 اليوم هو اسؤ يوم في حياتي لقد تلقت اصعب خبر يمكن لأي احد اي يتلقاه اليوم علمت اني مصابة بسرطان الداء الذي ليس لديه دواء لكن ليس هدا هو المشكل الوحيد المشكل هو انني حتى لا استطيع اخبار عائلتي و اصدقائي بما اشعر بيه من خوف و قلق لأنهم سينهارون اكثر مما هم منهارون لا استطيع ان اخرج كل ما في داخلي لأحد انا اتظاهر بالقوة  امامهم لكي ازيد من قوتهم لكن في داخلي انا مرهقة لا اعلم ان كنت سأستطيع هزيمة هدا المرض اللعين ام سينتهي بي المطاف في قبر و ستكون هذه نهايتي لا احدلا اعلم ان كنت سأستطيع هزيمة هدا المرض اللعين ام سينتهي بي المطاف في قبر و ستكون هذه نهايتي لا احد يعلم " بعدما كملت كتبة نزلت دمعة عل  خدها و دست المذكرات و راحت رقدت

وهادي كانت النهاية تاع البارت سييت نطوللكم قد مانقدر 😘🥰
ان شاء الله يعجبكم وما تنساوش تتفاعلو باش تشجعوني اني نكمل❤️😭🥺
ايا سناوني غدوا في بارت جديد ان شاء الله😘❤️